Hansika marriage : చైల్డ్ ఆర్టిస్ట్ గా కెరీర్ స్టార్ట్ చేసి సౌత్ లో స్టార్ హీరోయిన్ గా ఫేమ్ ని సంపాదించుకున్న నటి ‘హాసిక’. ఇక ఇటీవలే తాను పెళ్లి పీటలు ఎక్కబోతున్నట్లు ప్రకటించింది ఈ ఆపిల్ బ్యూటీ. తన స్నేహితుడు మరియు బిజినెస్ పార్టనర్ అయిన సోహెల్ నే ప్రేమించి పెళ్లి చేసుకుంటుంది. ఈఫిల్ టవర్ వద్ద సోహెల్ మ్యారేజ్ ప్రొపోజల్ ని అంగీకరించిన ఈ భామ.. ఆ ఫోటోలను సోషల్ మీడియాలో పోస్ట్ చేస్తూ అభిమానులకు తను చేసుకోబోయే వరుడిని పరిచయం చేసింది.
Hansika marriage : నేడే హన్సిక పెళ్లి.. సంగీత్ లో డ్యాన్స్ తో రచ్చ చేసిందిగా..
కాగా డెస్టినేషన్ వెడ్డింగ్ తరహాలో జరుగుతన్న హన్సిక వివాహం.. రాజస్థాన్ లోని జైపూర్‌ ముండోటా ప్యాలెస్‌లో జరగనుంది. దీంతో ఈ వేడుకకు అత్యంత సన్నిహితులైన కుటుంబ సభ్యులు, స్నేహితుల మాత్రమే హాజరవుతున్నారు. అయితే ఈ పెళ్లి వేడుకకు కొందరు స్పెషల్ గెస్ట్ లు హాజరుకానున్నారు. అయితే వారెవ్వరు సెలబ్రిటీస్ కాదు, ఆ అతిధులు అంతా నిరుపేద చిన్నారులు.
హన్సిక సినిమాల్లో నటించి తన నటనతో అందర్నీ ఆనందపరచడమే కాదు, నిజజీవితంలో కూడా పలు ఎన్జీవోలతో కలిసి ఎంతోమంది నిరుపేద చిన్నారుల జీవితాల్లో ఆనందాన్ని నింపుతుంది. ఇక ఈ ప్రత్యేకమైన సందర్భాన్ని వారితో పంచుకోవాలనే ఆలోచనతో హన్సిక.. ఆ చిన్నారులను కూడా ఆహ్వానం అందించింది. దీంతో పెళ్ళికి హాజరయ్యేందుకు ఆ చిన్నారులు రెడీ అవుతున్న వీడియో అందర్నీ ఆకట్టుకుంటుంది.
