Drinking Too Much Tea : శతాబ్దాలుగా సాంప్రదాయ వైద్యంలో టీ ని దాని యొక్క వైద్య లక్షణాల కారణంగా వినియోగిస్తున్నారు. టీలోని మొక్కల సమ్మేళనాలు క్యాన్సర్, ఊబకాయం, మధుమేహం మరియు గుండె జబ్బులు వంటి దీర్ఘకాలిక పరిస్థితుల ప్రమాదాన్ని తగ్గించడంలో కీలక పాత్ర పోషిస్తాయని ఆధునిక పరిశోధనలు సూచిస్తున్నాయి. వేడిగా ఉండే టీ తాగడం వల్ల మనస్సు ప్రశాతంతతోపాటుగా, సంతృప్తికరంగా, ఓదార్పునిస్తుంది.
READ ALSO : Heart Health : గుండె ఆరోగ్యం కోసం… కార్డియాక్ ఎక్సర్ సైజులు
చాలా మందికి టీ మితంగా తీసుకోవటం అన్నది ఆరోగ్యకరమైనది. రోజుకు 3-4 కప్పులు (710-950 మి.లీ) మించటం వలన కొన్నిదుష్ప్రభావాలు ఎదురవుతాయని నిపుణులు హెచ్చరిస్తున్నారు.
అతిగా టీ తాగడం వల్ల కలిగే దుష్ప్రభావాలు ;
టీ అనేది టానిన్లు అని పిలువబడే సమ్మేళనాలకు మూలం. టానిన్లు కొన్ని ఆహారాలలో ఇనుముతో కూడి ఉంటాయి. జీర్ణవ్యవస్థలో శోషణకు ఇది అందుబాటులో ఉండదు. ఐరన్ లోపం అనేది ప్రపంచంలోని అత్యంత సాధారణ పోషకాహార లోపాలలో ఒకటి. తక్కువ ఐరన్ స్థాయిలు ఉండేవారు అధికంగా టీ తీసుకోవడం వల్ల పరిస్థితి మరింత తీవ్రతరం చేస్తుంది. రక్తహీనతకు కారణమౌతుంది. టీలో ఉండే టానిన్ల మోతాదును బట్టి రోజుకు 3 లేదా అంతకంటే తక్కువ కప్పులకు (710 ml) పరిమితం చేయడం చాలా మందికి సురక్షితమైనది.
READ ALSO : Monsoon Tips : వర్షాకాలంలో పిల్లలు ఆరోగ్యంగా, సంతోషంగా ఉండటానికి చిట్కాలు !
టీ ఆకులలో సహజంగా కెఫిన్ ఉంటుంది. కెఫిన్ని ఎక్కువగా తీసుకోవడం వల్ల ఆందోళన, ఒత్తిడి వంటివి మరింత పెరుగుతాయి. ఒక సగటు కప్పు (240 ml) టీలో దాదాపు 11-61 mg కెఫిన్ ఉంటుంది. బ్లాక్ టీలో ఆకుపచ్చ , తెలుపు రకాల కంటే ఎక్కువ కెఫిన్ను ఉంటుంది. బ్లాక్ టీని ఎంత ఎక్కువ తీసుకుంటే, దాని కెఫిన్ కంటెంట్ అంత ఎక్కువగా శరీరంలోకి చేరుతుంది. టీ అలవాటు మిమ్మల్ని చికాకుగా లేదా భయాందోళనకు గురిచేస్తోందని అనిపిస్తే దానిని తాగటం తగ్గించటం మంచిది.
టీ సహజంగా కెఫిన్ కలిగి ఉన్నందున అధికంగా తీసుకోవడం వల్ల మీ నిద్ర కు అంతరాయం కలిగించవచ్చు. మెలటోనిన్ అనేది మెదడుకు నిద్రపోయే సమయాన్ని సూచించే హార్మోన్. టీలోని కెఫిన్ మెలటోనిన్ ఉత్పత్తిని నిరోధించవచ్చని కొన్ని పరిశోధనలు సూచిస్తున్నాయి. దీని వల్ల నిద్ర అలవాటు దెబ్బతింటుంది. నిద్ర సరిగాలేకపోతే అలసట, బలహీనమైన జ్ఞాపకశక్తి, పనులపై ఏకాగ్రత లోపించటంతో సహా అనేక రకాల మానసిక సమస్యలు తలెత్తుతాయి.
టీలోని కెఫిన్ గుండెల్లో మంటను కలిగించవచ్చు. యాసిడ్ రిఫ్లక్స్ లక్షణాలను తీవ్రతరం చేస్తుంది. కెఫిన్ మొత్తం కడుపు ఆమ్ల ఉత్పత్తి పెరుగుదలకు కూడా దోహదపడవచ్చు. పెద్ద మొత్తంలో టీని తీసుకుంటే తరచుగా గుండెల్లో మంటను సమస్యను ఎదుర్కొంటున్నవారు దానిని తీసుకోవడం తగ్గించడం మంచిది.
గర్భధారణ సమయంలో టీ వంటి పానీయాల్లోని అధిక స్థాయి కెఫీన్ వల్ల గర్భస్రావం, పుట్టుబోయే బిడ్డ తక్కువ బరువు కలిగి ఉండటం జరిగే ప్రమాదం ఉంటుంది. కాబట్టి రోజుకు 3 కప్పుల కంటే ఎక్కువ తాగకపోవడమే మంచిది.