Join Indian Coast Guard
Indian Coast Guard Recruitment : ఇండియన్ కోస్ట్ గార్డ్ (ICG)లో పలు ఉద్యోగ ఖాళీల భర్తీ చేపట్టనున్నారు. ఈ నోటిఫికేషన్ ద్వారా మొత్తం 350 నావిక్, యాంత్రిక్ పోస్టుల భర్తీ చేయనున్నారు. ఆసక్తి , అర్హత గల అభ్యర్థుల నుండి దరఖాస్తులను ఆహ్వానిస్తున్నారు.
READ ALSO : Hyderabad Rain : హైదరాబాద్లో మళ్లీ దంచికొడుతున్న వర్షం, బయటకు రావొద్దని హెచ్చరిక
ఖాళీల వివరాలకు సంబంధించి నావిక్ (జనరల్ డ్యూటీ) 260 పోస్టులు,నావిక్ (డొమెస్టిక్ బ్రాంచ్) 30 పోస్టులు, యాంత్రిక్ (మెకానికల్)25 పోస్టులు, యాంత్రిక్ (ఎలక్ట్రికల్) 20 పోస్టులు,యాంత్రిక్ (ఎలక్ట్రానిక్స్)15 పోస్టులు ఉన్నాయి. నావిక్ (డొమెస్టిక్ బ్రాంచ్) పోస్టుకు దరఖాస్తు చేసుకునే అభ్యర్ధుల విద్యార్హతలకు సంబంధించి అభ్యర్థులు ప్రభుత్వ గుర్తింపు పొందిన విద్యాసంస్థ నుంచి 10వ తరగతి ఉత్తీర్ణత సాధించి ఉండాలి. నావిక్ (జనరల్ డ్యూటీ) పోస్టుకు ప్రభుత్వ గుర్తింపు పొందిన విద్యా బోర్డ్ నుంచి 10+2 క్వాలిఫై కావాలి.
యాంత్రిక్ పోస్టులకు అభ్యర్థులు ఆయా పోస్టులను అనుసరించి డిప్లొమా కోర్స్ చేసి ఉండాలి. లేదా ఎలక్ట్రికల్, మెకానికల్, ఎలక్ట్రానిక్స్, టెలికమ్యునికేషన్ ఇంజినీరింగ్ చేసి ఉండాలి. అభ్యర్థుల వయస్సు 18 ఏళ్ల నుంచి 22 ఏళ్ల మధ్యలో ఉండాలి.
READ ALSO : Rishi Sunak : హిందువుగా ఉన్నందుకు గర్విస్తున్నా.. రిషి సునక్ వ్యాఖ్యలు వైరల్
ఎంపిక విషయానికి వస్తే అభ్యర్థులకు ముందుగా రాత పరీక్ష నిర్వహిస్తారు. తరువాత అసెస్మెంట్, అడాప్టబిలిటీ టెస్ట్, ఫిజికల్ ఫిట్నెస్ పరీక్ష నిర్వహిస్తారు. వీటిలో క్వాలిఫై అయిన అభ్యర్థులకు డాక్యుమెంట్ వెరిఫికేషన్, మెడికల్ ఎగ్జామినేషన్ నిర్వహించి ఆయా పోస్టులకు ఎంపిక చేస్తారు. నావిక్ పోస్టులకు ఎంపికైన అభ్యర్థులకు బేసిక్ వేతనంగా రూ.21,700 చెల్లిస్తారు. యాంత్రిక్ పోస్టులకు ఎంపికైన అభ్యర్థులకు బేసిక్ వేతనంగా రూ.29,200 అందిస్తారు.
అభ్యర్ధులు ఆన్లైన్లో దరఖాస్తు చేసుకోవాల్సి ఉంటుంది. సెప్టెంబర్ 22లోగా ఆన్లైన్లో దరఖాస్తు చేసుకునేందుకు తుదిగడువుగా నిర్ణయించారు.
దరఖాస్తు విధానం ;
ముందుగా https://joinindiancoastguard.cdac.in వెబ్సైట్ను ఓపెన్ చేయాలి. అనంతరం హోమ్ పేజ్లోని ఎన్ రోల్ మెంట్ ఆప్షన్పై క్లిక్ చేయాలి.
READ ALSO : Alternatives to Sugar : బ్రౌన్ షుగర్, బెల్లం, తేనె వంటివి చక్కెరకు మంచి ప్రత్యామ్నాయాలేనా ?
అనంతరం Online application for DGEPT-01/2024 batch లింక్పై క్లిక్ చేయాలి. రిజిస్ట్రేషన్ ప్రాసెస్ పూర్తి చేయాలి. దరఖాస్తు ఫారంలో వ్యక్తిగత, విద్యార్హతల వివరాలు నమోదు చేయాలి.
అనంతరం విద్యార్హత పత్రాలు అప్లోడ్ చేయాలి. దరఖాస్తు రుసుమును ఆన్లైన్లో చెల్లించి, దరఖాస్తును సబ్మిట్ చేయాల్సి ఉంటుంది. రిఫరెన్స్ కోసం అప్లికేషన్ ప్రింట్అవుట్ తీసుకుని భద్రపరుచుకోవాలి.