Kiran Abbavaram: టాలీవుడ్ యంగ్ హీరో కిరణ్ అబ్బవరం వరుసబెట్టి సినిమాలు చేస్తూ దూసుకుపోతున్నాడు. ప్రస్తుతం పలు ఆసక్తికరమైన సినిమాలు చేస్తున్న కిరణ్ అబ్బవరం, తాజాగా ‘నేను మీకు బాగా కావాల్సినవాడిని’ అనే సినిమాను రిలీజ్కు రెడీ చేశాడు. ఈ సినిమాకు సంబంధించిన పోస్టర్స్, టీజర్స్ ఇప్పటికే ప్రేక్షకుల్లో మంచి అంచనాలు క్రియేట్ చేసింది. ఇక ఈ సినిమాను సెప్టెంబర్ 9న రిలీజ్ చేస్తున్నట్లు చిత్ర యూనిట్ ఇప్పటికే అనౌన్స్ చేసిన సంగతి తెలిసిందే.
Kiran Abbavaram: హీరో కిరణ్ అబ్బవరంపై సినిమాటోగ్రాఫర్ రాజ్ కె నల్లి కామెంట్స్
అయితే ఇప్పుడు ఈ సినిమా రిలీజ్ విషయంలో చిత్ర యూనిట్ మనసు మార్చుకున్నట్లు తెలుస్తోంది. సెప్టెంబర్ 9న రిలీజ్ కావాల్సిన ఈ సినిమా సెప్టెంబర్ 16న రిలీజ్ చేస్తున్నట్లు చిత్ర యూనిట్ అనౌన్స్ చేసింది. ఈ సినిమా పోస్ట్ ప్రొడక్షన్ పనులు ఇంకా జరుగుతుండటంతో ఈ సినిమా రిలీజ్ ఆలస్యం అవుతున్నట్లు తెలుస్తోంది. ఇక ఈ సినిమాను ఈసారి పక్కా ప్లానింగ్తో రిలీజ్ చేసి బాక్సాఫీస్ వద్ద ప్రేక్షకులను అలరించడం ఖాయమని చిత్ర యూనిట్ అంటోంది.
Kiran Abbavaram : పవన్ దెబ్బకి వెనక్కి తగ్గిన మరో యువ హీరో
ఈ సినిమాలో అందాల భామలు సంజనా ఆనంద్, సోనూ ఠాకూర్లు హీరోయిన్లుగా నటిస్తుండగా, కోడి రామకృష్ణ కూతురు కోడి దివ్య దీప్తి ప్రొడ్యూస్ చేస్తున్నారు. ఈ సినిమాను శ్రీధర్ గాధె డైరెక్ట్ చేస్తుండగా ఔట్ అండ్ ఔట్ రొమాంటిక్ ఫ్యామిలీ ఎంటర్టైనర్గా చిత్ర యూనిట్ ఈ సినిమాను తెరకెక్కించింది. మరి సెప్టెంబర్ 16న రిలీజ్ అవుతున్న ఈ సినిమా బాక్సాఫీస్ వద్ద ఎలాంటి విజయాన్ని అందుకుంటుందో చూడాలి.
Date maruthundi anthe entertainment matram pakka ❤️
Worldwide grand release on sep 16th #Nenumekubagakavalasinavadini #Nmbk #Nmbkonsep16th pic.twitter.com/RR9eRBWLd1
— Kiran Abbavaram (@Kiran_Abbavaram) September 3, 2022