Shahid Afridi
Shahid Afridi Sister Passed Away : పాకిస్థాన్ మాజీ కెప్టెన్ షాహిద్ అఫ్రిది సోదరి మృతి చెందారు. ఈ విషయాన్ని అఫ్రిది మంగళవారం తన ట్విటర్ ఖాతా ద్వారా వెల్లడించారు. అఫ్రిది సోదరి కొద్దిరోజులుగా అనారోగ్యంతో బాధపడుతూ ఆస్పత్రిలో చికిత్స పొందుతుంది. అయితే, సోమవారం సాయంత్రం ఆస్పత్రిలో చికిత్స పొందుతున్న తన సోదరిని అఫ్రిది పరామర్శించారు. అనంతరం తన ట్విటర్ ఖాతా ద్వారా.. నా సోదరి ప్రస్తుతం తన జీవితంకోసం పోరాడుతోంది. ఆమె ఆరోగ్యంకోసం దువాస్ చేయమని నేను మిమ్మల్ని అభ్యర్థిస్తున్నాను. అల్లా ఆమెను త్వరగా కోలుకునేలా చేసి దీర్ఘాయుషు ప్రసాదించాలని కోరుకుంటున్నాను అని అఫ్రిది అన్నారు. అయితే, మంగళవారం ఉదయం ఆమె చనిపోయినట్లు అఫ్రిది మరో ట్వీట్ చేశారు.
మా ప్రియమైన సోదరి మరణించిందని అఫ్రిది తెలిపాడు. అఫ్రిదికి 11 మంది తోబుట్టువులు ఉన్నారు. ఇందులో ఆరుగురు సోదరులు, ఐదుగురు సోదరీణులు ఉన్నారు. వారిలో అతను ఐదవ వ్యక్తి. ఈ విషాదం నేపథ్యంలో పలువురు ప్రముఖులు, అభిమానులు సోషల్ మీడియా ద్వారా సంతాపం తెలియజేస్తున్నారు.
(إِنَّا ِلِلَّٰهِ وَإِنَّا إِلَيْهِ رَاجِعُونَ,)
Surely we belong to Allah and to him we shall return.
With Heavy hearts we inform you that our beloved Sister passed away and her Namaz e Janazah will be at 17.10.2023 after Zuhur prayer at Zakariya masjid main 26th street… https://t.co/Ly4sK6XVGT— Shahid Afridi (@SAfridiOfficial) October 17, 2023
