విజయ్ దేవరకొండ లైగర్ సినిమాలో చూపించిన MMA ఆట గురించి మీకు తెలుసా?
MMA అంటే మిక్స్‌డ్‌ మార్షల్‌ ఆర్ట్స్‌. మార్షల్‌ ఆర్ట్స్‌, బాక్సింగ్, WWE చూసేవాళ్ళకి ఈ MMA తెలిసే ఉంటుంది. ఇండియాలో ఎక్కువ మందికి దీనిగురించి అవగాహన లేదు.
అయితే MMA మొదట్లో రూల్స్ ఏమి పెట్టకపోవడంతో ఇది చాలా క్రూరమైన క్రీడగా మారింది. కొన్ని దేశాల్లో దీన్ని బ్యాన్ కూడా చేశారు. కానీ ఆ చెడ్డ పేరు నుంచి బయటపడి ప్రస్తుతం ప్రపంచంలో అత్యధిక మంది ప్రేక్షకులు చూస్తున్న గేమ్స్ లో ఒకటిగా నిలిచింది.
20వ శతాబ్దం ఆరంభంలో బ్రెజిల్ లోని వాలే ట్యూడో ద్వారా ఈ MMA గేమ్ వెలుగులోకి వచ్చింది. కార్లో, హెలియో అనే ఇద్దరు సోదరులు నార్త్ అమెరికాలో ఈ గేమ్‌కు బాగా పాపులారిటీ తీసుకొచ్చారు.
ఈ అన్నదమ్ములే MMA టోర్నమెంట్ కు యూఎఫ్‌సీ(UFC)-అల్టిమేట్ ఫైటింగ్ ఛాంపియన్ షిప్ అని పేరు పెట్టి టాప్ గేమ్ గా తీసుకెళ్లారు.
ఇప్పటికీ MMA గేమ్ పై కొన్ని దేశాల్లో ఆంక్షలు ఉన్నాయి.
ఒకప్పుడు ఎలాంటి నిబంధనలు లేని ఈ గేమ్ కి ఇప్పుడు అనేక కఠిన నిబంధనలను పెట్టారు.
MMAలో రూల్స్ కింద ఒక్కో రౌండు ఐదు నిమిషాల చొప్పున మూడు రౌండ్లు పోరాడాలి. ఒక్కో రౌండు ముగిసిన తర్వాత ఒక నిమిషం విశ్రాంతినిస్తారు. అదే చాంపియన్‌షిప్‌ లో అయితే ఐదు రౌండ్లు ఉంటాయి. ప్రత్యర్థిని నాకౌట్‌ చేయడం లేదా ప్రత్యర్థి ఓటమి ఒప్పుకునేలా చేయడం ద్వారా గెలుపును నిర్ణయిస్తారు. ఒకవేళ ఇద్దరు ఆటగాళ్లు సమంగా పోరాడితే విజేత ఎవరనేది జడ్జి ప్యానెల్‌ నిర్ణయిస్తుంది.
అమెరికాలోని నెవడా రాష్ట్రంలోని లాస్‌వేగాస్‌లో MMA ప్రధాన సంస్థ UFC ఉంది. ప్రతీ సంవత్సరం వివిధ స్థాయిల్లో యూఎఫ్‌సీ ఎంఎంఏ విభాగంలో ఈవెంట్లు నిర్వహిస్తుంది.
అందుకే విజయ్ దేవరకొండ లైగర్ సినిమా సెకండాఫ్‌ మొత్తం లాస్‌వేగాస్‌లోనే ఉంటుంది.