up-journalist-shot-at-in-front-of-daughters

కూతురు ముందే జర్నలిస్ట్‌పై కాల్పులు

Share on facebook
Share on twitter
Share on telegram
Share on whatsapp

ఉత్తరప్రదేశ్‌లోని ఘజియాబాద్‌లో విజయనగర్ ప్రాంతంలో జర్నలిస్ట్ విక్రమ్ జోషిపై కొంతమంది గుర్తు తెలియని దుండగులు దాడికి దిగారు. దీనికి సంబంధించిన సీసీటీవీ ఫుటేజ్ బయటపడింది.

ఈ సిసిటివి ఫుటేజీలో విక్రమ్ జోషి తన ఇద్దరు కుమార్తెతో మోటారుసైకిల్‌పై వెళుతుండగా దాడి చేశారు. దుండగులు జర్నలిస్ట్‌ని చుట్టుముట్టి కాల్పులకు తెగబడ్డారు. ఈ కేసులో ఐదుగురు నిందితులను అరెస్టు చేశారు.

సుమారు 5నుంచి 6మంది దుండగులు విక్రమ్ జోషిని చుట్టుముట్టి ఈ చర్యకు పాల్పడ్డారు. విక్రమ్ జోషిని కాల్చిన తరువాత వారు తప్పించుకున్నారు. తండ్రి గాయపడటం చూసి, కుమార్తె సహాయం కోసం వేడుకోగా.. ఈ సంఘటన మొత్తం సీసీటీవిలో బంధించబడింది. సీసీటీవి ఫుటేజ్ ఆధారంగా పోలీసులు ఐదుగురు నిందితులను పట్టుకున్నారు.

విక్రమ్‌జోషి మేనకోడలితో కొంతమంది అబ్బాయిలు అసభ్యంగా ప్రవర్తించారు. దీంతో వారిపై పోలీసు స్టేషన్‌లో లిఖితపూర్వక జోషి ఫిర్యాదు చేశారు. దీంతో తమ మేనకోడలిని ఏడిపించిన దుండగులే ఈ ఆఘాయిత్యానికి పాల్పడ్డారాని విక్రమ్‌ జోషి బంధువులు చెబుతుపన్నారు. కాల్పుల్లో విక్రమ్‌ జోషి తలకు బులెట్‌ తగిలింది. ఘజియాబాద్‌లోని యశోద ఆసుపత్రికి తరలించగా.. ప్రస్తుతం ఆయన పరిస్థితి విషమంగా ఉంది.

Related Posts