వోడాఫోన్ ఐడియా రూ .351 ప్లాన్: వర్క్ ఫ్రమ్ హోమ్ చేసేవారి కోసం 100GB డేటా

Share on facebook
Share on twitter
Share on telegram
Share on whatsapp

కరోనా వైరస్ కేసులు విపరీతంగా పెరిగిపోతూ ఉండగా.. ఇంకా కూడా బయటకు వచ్చే పరిస్థితిలో మార్పు రాలేదు. ఈ కారణంగా, చాలా కంపెనీలు ఇప్పటికీ వర్క్‌ ఫ్రమ్ హోమ్ చెయ్యాలని వారి ఉద్యోగులకు సూచిస్తున్నాయి. వినియోగదారులు ఇంట్లో కూర్చుని ఆఫీస్ పనులు చేసుకుంటున్నారు. అయితే ఇంటి నుంచి వర్క్ చెయ్యడానికి ప్రతి ఒక్కరికి ఇప్పుడు చాలా ఎక్కువ డేటా అవసరం అవుతుంది.

ఈ సమయంలో ఎక్కువ డేటాను వినియోగిస్తుండడంతో టెలికాం కంపెనీలు ఈ వినియోగాన్ని దృష్టిలో ఉంచుకుని మార్కెట్లో కొత్త ప్లాన్‌లను అందుబాటులోకి తెస్తున్నాయి. వినియోగదారులకు మెరుగైన సదుపాయాన్ని కల్పించడానికి, టెలికాం సంస్థ వోడాఫోన్ ఐడియా అనగా ‘Vi’, హోమ్ ప్రీపెయిడ్ ప్లాన్‌ను కొత్తగా మార్కెట్లో ప్రారంభించింది.



వోడాఫోన్ ఐడియా కొత్త ప్లాన్ ధర 351 రూపాయలు. సంస్థ అధికారిక వెబ్‌సైట్‌లో దీని గురించి సమాచారం ఇవ్వబడింది. హోమ్ ప్లాన్ కింద వినియోగదారులు 100GB హై-స్పీడ్ డేటాను పొందవచ్చు. ఈ ప్రణాళిక వ్యాలిడిటీ 56 రోజులు. సంస్థ ఇప్పటికే రూ .251 ప్లాన్ అందిస్తోంది. ఈ ప్లాన్‌లో వినియోగదారులకు 28 రోజుల చెల్లుబాటుతో 50GB డేటా సౌకర్యం లభిస్తుంది.

హోమ్ ప్లాన్.. ఈ సర్కిల్‌లలో మాత్రమే అందుబాటులో ఉంటుంది. ఢిల్లీ, ఆంధ్రప్రదేశ్, గుజరాత్, కేరళ, మధ్యప్రదేశ్ సర్కిల్‌లలో దీనిని పొందవచ్చు. వర్క్ ఫ్రమ్ హోమ్ పనిచేసే వినియోగదారులకు ఇది మంచి ఎంపిక. రూ .351 ప్లాన్‌లో, వినియోగదారులకు డేటా సౌకర్యం మాత్రమే లభిస్తుంది. అయితే, ఈ ప్లాన్‌లో కాలింగ్ లేదా ఎస్ఎంఎస్‌లు ఉచితంగా లభించవు. కాలింగ్ సౌకర్యం పొందడానికి, వినియోగదారులు విడిగా రీఛార్జ్ చేసుకోవాలి.

ఇటీవల వోడాఫోన్ ఐడియా లోగో గురించి చాలా చర్చ జరుగుతుంది. ఎందుకంటే కంపెనీ తన బ్రాండ్ డిజైన్‌ను మార్చగా.. మునుపటితో పోలిస్తే ఈసారి మార్చబడిన రూపం చాలా ఆకర్షణీయంగా ఉంది. దీనికి ఇప్పుడు వోడాఫోన్ ఐడియాకు బదులుగా ‘Vi’ అని పేరు మార్చారు.

Related Posts