Wow..See Boy Cricket Talent with diapers

బ్యాట్ అంత లేడు : బుడతడి క్రికెట్ షాట్లు చూడండీ 

Share on facebook
Share on twitter
Share on telegram
Share on whatsapp

క్రికెట్ చిన్నారుల నుంచి పెద్ద వారికి వరకూ ఎంతో ఇష్టపడే ఆట. చిన్నపిల్లలు కూడా బుడ్డి బుడ్డి బ్యాట్లు పట్టుకుని ఆడేస్తుంటారు. ఇదిగో ఈ బుడతడి క్రికెట్ ఆట చూస్తే స్టార్ క్రికెటర్లు కూడా ఆశ్చర్యపోతారు. పిట్ట కొంచెం కూత ఘనం అంటామే అచ్చంగా అలానే ఉంది ఈ బుడ్డోడి ఆట. క్రికెట్ షాట్లతో అద్దరగొట్టేస్తున్నాడు.

అద్భుతమైన, స్టయిలిష్ షాట్లతో ఔరా..బ్యాట్ అంత లేడు ఈ షాట్లు ఏంటిరా బాబూ అనుకోక తప్పదు. డైపర్లు వేసుకుని మరీ క్రికెట్ బాల్ ను ఎగరగొట్టేస్తున్నాడు.  ఈ పిలగాడి క్రికెట్ షాట్ల వీడియోను ప్రముఖ ఇంగ్లండ్ మాజీ క్రికెటర్ మైకేల్ వాన్ తన ట్విట్టర్ అకౌంట్‌లో షేర్ చేశాడు. 

అందులో ఆ బాలుడు డైపర్ వేసుకుని ప్రొఫెషనల్ క్రికెటర్ల మాదిరిగా అద్భుతమైన కవర్ డ్రైవ్స్, ఫ్రంట్ ఫుట్, లాఫ్టెడ్ షాట్లు ఆడుతుండటం అబ్బురపరుస్తోంది. ఈ వీడియోను షేర్ చేసిన మైకేల్ వాన్ దానికి ‘Surely he has an English cat or dog’ అని కామెంట్ కూడా పెట్టాడు. ఈ బుడతడి క్రికెట్ వీడియో సోషల్ మీడియాలో హల్ చల్ చేస్తోంది. వైరల్ గా మారింది. 

Related Posts