Madhya Pradesh Politics: 2023లో జరగనున్న మధ్యప్రదేశ్ అసెంబ్లీ ఎన్నికల కోసం.. రాష్ట్రంలోని 230 స్థానాలకు కాంగ్రెస్, బీజేపీలు మొత్తం అభ్యర్థులను ప్రకటించాయి. ఇదిలా ఉంటే.. తాజాగా విడుదలైన ఒక సర్వే అధికారంలోని భారతీయ జనతా పార్టీక నిద్రలేని రాత్రులు ఇచ్చింది. కారణం, ఈ సర్వేలో ఆశ్చర్యకరమైన ఫలితాలు వెలువడ్డాయి. నిజానికి మధ్యప్రదేశ్ రాష్ట్రంలో కాంగ్రెస్ ప్రభుత్వం ఏర్పడబోతోందని సర్వేలో తేలింది. సర్వే ప్రకారం ఎంపీలో బీజేపీకి ఘోర పరాజయం తప్పలేదు. నవంబర్ 17న మధ్యప్రదేశ్ లో ఒకే దశలో ఓటింగ్ జరగనుంది. అనంతరం, డిసెంబర్ 3న ఓట్ల లెక్కింపు జరగనుంది, ఆ వెంటనే ఫలితాలు వస్తాయి.
బీజేపీకి 43 శాతం ఓట్లు వస్తాయి
జీ న్యూస్ నిర్వహించిన ఈ సర్వేలో.. 230 సీట్లున్న మధ్యప్రదేశ్ అసెంబ్లీలో కాంగ్రెస్‌కు 132 నుంచి 146 సీట్లు రావచ్చని పేర్కొన్నారు. అలాగే బీజేపీకి 84 నుంచి 98 సీట్లు, ఇతరులకు 5 సీట్లు రావచ్చట. ఓటింగ్ శాతం గురించి మాట్లాడితే, కాంగ్రెస్‌కు 46 శాతం, బీజేపీకి 43 శాతం, ఇతరులకు 11 శాతం ఓట్లు రావచ్చు. ఎన్నికలకు సంబంధించిన అంశాలను కూడా సర్వేలో ప్రస్తావించారు. ఈసారి ద్రవ్యోల్బణం అతిపెద్ద సమస్యగా మారుతుందని 25 శాతం మంది అభిప్రాయపడ్డారు. అదే సమయంలో 24 శాతం మంది ప్రజలు నిరుద్యోగాన్ని రెండవ అతిపెద్ద సమస్యగా పరిగణించారు. అవినీతి 12 శాతం, తాగునీరు 7 శాతం, మురుగునీటి సమస్య 9 శాతంగా పరిగణించారు.
జీ న్యూస్ నిర్వహించిన ఈ సర్వే మధ్యప్రదేశ్ లో నిర్వహించిన లేటెస్ట్ సర్వేగా చెబుతున్నారు. అభ్యర్థుల ప్రకటన తర్వాత ఈ సర్వే జరిగింది. దీంతో ఈ సర్వే బీజేపీకి నిద్రలేని రాత్రులు ఇచ్చింది. ఈ సర్వే కనుక ఎన్నికల్లో నిజమైతే.. 25 ఏళ్ల తర్వాత మధ్యప్రదేశ్ రాష్ట్రంలో బీజేపీకి అతి తక్కువ సీట్లు వచ్చిన రికార్డ్ నమోదు అవుతుంది.
