Argentina : రైలు కింద పడిన యువతి.. చివరిలో ఏం జరిగిందంటే

Train

Falls Under Moving Train : రైలు కోసం వెయిట్ చేస్తున్న ఓ యువతి అకస్మాత్తుగా సృహ తప్పిపడిపోయింది. ఏకంగా రైలు కింద పడిపోవడంతో అందరూ షాక్ కు గురయ్యారు. రైలు స్పీడుగా వెళ్లిపోవడంతో ఆమె చనిపోయిందని అందరూ భావించారు. కానీ.. తృటిలో ప్రాణాలతో బయటపడింది. దీనికి సంబంధించిన వీడియో సోషల్ మీడియాలో హల్ చల్ చేస్తోంది. ఈ ఘటన బ్యూనస్ ఎయిర్స్ రైల్వే స్టేషన్ లో చోటు చేసుకుంది. క్యాండెలా అనే యువతి రైలు కోసం వెయిట్ చేస్తోంది. రైలు వేగంగా వస్తోంది. ఆ సమయంలో ఆమెకు కళ్లు తిరిగి సృహ తప్పింది. రైలు పట్టాల కింద పడిపోవడం.. రైలు అలాగే వెళ్లిపోవడం జరిగిపోయాయి. ఈ హాఠాత్ పరిణామానికి అందరూ భయభ్రాంతులకు గురయ్యారు.

Read More : Mystery Disease‌ : అంతు చిక్కని వ్యాధితో కుప్పకూలిపోతున్న చిన్నారులు..ఐదు దేశాల్లో 100 కేసులు

రైలు పట్టాల కిందపడిపోవడంతో ఆమె చనిపోయిందని అనుకున్నారు. వెంటనే రైలు ఆగిపోవడంతో అక్కడున్న వారు కిందపడిన ఆమెను పైకి లాగారు. ఆమె ప్రాణాలతో ఉన్నట్లు కనుగొన్నారు. వెంటనే సమాచారం చేరవేయడంతో అంబులెన్స్ అక్కడకు వచ్చింది చేరింది. స్వల్పగాయాలైన క్యాండెలను ఆసుపత్రికి తరలించారు. కోలుకున్న అనంతరం క్యాండెలో ఓ న్యూస్ ఛానెల్ తో మాట్లాడింది. తనకు రక్తపోటు ఉందని తెలిపింది. కళ్లు తిరగడంతో తన పక్కనే ఉన్న వ్యక్తికి ఈ విషయం చెప్పాలని అనుకున్నట్లు పేర్కొంది. కానీ అప్పటికే ఆలస్యం అయిపోయిందని.. రైలు కింద పడిపోయినట్లు కాస్త గుర్తుందని.. తర్వాత అసలు ఏమి జరిగిందో తెలియదని వెల్లడించింది. తాను బ్రతికున్నానో అర్థం కావడం లేదని, ఇది ఒక విధంగా పునర్ జన్మ అని తెలిపింది. Diamond Lou ట్విట్టర్ వేదికగా ట్వీట్ చేయడంతో వైరల్ గా మారింది.