ఆంధ్రప్రదేశ్ లోని నిరుద్యోగ యువతకు గుడ్ న్యూస్. డాటాప్రో, ద్వారకానగర్ క్యాంపస్‌లో ఈ నెల(జులై) 19న ప్రత్యేక మెగా జాబ్ మేళా నిర్వహించనుంది. ఈమేరకు సంస్థ డైరెక్టర్లు రంగినేని సాయిప్రసాద్, సిద్ధవరపు ప్రసాద్ అధికారిక ప్రకటన చేశారు. ప్రతీ నెల మూడవ శనివారం డాటాప్రో జాబ్ మేళాలను నిర్వహిస్తుందని, 35వ వార్షికోత్సవం సందర్భంగా ఈ నెల జాబ్ మేళాను ప్రత్యేకంగా నిర్వహిస్తున్నామని తెలిపారు. ఈ జాబ్ మేళాలో ఐటీ, నాన్-ఐటీ కంపెనీలు పాల్గొనబోతున్నాయని, యువత తప్పకుండ ఈ అద్భుతమైన అవకాశాన్ని సద్వినియోగం చేసుకోవాలని కోరారు.
జాబ్ మేళాలో పాల్గొనబోయే సంస్థలు:
టెక్ మహీంద్రా, కాగ్నిజెంట్, కాన్సెంట్రిక్స్, మిరాకిల్ సాఫ్ట్‌వేర్ సిస్టమ్స్, స్టడీ కనెక్ట్, ఫ్ర్యూజెస్, క్వెస్, డిక్సన్, వరుణ్ మోటార్స్, కియా మోటార్స్, హ్యుండాయ్ మొబిస్, విజన్ ఇండియా, అపోలో ఫార్మసీ, డెక్కన్, డైకిన్, జోస్ట్ వంటి చాలా కంపెనీలు ఈ జాబ్ మేళాలో పాల్గొననున్నాయి.
విద్యార్హతలు:
పదవతరగతి, ఇంటర్, ఐటిఐ, డిగ్రీ, బి.టెక్, డిప్లొమా, ఎలక్ట్రికల్ ఎనర్జీ సిస్టమ్స్, ఇండస్ట్రియల్ ఇంజనీరింగ్ పూర్తి చేసిన అభ్యర్థులు ఎవరైనా ఈ జాబ్ మేళాలో పాల్గొనవచ్చు.
వయోపరిమితి:
ఈ జాబ్ మేళాలో పాల్గొనే అభ్యర్థుల వయసు 18 ఏళ్ళ నుండి 30 ఏళ్ళ మధ్యలో ఉండాలి.
ఈ జాబ్ మేళాలో ఎంపిక అయిన అభ్యర్థులు విశాఖపట్నం సహా పలు ప్రాంతాల్లో ఉద్యోగం చేయాల్సి ఉంటుంది. అలాగే ఈ ఉద్యోగ మేళాకి సంబంధించి అభ్యర్థులకు స్పాట్ రిజిస్ట్రేషన్ ఉంటుంది. కాబట్టి తప్పకుండ ఈ అవకాశాని ప్రతీ ఒక్కరు సద్వినియోగం చేసుకోవాలి.