JK Police Constable Result : జమ్మూకాశ్మీర్ సర్వీసెస్ సెలక్షన్ బోర్డ్ (JKSSB) జేకే పోలీస్ కానిస్టేబుల్ రిజల్ట్స్ 2024ను ప్రకటించింది. రాతపరీక్షకు హాజరైన అభ్యర్థులు ఇప్పుడు (jkssb.nic.in)లో అధికారిక వెబ్సైట్ నుంచి తమ ఫలితాలను చెక్ చేయవచ్చు. ఆపై డౌన్‌లోడ్ చేసుకోవచ్చు.
సయ్యద్ నసీర్ అబాస్ (92.50 మార్కులు), మహ్మద్ ముస్తఫా (91.25 మార్కులు), మహ్మద్ అజీమ్ (91.25 మార్కులు), నిదీష్ శర్మ (88.75 మార్కులు), సయ్యద్ ఫైజాన్ షరీఫ్ (88.75 మార్కులు) మార్కుల ప్రకారం.. ఎంపికైన మొదటి ఐదుగురు అభ్యర్థులు రాతపరీక్షలో ఉత్తీర్ణత సాధించిన వారు తదుపరి ఫిజికల్ ఎఫిషియెన్సీ టెస్ట్ (పీఇటీ) లేదా ఫిజికల్ స్టాండర్డ్ టెస్ట్ (పీఎస్‌టీ)కి హాజరుకావలసి ఉంటుంది.
ఆ తర్వాత వైద్య పరీక్ష ఉంటుంది. అన్ని రౌండ్‌లను విజయవంతంగా క్లియర్ చేసిన వారు పోస్టులకు ఎంపిక అవుతారు. ఈ రిక్రూట్‌మెంట్ డ్రైవ్ జమ్మూకాశ్మీర్ పోలీస్ కానిస్టేబుల్ స్థానాల్లో సుమారు 4,002 ఖాళీలను భర్తీ చేయడం లక్ష్యంగా పెట్టుకుంది. లెవెల్ 2లో ఉన్న జేకే పోలీస్ కానిస్టేబుల్ నెలవారీ జీతం రూ. 19,900 నుంచి రూ. 63,200 మధ్య ఉంటుంది.
జేకే పోలీస్ కానిస్టేబుల్ రిజల్ట్స్ 2024 చెక్ చేయాలంటే? :
- జేకేఎస్ఎస్‌బీ అధికారిక వెబ్సైట్ (jkssb.nic.in)ను విజిట్ చేయండి.
- హోమ్‌పేజీలో, ‘క్విక్ లింక్‌లు’ సెక్షన్‌పై క్లిక్ చేసి, ‘Results’ ట్యాబ్‌ను ఎంచుకోండి.
- జేకే పోలీస్ కానిస్టేబుల్ రిజల్ట్స్ 2024′ లింక్‌పై సెర్చ్ చేసి క్లిక్ చేయండి.
- ఎంపిక చేసుకున్న అభ్యర్థుల రోల్ నంబర్, పేర్లతో కూడిన కొత్త పేజీ డిస్‌ప్లే అవుతుంది.
రిజల్ట్స్ స్క్రీన్ పై కనిపిస్తుంది. ఫ్యూచర్ వినియోగం కోసం కాపీని డౌన్‌లోడ్ చేసి ప్రింట్ చేయండి. జేకే పోలీస్ కానిస్టేబుల్ రాత పరీక్ష డిసెంబర్ 1, 8, 22, 2024 తేదీలలో జమ్మూకాశ్మీర్‌లోని అనేక పరీక్షా కేంద్రాలలో నిర్వహిస్తారు. డిసెంబరు 3న ఆన్సర్ కీ జారీ అయింది. అభ్యర్థులు డిసెంబర్ 9, 11, 2024 మధ్య అభ్యంతరాలు తెలిపేందుకు అనుమతిస్తారు. జవాబు కీలో లేవనెత్తిన అభ్యంతరాల ఆధారంగా ఫైనల్ రిజల్ట్స్ ఉంటుంది.
రెండు గంటల పాటు ఓఎంఆర్ ఆధారిత ఫార్మాట్‌లో పరీక్ష ఆఫ్‌లైన్‌లో నిర్వహిస్తారు. పరీక్షలో 100 మల్టీ-ఆప్షనల్ ప్రశ్నలు (MCQ) ఉన్నాయి. ఇందులో పోస్ట్‌లకు అవసరమైన జనరల్ నాల్డర్జ్, ఆప్టిట్యూడ్, ఉద్యోగ-నిర్దిష్ట నైపుణ్యాల నుంచి ప్రశ్నలు ఉంటాయి. మార్కింగ్ స్కీమ్ ప్రకారం.. ప్రతి సరైన సమాధానానికి ఒక మార్కు ఉంటుంది.
ప్రతి తప్పు సమాధానానికి 0.25 మార్కుల నెగిటివ్ మార్కింగ్ ఉంటుంది. జమ్మూకశ్మీర్ పోలీస్‌లో కానిస్టేబుల్ పోస్ట్‌కు అర్హత సాధించడానికి అభ్యర్థి తప్పనిసరిగా గుర్తింపు పొందిన బోర్డు నుంచి 10వ తరగతి ఉత్తీర్ణులై ఉండాలి. అన్‌రిజర్వ్‌డ్ కేటగిరీ అభ్యర్థులకు వయోపరిమితి 18ఏళ్ల నుంచి 28 ఏళ్లు ఉండాలి. రిజర్వ్‌డ్ కేటగిరీకి వయోపరిమితి మారుతూ ఉంటుంది.