నన్ను చంపొద్దని కసాయి ముందు మోకాళ్లపై కూర్చున్న బర్రె.. వీడియో

చావంటే భయం లేనివారు ఎవురుంటారు చెప్పండి.. మనుషులైతే ఏదో విధంగా కొన్నాళ్లపాటు బ్రతకడానికి ప్రయత్నిస్తారు. కానీ జీవులకు ఆ అవకాశం ఉండదు.. ఎవరైనా చంపుతుంటే మాట్లాడటానికి నోరు కూడా ఉండదు. అందుకే అక్కడ్నుంచి పారిపోయేందుకు ప్రయత్నిస్తుంటాయి. కానీ ఓ మూగ జీవి మాత్రం తనను చంపొద్దని కసాయి ముందు మోకళ్లపై కూర్చుని వేడుకుంది. 

డైలీ మెయిల్‌ ప్రకారం.. చైనాలోని గువాంగ్‌ డాంగ్‌ ప్రావిన్స్‌ లోని ఓ కబేళాకు ఆదివారం బర్రెను ట్రక్కులో తీసుకువచ్చారు. ట్రక్కు నుంచి ఆ బర్రెను కిందకు దింపి చంపేందుకు కిందకు దించారు. అది తెలిసిన బర్రె తనను చంపొద్దని కసాయి ముందు మోకాళ్లు వేసి కన్నీళ్లు పెట్టుకుంది. 

మరోవిషయం ఏంటంటే.. ఆ జీవి గర్భవతిగా ఉండడంతో బతకాలనే బలమైన కోరికతో అలా చేసిందని అక్కడివారు తెలిపారు. మొత్తానికి చైనీస్‌ సోషల్‌ మీడియాల్లో ఈ వీడియో వైరల్‌ అయింది. ఈ వీడియోను 7 మిలియన్ల మంది వీక్షించారు.