Sarkaru Vaari Paata: సెంచరీ కొట్టిన కళావతి.. మహేష్ స్టెప్స్‌కు జనం ఫిదా!

Kalaavathi Song From Sarkaru Vaari Paata Touches 100 Million Views On Youtube

Sarkaru Vaari Paata: టాలీవుడ్ సూపర్ స్టార్ మహేష్ బాబు నటిస్తున్న తాజా చిత్రం ‘సర్కారు వారి పాట’ కోసం ప్రేక్షకులు ఎంతో ఆసక్తిగా ఎదురుచూస్తున్నారు. వరుసగా బ్లాక్‌బస్టర్ హిట్స్‌ను తన ఖాతాలో వేసుకుంటూ వస్తోన్న మహేష్ బాబు, ఈ సినిమా టైటిల్ మొదలుకొని ఆయన ఫస్ట్‌లుక్ వరకు అన్నీ వైవిధ్యంగా ఉండటంతో ఈ సినిమాపై ప్రేక్షకులతో పాటు సినీ వర్గాల్లోనూ అదిరిపోయే క్రేజ్ నెలకొంది. ఇక ఈ సినిమా నుండి ‘కళావతి’ అనే ఫస్ట్ సింగిల్ సాంగ్‌ను ప్రేమికుల రోజు కానుకగా రిలీజ్ చేసిన సంగతి తెలిసిందే.

Sarkaru Vaari Paata: పైసా వసూల్ అప్‌డేట్‌తో వస్తున్న ‘సర్కారు వారి పాట’

ఈ పాటకు థమన్ అందించిన సంగీతం ఒక ఎత్తైతే.. సింగర్ సిద్ శ్రీరామ్ ఈ పాటను పాడిన తీరు మరో ఎత్తు. ఇక ఈ పాటకు మహేష్ వేసిన స్టెప్స్‌కు ఆయన అభిమానులతో పాటు ప్రేక్షకులు కూడా ఫుల్ ఫిదా అయ్యారు. మహేష్ వేసిన స్టెప్స్ చాలా ఈజీగా ఉండటమే కాకుండా పాటకు తగ్గట్టుగా పర్ఫెక్ట్ సింక్‌లో ఉండటంతో ఈ స్టెప్స్‌తో జనం సోషల్ మీడియాలో దుమ్ములేపారు. ఇలా ఈ పాటకు ఎక్కడలేని క్రేజ్ రావడంతో తాజాగా ‘కళావతి’ పాట ఓ సరికొత్త మైల్‌స్టోన్‌ను అందుకుంది. కళావతి లిరికల్ సాంగ్ ఏకంగా 100 మిలియన్ వ్యూస్ మార్క్‌ను టచ్ చేయగా 1.7+ మిలియన్ లైకులను సంపాదించింది. మహేష్ బాబు క్రేజ్‌కు ఇదొక నిదర్శనం అని అంటున్నారు ఆయన అభిమానులు. ఇక ఇటీవల ‘పెన్నీ’ అనే రెండో సాంగ్‌ను కూడా చిత్ర యూనిట్ రిలీజ్ చేసిన సంగతి తెలిసిందే.

Sarkaru Vaari Paata : ‘కళావతి’ పాటకి తమన్ స్టెప్పులు.. అదరగొట్టావంటూ మహేష్ అభిమానులు

సర్కారు వారి పాట చిత్రంలో మహేష్ బాబు పాత్ర చాలా కొత్తగా ఉంటుందని చిత్ర యూనిట్ ముందు నుండీ చెబుతూ వస్తోంది. కాగా ఈ సినిమాలో ఆయన సరసన అందాల భామ కీర్తి సురేష్ హీరోయిన్‌గా నటిస్తుండగా, ఈ సినిమాను పరశురామ్ డైరెక్ట్ చేస్తున్నాడు. ఈ సినిమా షూటింగ్ ఇప్పటికే మెజారిటీ శాతం పూర్తవగా, వీలైనంత త్వరగా ఈ చిత్రాన్ని ముగించేయాలని చిత్ర యూనిట్ భావిస్తోంది. ఇక ఈ సినిమాను వేసవి కానుకగా రిలీజ్ చేయాలని చిత్ర యూనిట్ భావిస్తోంది. మరి ఈ సినిమా ఎలాంటి విజయాన్ని అందుకుంటుందో తెలియాలంటే ఈ సినిమా రిలీజ్ అయ్యే వరకు వెయిట్ చేయాల్సిందే.