చాలామంది రాజకీయ ప్రముఖులకు ఎందుకు కరోనా సోకుతోంది? వైరస్ రాకుండా వాళ్లు ఎలాంటి ఏ జాగ్రత్తలు తీసుకోవాలంటే?

Share on facebook
Share on twitter
Share on telegram
Share on whatsapp

దేశవ్యాప్తంగా కరోనా వైరస్ విజృంభిస్తోంది. సామాన్యుల నుంచి ప్రముఖుల వరకు అందరిని కరోనా కాటేస్తోంది.. రాజకీయ ప్రముఖులను కరోనా వదిలిపెట్టడం లేదు. మహమ్మారి సమయంలో చాలామంది రాజకీయ ప్రముఖులకు కరోనా సోకింది. ఎందుకిలా రాజకీయ నేతలను కరోనా వెంటాడుతోంది. అసలు వైరస్ సోకకుండా వాళ్లు ఎలాంటి ఏ జాగ్రత్తలు తీసుకోవాలో తప్పక తెలుసుకోవాల్సిన అవసరం ఉంది. దేశవ్యాప్తంగా ఏపీ, తెలంగాణ సహా పలు రాష్ట్రాలకు చెందిన రాజకీయ నేతలకు కరోనా సోకింది.

కొంతమంది కరోనా నుంచి కోలుకుంటే.. మరికొందరు కరోనాతో కన్నుమూశారు.. ముందుగానే కరోనా సోకకుండా తగిన జాగ్రత్తలు తీసుకోవాల్సి ఉంది. రాజకీయంగా ప్రజలతో మమేకం కావాల్సిన పరిస్థితి. ప్రజల సమస్యలపై పోరాడే ప్రతి నాయకుడు తప్పక కరోనా జాగ్రత్తలు పాటించాల్సిన అవసరం ఉందని అంటున్నారు విశ్లేషకులు.. దేశవ్యాప్తంగా, రాజకీయ శాసనసభ్యులు, కార్పొరేటర్లతో సహా రెండు డజన్లకు పైగా రాజకీయ నేతలు కరోనా వైరస్ బారిన పడ్డారు.



తాజాగా కేంద్ర హోంశాఖ మంత్రి అమిత్ షాకు కరోనా పాజిటివ్ వచ్చింది. ఆయన్ను కలిసిన రాజకీయ నేతలంతా అప్రమత్తమయ్యారు. తమకు తామే స్వయంగా హోం ఐసోలేషన్‌లోకి వెళ్లిపోయారు. అవసరానికి బట్టి కరోనా పరీక్షలు చేయించుకోవాలని భావిస్తున్నారు. కర్ణాటక సీఎం యడ్యూరప్పకు కూడా కరోనా పాజిటివ్ అని నిర్ధారణ అయింది. ఉత్తరప్రదేశ్‌ మంత్రి కరోనా సోకడంతో మృతిచెందారు.

కేంద్ర హోంమంత్రి అమిత్‌ షా, తమిళనాడు గవర్నర్ కూడా కరోనా బారినపడ్డారు. అమిత్ షాను కలిసిన అనంతరం చాలామంది రాజకీయ ప్రముఖులు సెల్ఫ్ ఐసోలేషన్ కు వెళ్లిపోయారు. అమిత్ షాను కలిసినందున తాను ఐసోలేషన్ లోకి వెళ్తున్నానని కేంద్ర మంత్రి బాబుల్ సుప్రియో చెప్పారు. త్వరలో కోవిడ్ -19 పరీక్ష చేయించుకుంటానని అన్నారు. తన కుటుంబ సభ్యుల నుండి తనను తాను నిర్బంధించుకుంటానని సుప్రియో చెప్పారు. ఉత్తరప్రదేశ్‌లో రాష్ట్రంలోని ఏకైక మహిళా క్యాబినెట్ మంత్రి కమల్ రాణి వరుణ్ (62) కోవిడ్ -19తో లక్నోలోని ఆస్పత్రిలో మరణించారు.


తెలంగాణ రాష్ట్రంలో కాంగ్రెస్ సీనియర్ నేత వి. హనుమంతరావు కరోనావైరస్ సోకింది. రెండు రోజుల ముందు, మధ్యప్రదేశ్‌కు చెందిన బిజెపి ఎమ్మెల్యే ఓం ప్రకాష్ సక్లెచా రాజ్యసభ ఎన్నికలలో ఓటు వేసిన కొద్ది గంటలకే కరోనా పాజిటివ్ తేలింది. రాష్ట్ర అసెంబ్లీలో తనతో పాటు ఉన్న ఇతర ఎమ్మెల్యేలను కూడా కరోనా పరీక్షలు చేయించుకోవాల్సిందిగా కోరారు. PPE సూట్ ధరించి ఓటు వేసిన కాంగ్రెస్ కునాల్ చౌదరి తర్వాత రెండవ మధ్యప్రదేశ్ ఎమ్మెల్యే సక్లేచాకు పాజిటివ్ అని తేలింది. కాంగ్రెస్ నుంచి బిజెపిలో చేరి ఇప్పుడు రాజ్యసభ సభ్యుడిగా ఉన్న జ్యోతిరాదిత్య సింధియా పాజిటివ్ నిర్ధారణ అయింది.

READ  రాహుల్ కి ఈసీ క్లీన్ చిట్

ఢిల్లీ ఆరోగ్య మంత్రి, ఆమ్ ఆద్మీ పార్టీ నాయకుడు సత్యేందర్ జైన్ కు కూడా కరోనా వచ్చింది. తీవ్ర అనారోగ్యానికి గురికావడంతో ఆయన్ను వెంటనే ఇంటెన్సివ్ కేర్ యూనిట్ తరలించాల్సి వచ్చింది. జైన్‌తో పాటు, జాతీయ ప్రతినిధి అతిషితో సహా నలుగురు ఆప్ ఎమ్మెల్యేలకు వైరస్ సోకింది. బిజెపికి చెందిన ఉత్తరాఖండ్ మంత్రి సత్పాల్ మహారాజ్‌తో పాటు ఆయన కుటుంబ సభ్యులు, సిబ్బందికి సోకింది.


జూన్ 10న డిఎంకెకు చెందిన తమిళనాడు ఎమ్మెల్యే జె . అన్బాజగన్ కోవిడ్ -19 సోకింది. మహారాష్ట్రలో బిజెపి మాజీ ఎంపి, మాజీ ఎమ్మెల్యే హరిభావు జవాలే మరణించారు. మహారాష్ట్రలో ఉద్ధవ్ థాకరే సంకీర్ణ ప్రభుత్వంలో ముగ్గురు కేబినెట్ మంత్రులు ఉన్నారు. మాజీ సిఎం అశోక్ చవాన్, జితేంద్ర అవద్, ధనంజయ్ ముండే కరోనా నుంచి కోలుకున్నారు. రాజకీయ నేతల్లో కోవిడ్ -19 వైరస్ సోకే ప్రమాదం ఎక్కువగా ఉందా? అవును అయితే, ఎందుకు? ఇలా ఒక్కొక్కరిగా వైరస్ బారిన పడుతున్నారంటే…

కాలానికి అనుగుణంగా మెలగడమే ఉత్తమం :
ప్రజా జీవితంలో ఉన్నప్పుడు.. అధికారిక, బహిరంగ సమావేశాలకు హాజరుకావడం, సహాయక చర్యలలో పాల్గొనడం, అందరితో మమేకం కావడం ఇవన్నీ ప్రతి రాజకీయ నాయకుడు చేయాల్సిన కార్యక్రమాలు.. మహమ్మారి సమయంలో చాలా మంది రాజకీయ నేతలు ప్రజలతో మమేకం అయ్యేందుకు ప్రయత్నిస్తున్నారు. ప్రజల సమస్యలను పరిష్కరించే దిశగా చర్యలు చేపట్టాలని చూస్తున్నారు. ప్రస్తుత పరిస్థితుల్లో ఇలా చేయడం వారి ఆరోగ్యానికే ప్రమాదమని అంటున్నారు విశ్లేషుకులు. వీటిలో కొన్ని కాలానికి అనుగుణంగా అవసరమైన జాగ్రత్తలు తీసుకోవాలని సూచిస్తున్నారు.


మహారాష్ట్రలోని క్యాబినెట్ మంత్రి, నేషనలిస్ట్ కాంగ్రెస్ పార్టీ ముంబై యూనిట్ ప్రెసిడెంట్ నవాబ్ మాలిక్ తన కార్యాలయాన్ని నిర్వహించే విధానం చాలా మారిందని చెప్పుకొచ్చారు. ప్రజలు ఎవరైనా సమస్యలతో తనను లేదా కార్యాలయాన్ని వ్యక్తిగతంగా సంప్రదించవద్దని విజ్ఞప్తి చేస్తున్నారు. నేరుగా కలవడానికి రావొద్దని, ఇమెయిల్, వాట్సాప్, ఫోన్ కాల్స్ ద్వారా తమను సంప్రదించమని అంటున్నారు. ధనంజయ్ ముండే కరోనా సోకిన తరువాత మాలిక్ కొన్ని రోజుల పాటు ఐసోలేషన్ లో గడిపారు. ప్రజా జీవితంలో ఉన్నప్పుడు రాజకీయ నేతలు ఈ ప్రాథమిక జాగ్రత్తలు తప్పక తీసుకోవాలని ఆయన అన్నారు.

మునుపటిలాగా రాజకీయ నాయకులు తమ నియోజకవర్గాలను అధిక సంఖ్యలో వెళ్లి ప్రజల సమస్యలను తెలుసుకోవడం పరిష్కరించడం మహమ్మారి సమయంలో కుదరని పని.. వైరస్ ప్రభావం అధికంగా ఉన్నప్పుడు సామాజిక దూరం తప్పనిసరిగా పాటించాలి. ఈ సమయంలో ప్రజలను క్రమం తప్పకుండా కలవలేని పరిస్థితి. పరిమిత సంఖ్యలో మాత్రమే ప్రజలను కలవాల్సిన సమయం.. అది కూడా సామాజిక దూరాన్ని పాటిస్తూ మెలగాలి.. సమావేశానికి ముందు, తరువాత అన్ని జాగ్రత్తలు తీసుకోవాలని సూచిస్తున్నారు. మునపటిలా బహిరంగ సభలు, సమావేశాలు నిర్వహించేది లేదు.. ఇప్పుడంతా వర్చువల్ ప్లాట్‌ఫారమ్‌లపై ఆధారపడుతున్నారు.

READ  విజయ్ కాంత్‌తో కుదరలేదు.. కాంగ్రెస్‌కు 10, డీఎంకేకు 20




ఇటీవల కరోనా బారిన పడిన చాలా మంది రాజకీయ నేతలు పేదలకు సహాయక సామగ్రిని పంపిణీ చేశారు. వీరిలో తెలంగాణ కాంగ్రెస్ నేత హనుమంతరావు వైరస్ సోకింది. అసలు ఆయన వైరస్ బారిన ఎలా పడ్డారనే దానిపై అధికారిక ధృవీకరణ లేదు. వైరస్ వ్యాప్తి సమయంలో వీహెచ్ క్రమం తప్పకుండా రేషన్, సహాయక సామగ్రిని పంపిణీ చేస్తున్నట్లు రాజకీయ వర్గాలు తెలిపాయి. వీహెచ్ తో పాటు తెలంగాణ అధికార పార్టీ టిఆర్ఎస్‌కు చెందిన ఇద్దరు ఎమ్మెల్యేలు, ముత్తిరేడ్డి యాదగిరి రెడ్డి, బాజిరెడ్డి గోవర్ధన్, కోవిడ్ -19కు కరోనా పరీక్షలు నిర్వహించారు.

ఈ అదనపు జాగ్రత్తలు తప్పనిసరి:
రాజకీయ నాయకులు, ప్రజా ప్రముఖులు రాజకీయ నాయకులే కాకుండా రోజూ చాలా మంది వ్యక్తులతో మాట్లాడుతున్నందున అదనపు జాగ్రత్త వహించాల్సిన అవసరం ఉందని ప్రజారోగ్య నిపుణులు చెబుతున్నారు. రెట్టింపు జాగ్రత్తగా ఉండాలి. రాజకీయ నాయకులు మాస్క్ ధరించాల్సిన అవసరం ఉంది. అసౌకర్యంగా ఉందని మాస్క్ ధరించడం మానేయరాదు.. ఈ వైఖరి సరైనది కాదని సూచిస్తున్నారు. క్లోజ్డ్ రూమ్ సెట్టింగులలో సమావేశాలకు హాజరుకావొద్దని అంటున్నారు. బయటి ప్రదేశాల్లో భౌతిక దూరపు ప్రోటోకాల్‌లకు కట్టుబడి ఉండటం చాలా ముఖ్యమైనదిగా చెబుతున్నారు. రాజకీయ నాయకులు ఎక్కువ ప్రమాదంలో ఉన్నప్పటికీ, వారికి హైడ్రాక్సీక్లోరోక్విన్ (HCQ)ను సూచించలేదు..


ఫ్రంట్‌లైన్ ఆరోగ్య కార్యకర్తలకు మాత్రమే హెచ్‌సిక్యూ సిఫార్సు చేయడం జరిగింది. రాజకీయ నాయకుల వంటి ప్రజా వ్యక్తులు సాధ్యమైనంతవరకు ప్రజా పరస్పర చర్యలకు దూరంగా ఉండటమే శ్రేయస్కరం.. ఆన్‌లైన్‌లో సమావేశాలు నిర్వహించడం ఉత్తమం..బయటికి వచ్చినప్పుడు లేదా సమావేశాలకు హాజరైనప్పుడు తప్పక మాస్క్ లు ధరించాలి.. సామాజిక దూరాన్ని పాటించాలి.. తరచూ చేతులు కడుక్కుంటూ ఉండాలి. అంతే తప్పా మరో మార్గం లేదని చెబుతున్నారు.

Related Posts