Ola Electric GigaFactory : భారత అతిపెద్ద ఎలక్ట్రిక్ వాహనాల కంపెనీ ఓలా ఎలక్ట్రిక్ (Ola Electric) దేశీయ అతిపెద్ద గిగాఫ్యాక్టరీ నిర్మాణాన్ని ప్రారంభించినట్లు ప్రకటించింది. కంపెనీ తన సెల్ ఫ్యాక్టరీ మొదటి పిల్లర్ను తమిళనాడులోని కృష్ణగిరిలో ఏర్పాటు చేసింది. ఓలా గిగాఫ్యాక్టరీ (Ola Gigafactory Construction) అత్యంత వేగవంతమైన సెల్ ఫ్యాక్టరీలలో ఒకటిగా నిలువనుంది. ఇప్పటికే ఓలా తయారీ ల్యాండ్స్కేప్ను విప్లవాత్మకంగా మార్చనుంది. భారత్ నుంచి ప్రపంచానికి మానవతా స్థాయికి ఈవీ విప్లవాన్ని విస్తరించనుంది.
ఓలా గిగాఫ్యాక్టరీ మొత్తం 115 ఎకరాల్లో విస్తరించి ఉంది. గిగాఫ్యాక్టరీ 5GWh ప్రారంభ సామర్థ్యంతో వచ్చే ఏడాది 2024 ప్రారంభంలో కార్యకలాపాలను ప్రారంభించనుంది. దశలవారీగా పూర్తి సామర్థ్యంతో 100 GWhకి విస్తరించనుంది. ఓలా ఫ్యాక్టరీలో కార్యకలాపాలు ప్రారంభించిన తర్వాత భారతీయ అతిపెద్ద సెల్ ఫ్యాక్టరీగా అవతరించనుంది. పూర్తి సామర్థ్యంతో, ప్రపంచంలోని అతిపెద్ద సెల్ తయారీ సౌకర్యాలలో ఒకటిగా నిలువనుంది.
Installed our first pillar at the Ola Gigafactory. So proud and excited about the work our team is doing to make India a global EV hub and #endICEAge!! 🇮🇳
Got lots of wishes, thank you! Rukna nahi, thakna nahi!! 💪🏼 pic.twitter.com/7L1p2fLuow
— Bhavish Aggarwal (@bhash) June 21, 2023
ఓలా వ్యవస్థాపకుడు, సీఈఓ భవిష్ అగర్వాల్ మాట్లాడుతూ.. ‘ఓలా గిగాఫ్యాక్టరీ మొదటి పిల్లర్ను ఏర్పాటు చేయడం చాలా గర్వకారణం. భారత్ విద్యుదీకరణ ప్రయాణంలో గిగాఫ్యాక్టరీ ప్రధాన మైలురాయి అవుతుంది. తద్వారా భారత్ను ప్రపంచ ఈవీ హబ్గా మార్చేందుకు దగ్గర చేస్తుంది. టెక్నాలజీ స్కేల్లో తయారీపై ఎలక్ట్రిక్ (#EndICEAge) భవిష్యత్తును నడిపించడంలో కట్టుబడి ఉన్నాం. గ్లోబల్ ఈవీ హబ్గా మారడమే లక్ష్యంగా ఓలా దూసుకుపోతోంది. ఓలా సెల్, బ్యాటరీ రీసెర్చ్ అండ్ డెవలప్మెంట్లో కూడా భారీగా పెట్టుబడులు పెట్టింది.
బెంగుళూరులో ప్రపంచంలోనే అతిపెద్ద, అత్యంత అధునాతన సెల్ R&D సౌకర్యాలలో ఒకదాన్ని ఏర్పాటు చేసింది. అత్యాధునిక సాంకేతికతతో ఓలా బ్యాటరీ ఇన్నోవేషన్ సెంటర్ కోర్ సెల్ టెక్ డెవలప్మెంట్, బ్యాటరీ ఆవిష్కరణలకు మూలస్తంభం వంటిది’ అని పేర్కొన్నారు. ఓలా తయారీ సామర్థ్యాలను 2Ws, 4Ws సెల్లలో విస్తరించడానికి తమిళనాడు ప్రభుత్వంతో ఇటీవల ఒక (MOU) సంతకం చేసింది. ఎంఓయూలో భాగంగా.. ఓలా EV హబ్ను ఏర్పాటు చేస్తుంది. కంపెనీ అధునాతన సెల్, ఎలక్ట్రిక్ వాహనాల తయారీ సౌకర్యాలు, విక్రేత & సరఫరాదారుల పార్కులు, ఈవీల కోసం భారీ సహాయక పర్యావరణ వ్యవస్థను ఒకే ప్రదేశంలో ఉంచుతుందని కంపెనీ తెలిపింది.