TVS Apache RTR 310 launched at Rs 2.43 lakh gets first-in-segment TPMS
TVS Apache RTR 310 Launch : ప్రముఖ టూ వీలర్ తయారీ కంపెనీ TVS మోటార్ (TVS Motors) కంపెనీ పాపులర్ బైక్ నేకెడ్ వెర్షన్ Apache RTR 310ని రూ. 2.43 లక్షల ఎక్స్-షోరూమ్ ధరతో భారత మార్కెట్లో లాంచ్ చేసింది. ఎంతో ఆసక్తిగా ఎదురుచూస్తున్న ఈ బైక్ కోసం కంపెనీ ఇప్పటికే ప్రీ-బుకింగ్‌లను ప్రారంభించింది. కొన్ని వారాల క్రితమే టీవీ మోటార్స్ యూట్యూబ్‌లో బైక్ వివరాలకు సంబంధించి టీజర్ పోస్ట్ చేసింది. ఈ టీవీఎస్ బైక్ స్ట్రీట్‌ఫైటర్‌గా పేర్కొంది.
ఇందులో ఒకే విధమైన చట్రం, మెకానిక్‌లను కలిగి ఉంది. ఇతర ముఖ్య ఫీచర్లలో స్ప్లిట్ LED హెడ్‌ల్యాంప్, ఫ్లాట్ హ్యాండిల్ బార్,ఫ్యూయల్ ట్యాంక్‌పై అధునాతన మస్కులర్ డిజైన్ కలిగి ఉంది. ఈ కొత్త Apache RTR 310 బైక్ మొత్తం 3 వేరియంట్‌లలో (2 కలర్ ఆప్షన్లు) అందుబాటులో ఉంటుంది. అందులో క్విక్‌షిఫ్టర్ లేకుండా Arsenal Black (ధర రూ. 2.43 లక్షలు), Arsenal Black (ధర రూ. 2.58 లక్షలు), Fury Yellow (ధర రూ. 2.64 లక్షలు) ఉన్నాయి.
అంతేకాదు.. క్లైమేట్-కంట్రోల్ సీట్లతో కూడా వస్తుంది. కేవలం 3 నిమిషాల్లో ఇన్‌స్టంట్ కూలింగ్, వేడిని అందిస్తుంది. ఇటీవలే ఈ మోటార్‌సైకిల్‌ను టెస్టింగ్ చేసినట్టు గుర్తించారు. TVS రాబోయే ప్రాజెక్ట్ గురించి ఎలాంటి వివరాలను వెల్లడించనప్పటికీ, ఫీచర్లపై అనేక నివేదికలు వెల్లడించాయి. ఈ కొత్త Apache RTR 310, TVS Apache RR 310, BWM G 310 R, G310 GS, G310 RR మాదిరిగానే లిక్విడ్-కూల్డ్ 312cc సింగిల్-సిలిండర్ ఇంజన్‌తో శక్తిని పొందింది. 34HP పవర్, 27.3Nm టార్క్ ఉత్పత్తి చేయగలదు. ఇంజిన్ 6-స్పీడ్ గేర్‌బాక్స్‌తో వస్తుంది.
Read Also : UPI ATM Launched : డెబిట్ కార్డుతో పనిలేదు భయ్యా.. యూపీఐ ఏటీఎం ద్వారా ఈజీగా డబ్బులు విత్‌డ్రా చేసుకోవచ్చు!
ఈ కొత్త Apache 310 RTR BMW G 310 R, Triumph Speed 400, Harley Davidson X440, Bajaj Dominar 400లకు పోటీగా ఉంటుంది. గత నెలలో టీవీఎస్ ఎక్స్ అనే ఎలక్ట్రిక్ స్కూటర్‌ను లాంచ్ చేసింది. ఈ ద్విచక్ర వాహనం బ్లూటూత్ కనెక్టివిటీని కలిగి ఉంది. 10.2 అంగుళాల పనోరమిక్ డాష్‌బోర్డ్ ద్వారా రైడర్‌కు కనెక్ట్ చేసిన ఇంటర్‌ఫేస్‌ను అందిస్తుంది. TVS వెబ్‌సైట్ ప్రకారం.. ఈ-స్కూటర్ ఎక్స్-షోరూమ్ ధర రూ. 2.49 లక్షలు నుంచి అందుబాటులో ఉంటుంది.
TVS అపాచీ RTR 310 డిజైన్ :
టీవీఎస్ RR 310 మాదిరిగానే కొత్త Apache RTR 310 ఫుల్-ఫెయిర్డ్ మాదిరిగా కనిపించడం లేదు. నిజానికి, RTR పరిధిలోని మిగిలిన నేక్డ్ స్ట్రీట్ ఫైటర్‌ల కన్నా చాలా భిన్నంగా కనిపిస్తుంది. మొదటి నుంచి TVS లైనప్‌లోని ఇతర నేక్డ్ స్ట్రీట్‌ఫైటర్ల కన్నా RTR 310 రాడికల్‌గా కనిపిస్తుంది. అపాచీ RTR 310 విజువల్ హైలైట్‌లలో స్ప్లిట్-స్టైల్ యాంగ్యులర్ హెడ్‌ల్యాంప్, షార్ప్ ట్యాంక్ ష్రౌడ్స్, ఎక్స్‌పోజ్డ్ రియర్ సబ్‌ఫ్రేమ్, స్ప్లిట్ సీట్లు, చంకీ సైడ్-స్లంగ్ ఎగ్జాస్ట్ ఉన్నాయి. వెనుక భాగంలో స్ప్లిట్ గ్రాబ్ రెయిల్స్‌తో ఎత్తైన టెయిల్ సెక్షన్, మౌంట్ చేసిన టర్న్ ఇండికేటర్‌లతో కూడిన టైర్ హగ్గర్ ఉంటుంది. చూసేందుకు డిజైన్ చాలా స్పోర్టీగా కనిపిస్తుంది.
TVS Apache RTR 310 launched at Rs 2.43 lakh gets first-in-segment TPMS
టీవీఎస్ అపాచీ RTR 310 హార్డ్‌వేర్, ఫీచర్లు :
ఈ కొత్త Apache RTR 310 TVS లైనప్‌లో అత్యంత భారీగా లోడ్ చేసిన మోడల్ అని చెప్పవచ్చు. క్రూయిజ్ కంట్రోల్, ఫైవ్ రైడింగ్ మోడ్‌లు, మ్యూజిక్ కంట్రోల్, వాయిస్ అసిస్ట్, క్లైమేట్ కంట్రోల్ సీట్, బై-డైరెక్షనల్ క్విక్ షిఫ్టర్, టైర్ ప్రెజర్ మానిటరింగ్ సిస్టమ్ వంటి సెగ్మెంట్ లీడింగ్ ఫీచర్లతో RTR 310 సెగ్మెంట్‌లోని అన్ని మోటార్‌సైకిళ్లను స్పష్టంగా అధిగమించింది. కిట్‌లోని ఇతర ముఖ్యమైన ఫీచర్లలో 5-అంగుళాల TFT ఇన్‌స్ట్రుమెంట్ ప్యానెల్, బ్లూటూత్ ద్వారా స్మార్ట్‌ఫోన్ కనెక్టివిటీ, ఆల్-LED బ్రైట్, USB ఛార్జింగ్ పోర్ట్, ఇన్-బిల్ట్ నావిగేషన్ ఉన్నాయి. TVS కార్నరింగ్ ABS, ట్రాక్షన్ కంట్రోల్, రేస్ ట్యూన్డ్ డైనమిక్ స్టెబిలిటీ కంట్రోల్, వీలీ కంట్రోల్, SuperMoto ABS (స్విచబుల్ రియర్ ABS) వంటి ఫీచర్లతో కూడిన 6-యాక్సిస్ IMU ఎలక్ట్రానిక్స్ ప్యాకేజీని కూడా అందిస్తోంది.
టీవీఎస్ అపాచీ RTR 310 ఇంజిన్ స్పెషిఫికేషన్లు :
కొత్త టీవీఎస్ అపాచీ RTR 310 బైక్ అనేది సుపరిచితమైన 312cc, సింగిల్-సిలిండర్ లిక్విడ్-కూల్డ్ ఇంజన్ కలిగి ఉంది. Apache RR 310, BWM ఇతర వేరియంట్ల మాదిరిగా G 310R, G 310 GS, G 310 RRపై ఉంటుంది. అయితే, కొత్త RTR 310లో 9,700rpm వద్ద 35.6 PS గరిష్ట శక్తిని, 6,650rpm వద్ద 28.7 Nm గరిష్ట టార్క్‌ను అందిస్తుంది. TVS RTR 310 బైక్ 150kmph గరిష్ట వేగాన్ని, 0-60 kmph యాక్సిలరేషన్ సమయాన్ని 2.81 సెకన్లుగా పేర్కొంది. కంపెనీ RTR 310 బైక్ తన BTO ప్రోగ్రామ్‌ను కూడా అందిస్తోంది. ఇందులో డైనమిక్ కిట్, డైనమిక్ ప్రో కిట్, సెపాంగ్ బ్లూ పెయింట్ స్కీమ్‌లను వరుసగా రూ. 18వేలు, రూ. 22వేలు, రూ. 10వేలు అదనపు ధరలకు అందిస్తోంది.
Read Also : WhatsApp HD Videos : వాట్సాప్‌లో ఇంట్రెస్టింగ్ ఫీచర్.. ఇకపై HD క్వాలిటీలో వీడియోలను పంపుకోవచ్చు తెలుసా?
