Strange Video: చైనాలో కొన్ని పదుల సంఖ్యలోని గొర్రెలు చాలా విచిత్రంగా ప్రవర్తిస్తున్నాయి. దాదాపుగా 12 రోజులుగా గొర్రెలన్నీ ఒక వృత్తాకారంలో తిరుగుతున్నాయి. అయితే అవి అలా ఎందుకు తిరుగుతున్నాయనేది మాత్రం ఇప్పటికీ మిస్టరీగానే ఉంది. ఉత్తర చైనాలోని మంగోలియాకు సమీపంలో ఉన్న ఓ ప్రాంతంలో ఇది వెలుగు చూసినట్లు చైనా అధికారిక మీడియా సంస్థ పీపుల్స్ డైలీ చైనా పేర్కొంది. దీనికి సంబంధించిన ఓ వీడియోను సోషల్ మీడియాలో షేర్ చేశారు.
The great sheep mystery! Hundreds of sheep walk in a circle for over 10 days in N China’s Inner Mongolia. The sheep are healthy and the reason for the weird behavior is still a mystery. pic.twitter.com/8Jg7yOPmGK
— People’s Daily, China (@PDChina) November 16, 2022
వీడియో ప్రకారం.. కొన్ని పదుల సంఖ్యలో గొర్రెలు సవ్యదిశలో సమూహంగా తిరగడం చూడొచ్చు. కొన్ని ఎలాంటి దిశ లేకుండా కదులుతున్నాయి. అయితే ఒక దిశలో తిరిగే గొర్రెలు, కచ్చితమైన వృత్తాకారంలో తిరుగుతున్నాయి. అలా తిరుగుతూనే ఉన్నాయి. ఈ వృత్తాకారంలో కొన్ని గొర్రెలు కలుస్తున్నాయి, కొన్ని వదిలి వెళ్తున్నాయి. కానీ, మొత్తంగా గొర్రెలంతా వృత్తాకారాన్ని వదలకుండా తిరుగుతూనే ఉన్నాయి. ఇలా 12 రోజులుగా తిరుగుతున్నాయట. ఇంకా తిరుగుతూనే ఉన్నాయి. ఇలా ఎన్ని రోజులు తిరుగుతాయో కూడా చెప్పలేం అంటున్నారు. అంతే కాకుండా, ఆ గొర్రెలు ఎందుకు అలా తిరుగుతున్నాయనేది కూడా ఎవరికీ అంతు చిక్కడం లేదు.
మొదట తక్కువ గొర్రెలు ఇలా ప్రవర్తించాయట. క్రమంగా వాటికి తోడుగా మరిన్ని గొర్రెలు చేరుతున్నాయని ఆ గొర్రెల యజమాని పేర్కొన్నాడు. అయితే ఆ గొర్రెలు లిస్టెరియోసిస్ అనే బాక్టీరియల్ వ్యాధి వల్ల అలా చేస్తున్నాయని కొందరు అభిప్రాయపడ్డారు. దీనిని “సర్క్లింగ్ డిసీజ్” అని కూడా పిలుస్తారని వారు పేర్కొన్నారు.
Fenugreek Curry : శీతాకాలంలో మెంతి కూరను ఆహారంలో చేర్చుకుంటే ఆరోగ్యానికి అనేక ప్రయోజనాలు!