Covid Parkinsons Disease : నలభై ఏళ్లు దాటిన వారిలో పార్కిన్సన్ వ్యాధి మెల్లిమెల్లిగా శరీరమంతా వ్యాపిస్తుంది. తల, చేతులు, కాళ్లు అన్న తేడా లేకుండా అవయవాలు వణుకుడుకు గురవుతున్నాయి. 60 ఏళ్లు వచ్చేసరికి వంగి నడవాల్సిన పరిస్థితులు ఏర్పడుతున్నాయి. ఈ వ్యాధిని ప్రారంభంలోనే గుర్తిస్తే సమస్యను అరికట్టే అవకాశం ఉంటుంది. కానీ, నాడీ వ్యవస్థను ప్రభావితం చేసి చాప కింద నీరులా శరీరమంతా వ్యాపిస్తోంది.
ఈ వ్యాధిని ప్రారంభంలోనే గుర్తించటం సాధ్యం కావటం లేదు. ఈ సమస్యను అధిగమించే దిశగా ఆస్ట్రేలియా శాస్త్రవేత్తలు ముందడుగు వేశారు. ఎలాంటి స్కానింగ్ల అవసరం లేకుండానే మాట ద్వారానే వ్యాధిని గుర్తించే యాప్ను ఎంఆర్ఐటీ యూనివర్సిటీ అభివృద్ధి చేశారు. ఈ యాప్ ఓపెన్ చేసి ఏ, ఓ, ఎమ్ అక్షరాలను పలికితే.. ఆ ధ్వనిలో తేడాలను గుర్తించి, వ్యాధి ఉన్నదా? లేదా? అన్నది చెప్తుంది.
Dementia : పుతిన్కు పార్కిన్సన్ వ్యాధి.. బ్రిటన్ మీడియా ఆరోపణలు
పార్కిన్సన్తో పాటు కరోనా తీవ్రతను కూడా గుర్తించేలా ఈ యాప్ను రూపొందించారు. దీనికి సంబంధించిన అధ్యయనాన్ని ఐఈఈఈ జర్నల్ ఆఫ్ ట్రాన్స్లొకేషన్ ఇంజినీరింగ్ ఇన్ హెల్త్ అండ్ మెడిసిన్లో ప్రచురించారు.