Poco F6 launching in India on May 23 ( Image Credit : Google )
Poco F6 Launch : కొత్త ఫోన్ కొనేందుకు చూస్తున్నారా? భారత మార్కెట్లో పోకో నుంచి సరికొత్త F6 లాంచ్‌కు రెడీగా ఉంది. షెడ్యూల్ ప్రకారం.. పోకో F5 ఫోన్ మే 23న లాంచ్ అయ్యే అవకాశం ఉందని కంపెనీ ధృవీకరించింది. పోకో ప్రో వెర్షన్ కూడా రాబోతోందని లీక్‌లు సూచించాయి. అయితే, పోకో ప్రపంచ మార్కెట్‌లకు పరిమితం చేయవచ్చు. రాబోయే పోకో ఎఫ్6 సిరీస్ ధర కూడా ఈవెంట్‌కు ముందే ఆన్‌లైన్‌లో లీక్ అయింది. ఈ కొత్త పోకో ఫోన్ డిజైన్, స్పెషిఫికేషన్లు, ధర వివరాలను ఇప్పుడు తెలుసుకుందాం.
పోకో F6 లీక్ స్పెషిఫికేషన్లు :
పోకో F6 ఫోన్ స్నాప్‌డ్రాగన్ 8ఎస్ జనరేషన్ 3 చిప్‌సెట్ నుంచి పవర్ అందిస్తుందని నివేదిక తెలిపింది. భారత్‌లో కొత్త క్వాల్‌కామ్ చిప్‌ను ప్యాక్ చేసిన మొదటి ఫోన్‌గా రానుంది. స్మార్ట్‌ఫోన్ బ్రాండ్ పోకో F6 డివైజ్ యూజర్లకు ‘గాడ్ స్పీడ్’ని అందించగలదని కంపెనీ చెబుతోంది. సూపర్-ఫాస్ట్ పర్ఫార్మెన్స్ అందించనుందని పేర్కొంది.
కొత్త స్నాప్‌డ్రాగన్ 8 చిప్ ఫ్లాగ్‌షిప్ సిబ్లింగ్ 0 స్నాప్‌డ్రాగన్ 8 జెన్ 3 మాదిరిగా అదే నిర్మాణాన్ని కలిగి ఉంది. లీక్‌లను విశ్వసిస్తే.. పోకో F6 ఫోన్ భారీ 6.7-అంగుళాల 1.5కె ఓఎల్ఈడీ స్క్రీన్‌తో రావచ్చు. బ్యాక్ సైడ్ 50ఎంపీ డ్యూయల్ రియర్ కెమెరా సెటప్‌ని చూడవచ్చు. హుడ్ కింద, 90డబ్ల్యూ ఫాస్ట్ ఛార్జింగ్ టెక్‌కు సపోర్టుతో సాధారణ 5,000ఎంఎహెచ్ బ్యాటరీ ఉండవచ్చు.
పోకో F6 డిజైన్ (అంచనా) :
పోకో సోషల్ మీడియా ఛానెల్‌ల ద్వారా పోకో F6 డిజైన్‌ను రివీల్ చేసింది. టీజర్‌ల ప్రకారం.. కంపెనీ మిడ్-రేంజ్ డివైజ్ డిజైన్‌ను పూర్తిగా మార్చలేదు. ఇప్పటికీ, రెండు పెద్ద కెమెరా సెన్సార్‌లను వెనుకవైపు కర్వడ్ ఎడ్జ్, బాక్సీ డిజైన్‌తో చూడవచ్చు. బ్యాక్ ఫినిషింగ్ లేదా మెటీరియల్ మార్చినట్లు తెలుస్తోంది. మే 23న కొత్త ఫోన్ భారత మార్కెట్లో లాంచ్ చేసినప్పుడు దీనిపై మరింత స్పష్టత రానుంది.
పోకో F6 ధర (అంచనా) :
అమెజాన్‌లో పోకో ఎఫ్6 ప్రో ఫోన్ 16జీబీ ర్యామ్ + 1టీబీ స్టోరేజ్ మోడల్ ధర ఈయూఆర్ 619 (సుమారు రూ. 55,800) వద్ద జాబితా అయింది. కంపెనీ తక్కువ ర్యామ్, స్టోరేజ్ వేరియంట్‌లను సరసమైన ధరలో అందిస్తోంది. అలాగే, కంపెనీ ప్రో వెర్షన్‌ను భారత్‌కు తీసుకువస్తే.. యూరోపియన్ మార్కెట్‌ల కన్నా భారతీయ ధరలు తక్కువగా ఉన్నందున ధర చాలా తక్కువగా ఉంటుంది.
పోకో ఎఫ్6 విషయానికొస్తే.. భారత్‌లో ఈ ఫోన్ ధర రూ. 40వేల లోపు ఉంటుందని అంచనా. ప్రస్తుతానికి, రెగ్యులర్ వేరియంట్ ధర వివరాలు తెలియదు. కానీ, దేశంలో పోకో ఎఫ్5 రూ. 29,999కి ప్రకటించింది. ప్రీమియం చిప్, ఇతర ఫీచర్‌లతో కొత్త ఫోన్ ధర ఎక్కువగా ఉండే అవకాశం ఉంది.
Read Also : iPhone 17 Series : స్లిమ్ రిఫ్రెష్డ్ డిజైన్‌తో అత్యంత ఖరీదైన ఐఫోన్ 17 సిరీస్ మోడల్ వస్తోంది..!
