Mahindra Electric SUVs: దేశీయ వాహన తయారీ సంస్థ మహీంద్రా అండ్ మహీంద్రా (ఎం&ఎం) ఎలక్ట్రిక్ కార్ల విభాగంలోకి అడుగుపెట్టబోతుంది. ఈ సంస్థ నుంచి త్వరలో ఎలక్ట్రిక్ కార్లు రాబోతున్నాయి. రాబోయే నాలుగేళ్లలో ఐదు ఎలక్ట్రిక్ ఎస్యూవీలను విడుదల చేయబోతున్నట్లు ఎం&ఎం ప్రకటించింది. ఇంగ్లో ప్లాట్ఫామ్పై వీటి కాన్సెప్ట్ కార్లను ఇటీవల ఆవిష్కరించారు.
Shivamogga: ఇరువర్గాల మధ్య ఫ్లెక్స్ తెచ్చిన వివాదం.. శివమొగ్గలో 144 సెక్షన్
ఈ కార్లకు సంబంధించిన టీజర్ వీడియోను ఎం&ఎం సంస్థ అధినేత ఆనంద్ మహీంద్రా సోషల్ మీడియా వేదికగా రిలీజ్ చేశారు. 2024-2026 మధ్య దశలవారీగా ఈ కార్లు విడుదలవుతాయి. ఎక్స్యూవీ ఈ8, ఎక్స్యూవీ ఈ9, బీబీ.05, బీఈ.07, బీఈ.09 పేర్లతో ఈ వాహనాలు విడుదల కానున్నాయి. 2027 లోపు తమ సంస్థ రూపొందించే ఎస్యూవీల్లో పాతికశాతం ఎలక్ట్రిక్ ఎస్యూవీలే ఉంటాయని సంస్థ భావిస్తోంది. ఈ కార్లు అధునాతనంగా ఉన్నాయి. కస్టమర్ అభిరుచులకు సరిపడా రిక్లైనింగ్ సీట్లు ఉన్నాయి. ఎయిర్ కండిషనింగ్ కోసం పర్సనలైజ్డ్ సెట్టింగ్లు ఉన్నాయి. స్పష్టమైన కనెక్టివిటీ ఫీచర్ల కారణంగా కస్టమర్లు.. కాల్స్, టెక్స్ట్లు, మ్యూజిక్, టర్న్-బై-టర్న్ నావిగేషన్ యాక్సెస్ కూడా ఉంటుంది.
Munugode: మునుగోడులో ఎన్నికల ఫీవర్.. నోటిఫికేషన్కు ముందే మారిన వాతావరణం
ఈ ఎలక్ట్రిక్ ఎస్యూవీలలో లెదర్ సీట్లు, పెద్ద టచ్స్క్రీన్ ఇన్ఫోటైన్మెంట్ సిస్టమ్, వైర్లెస్ ఛార్జింగ్ వంటి ప్రీమియం ఫీచర్లు కూడా ఉంటాయి. ఈ వాహనాల ధరలు రూ.25లక్షల నుంచి రూ.35 లక్షల మధ్య ఉండే అవకాశం ఉంది. ఎం&ఎం సంస్థ ఇప్పటివరకు ఎలక్ట్రిక్ కార్ల విభాగంలో లేదు. కానీ, ఎలక్ట్రిక్ ఆటోల తయారీలో మాత్రం మొదటిస్థానంలో ఉంది. దేశంలోని ఎలక్ట్రిక్ ఆటోల్లో ఈ సంస్థ రూపొందించినవే 70 శాతం ఉండటం గమనార్హం. ప్రస్తుతం ఎలక్ట్రిక్ కార్లకు డిమాండ్ పెరుగుతుండటంతో ఎలక్ట్రిక్ ప్యాసింజర్ వాహన విభాగంలోకి ప్రవేశించేందుకు ఇదే సరైన సమయమని మహీంద్రా గ్రూప్ చైర్మన్ ఆనంద్ మహీంద్రా అన్నారు.
And the curtain rises… pic.twitter.com/wRFQrejABu
— anand mahindra (@anandmahindra) August 15, 2022