Vijay Devarakonda: టాలీవుడ్ రౌడీ స్టార్ విజయ్ దేవరకొండ నటించిన రీసెంట్ మూవీ లైగర్ బాక్సాఫీస్ వద్ద ఫ్లాప్‌గా నిలవడంతో, ఇప్పుడు ఆయన తన నెక్ట్స్ మూవీపై ఫోకస్ పెట్టాడు. దర్శకుడు శివ నిర్వాణ డైరెక్షన్‌లో తెరకెక్కుతున్న ‘ఖుషి’ సినిమాలో విజయ్ దేవరకొండ నటిస్తున్నాడు. ఈ సినిమా షూటింగ్ ఇప్పటికే 60 శాతం పూర్తవగా, ఈ సినిమాను డిసెంబర్‌లో రిలీజ్ చేసేందుకు చిత్ర యూనిట్ ప్లాన్ చేస్తోంది. అయితే ఇప్పుడు ఈ సినిమా రిలీజ్ విషయంలో విజయ్ మార్పులు చేస్తున్నాడట.
Khushi : సమంత, విజయ్ దేవరకొండకి గాయాలు?.. మూవీ యూనిట్ క్లారిటీ
ఖుషి చిత్రాన్ని డిసెంబర్ 23న ప్రపంచవ్యాప్తంగా రిలీజ్ చేసేందుకు చిత్ర యూనిట్ రెడీ అవుతుండగా, ఈ సినిమాను పలు కారణాల వల్ల వచ్చే ఏడాదిలో రిలీజ్ చేయాలని చిత్ర యూనిట్ ప్లాన్ చేస్తోందట. అయితే ఈ వాయిదాకు గల కారణాలు ఏమిటనే విషయంపై మాత్రం చిత్ర యూనిట్ ఎలాంటి క్లారిటీ ఇవ్వడం లేదు. ఇక విజయ్ నటించిన రీసెంట్ మూవీ ‘లైగర్’ ఎఫెక్ట్ ఆడియెన్స్‌లో పూర్తిగా తొలిగిపోయిన తరువాతే ఈ సినిమాను రిలీజ్ చేస్తే బాగుంటుందని ఆయన భావిస్తున్నాడట. అందుకే ఈ సినిమాను మరికొంత సమయం తీసుకుని రిలీజ్ చేస్తే ఆడియెన్స్ ఆదరిస్తారని విజయ్ భావిస్తున్నట్లుగా చిత్ర వర్గాల్లో వార్తలు వినిపిస్తున్నాయి.
Khushi : అప్పుడే ఫస్ట్ షెడ్యూల్ ఫినిష్ చేసిన సమంత, విజయ్.. గ్రూప్ ఫొటోలతో హడావిడి..
మరి ఈ వార్తల్లో ఎంతవరకు నిజం ఉందనే విషయంపై మాత్రం క్లారిటీ రావాల్సి ఉంది. ఇక ఈ సినిమాలో విజయ్ దేవరకొండ సరసన అందాల భామ సమంత హీరోయిన్‌గా నటిస్తోండగా, ఈ సినిమాను వైవిధ్యమైన ప్రేమకథా చిత్రంగా తెరకెక్కిస్తున్నారు. కాగా ఈ సినిమాను మైత్రీ మూవీ మేకర్స్ బ్యానర్ భారీ బడ్జెట్‌తో ప్రొడ్యూస్ చేస్తుండగా, పాన్ ఇండియా మూవీగా ఈ సినిమాను రిలీజ్ చేసేందుకు చిత్ర యూనిట్ రెడీ అవుతోంది. మరి ఈ సినిమాను ఎప్పుడు రిలీజ్ చేస్తారా అని అందరూ ఆసక్తిగా ఎదురుచూస్తున్నారు.
