World's Most Expensive Watch by Patek Philippe Fetches Rs 222 Crore

ప్రపంచంలో అత్యంత ఖరీదైన వాచ్ : ఖరీదు రూ.222 కోట్లు..!

Share on facebook
Share on twitter
Share on telegram
Share on whatsapp

ఒక వాచ్ ఖరీదు ఎంతుంటుంది? మహా అయితే రూ.లక్షల్లో ఉంటుంది. పోనీ ధనవంతులైతే వజ్రాలతో చేయించుకున్న వాచ్ అయితే ఇంకా కొంచెం ఖరీదు ఉంటుంది. కానీ ఓ వాచ్ ఖరీదు ఏకంగా లక్షలు కాదు కోట్లల్లో పలికింది. ఈ వాచ్ ను ప్రపంచంలోనే అత్యంత ఖరీదైన చేతి గడియారాలను తయారుచేసే సంస్థల్లో ఒకటైన పాటక్ ఫిలిప్పీ తయారుచేసింది. 

పాటక్ ఫిలిప్పీ గ్రాండ్ మాస్టర్ చిమ్ రెఫ్. 6300A-010 అనే అరుదైన చేతి గడియారాన్ని క్రిస్టీస్ అనే స్వచ్ఛంద సంస్థ ఇటీవల జెనీవాలో వేలం వేసింది. ఈ వాచ్ ను దక్కించుకోవటానికి ధనవంతులంతా పాల్గొన్నారు. కానీ వేలంపాటలో ఓ వ్యక్తి రూ.222 కోట్లతో ఈ వాచీని దక్కించుకున్నారు. ఊహించిన ధరకంటే ఈ వాచీ పన్నెండు రెట్లు ఎక్కువ ధర పలికిందని నిర్వాహకులు తెలిపారు. వేలంలో ఒక చేతి గడియారం ఇంత ధర పలకడం ఇదే తొలిసారి అని తెలిపారు. 

ఈ మోడల్‌లో సదరు సంస్థ ఒక్క వాచీనే తయారు చేసింది. ఈ విషయాన్ని డయల్ పైనే ద ఓన్లీ వన్ అని కూడా రాశారు. ఈ వాచ్ లో మరో ప్రత్యేకత ఏంటంటే.. 18 క్యారెట్ల బంగారంతో వాచీ డయల్‌ను రూపొందించినీ ఈ వాచ్ డయల్‌ను బ్లాక్, లైట్ పింక్ కలర్ లలోకి మార్చుకోవచ్చు.అంతేకాదు.. 20 రకాల ఫీచర్లతో ఈ వాచీ పనిచేస్తుందని తయారీదారులు తెలిపారు. వేలం ద్వారా వచ్చిన డబ్బును కండర బలహీనతతో బాధపడుతున్న రోగులకు చికిత్స చేయడానికి ఖర్చు చేయనున్నట్లు క్రిస్టీస్ సంస్థ తెలిపింది. ఇన్ని ప్రత్యేకతలున్న ఈ వాచ్ అమ్మకంలో క్రిస్టీన్ స్వచ్ఛంధ సంస్థ పెద్ద మనస్సును చాటుతోంది. 

Related Posts