Airtel 5G Services : ప్రముఖ దేశీయ టెలికం దిగ్గజం ఎయిర్‌టెల్ (Airtel) 5G ప్లస్ సర్వీసులను ఎంపిక చేసిన నగరాల్లో అందుబాటులోకి వచ్చేశాయి. ఇప్పుడు ఆ నగరాల్లోని మరికొన్ని సర్కిల్‌లలోని ఎక్కువ మంది ఎయిర్ టెల్ యూజర్లకు 5G సర్వీసులు అందుబాటులోకి రానున్నాయి. ఢిల్లీ, గురుగ్రామ్, చెన్నై వంటి మరిన్ని నగరాల్లోని స్మార్ట్‌ఫోన్‌లలో 5G సర్వీసులు సపోర్టు చేస్తున్నాయని ట్విట్టర్‌లోని అనేక మంది యూజర్లు గుర్తించారు. అక్టోబరు 1న అధికారికంగా ప్రారంభించిన ఎయిర్‌టెల్ తొలిదశలో ఢిల్లీ, ముంబై, చెన్నై, బెంగళూరు, హైదరాబాద్, సిలిగురి, నాగ్‌పూర్, వారణాసిలలో 5G సర్వీసులు అందుబాటులో ఉంటాయని తెలిపింది. వచ్చే ఏడాది నాటికి మరిన్ని సర్కిల్‌లలో 5G సర్వీసులు అందుబాటులోకి రానున్నాయి.
Samsung Galaxy Z Fold 4లో స్పీడ్ టెస్ట్ సమయంలో Airtel 5G దాదాపు 283Mbps స్పీడ్ పొందింది. 5G నెట్‌వర్క్ వస్తుందని చెప్పినంత స్పీడ్‌గా మాత్రం లేదు. దీనికి అనేక కారణాల వల్ల కావచ్చు, కొన్ని సందర్భాల్లో ఎయిర్ టెల్ యూజర్లు 732Mbps, 465Mbps డౌన్‌లోడ్ స్పీడ్‌ని పొందవచ్చు. ఈ 5G స్పీడ్ చెన్నైలో, గురుగ్రామ్‌లో మాత్రమే ఉందని యూజర్లు ట్విట్టర్ పోస్ట్‌లు పెడుతున్నారు. స్మార్ట్‌ఫోన్‌లలో 5G కనెక్టివిటీని పొందిన యూజర్లకు ఎలాంటి అదనపు ఛార్జీలు విధించడం లేదు. ఎయిర్‌టెల్ ముందుగా సూచించినట్లుగా యూజర్లు తమ 4G సిమ్ కార్డ్‌లను మార్చుకోవాల్సిన అవసరం లేదు. ఎయిర్‌టెల్ 5G ప్లాన్‌ల ధరలను ఇంకా రిలీజ్ చేయలేదు. మరోవైపు, Airtel 5G ఆండ్రాయిడ్ ఫోన్‌లలో మాత్రమే అందుబాటులో ఉంది. ఐఫోన్‌లు హుడ్ కింద 5G మోడెమ్‌ను కలిగి ఉన్నప్పటికీ, సాఫ్ట్‌వేర్ అప్డేట్ ద్వారా ఈ ఏడాది చివర్లో కనెక్టివిటీ సపోర్టు పొందవచ్చు.
More Airtel users getting 5G services in eligible cities for free_ How to check 5G on your phone
మీ స్మార్ట్‌ఫోన్‌లో Airtel 5Gని ఎలా చెక్ చేయాలంటే? :
ఎయిర్‌టెల్ 5G లేదా 5G ప్లస్ సర్వీసులు దశలవారీగా ఎనిమిది సర్కిళ్లలో అందుబాటులోకి వస్తున్నాయి. ముందుగా, మీ ఫోన్ 5Gకి సపోర్టు చేస్తుందో ఉందో లేదో మీరు చెక్ చేసుకోవాలి. మోడల్ నంబర్‌ను కనుగొనడంతో పాటు అధికారిక వెబ్‌సైట్‌లోని స్పెసిఫికేషన్‌లను చెక్ చేసుకోవచ్చు. నెట్‌వర్క్ సెక్షన్‌లో 5G ఆప్షన్ లేకుంటే, మీ ఫోన్ 5Gకి సపోర్టు చేయదని అర్థం చేసుకోవాలి. వినియోగదారులు సంబంధిత యాప్ స్టోర్ నుంచి అధికారిక ఎయిర్‌టెల్ యాప్ (Airtel App)ను డౌన్‌లోడ్ చేసుకోవచ్చు.
హోమ్ పేజీలో నేరుగా మీ ఫోన్ 5G ప్రారంభమైందో లేదో చెక్ చేయండి. మీరు Boxపై క్లిక్ చేసిన తర్వాత యాప్ లొకేషన్ Allow అడుగుతుంది. ఆ తర్వాత, మీ ఫోన్ 5Gకి సపోర్టు చేస్తుందో ఉందో లేదో యాప్ ద్వారా తెలుసుకోవచ్చు. అయినప్పటికీ, 5G సర్వీసులు పొందుతున్నప్పటికీ, మీ డివైజ్ 5G రెడీగా లేదని అర్థం. అలాంటప్పుడు, మీరు Wi-Fiని ఆఫ్ చేయండి. టాప్ రైట్ కార్నర్‌లో ఉన్న నెట్‌వర్క్ స్టేటస్ బార్ పక్కన 5G ఇండికేషన్ కోసం చెక్ చేయవచ్చు.
WATCH : 10TV LIVE : “నాన్ స్టాప్ న్యూస్ అప్ డేట్స్ కోసం 10TV చూడండి”..
Read Also : WhatsApp: వాట్సాప్ సేవల పునరుద్ధరణ.. రెండు గంటల తర్వాత తిరిగి ప్రారంభమైన వాట్సాప్ సేవలు
