Aadhaar Update : భారత్లోని ప్రతి పౌరునికి ఆధార్ కార్డ్ తప్పనిసరి.. యూనిక్ ఐడెంటిఫికేషన్ అథారిటీ ఆఫ్ ఇండియా (UIDAI) ద్వారా ఆధార్ జారీ అవుతుంది. 12-అంకెల వ్యక్తిగత గుర్తింపు సంఖ్య భారత్లో ఎక్కడైనా ఐడెంటిటీ అడ్రస్ రుజువుగా పనిచేస్తుంది. అయితే, ఆధార్ అథెంటికేషన్ కోసం ఆధార్ ధృవీకరణ, వివరాలను అప్డేట్ చేసుకోవచ్చు. ఆధార్ చట్టం, 2016లోని సెక్షన్ 7 కింద వచ్చే ప్రయోజనాలు, సర్వీసులు, రాయితీలను పొందడానికి ఆధార్ నంబర్ చెల్లుతుందా, డీయాక్టివేట్ అయిందా? లేదా అని చెక్ చేయడానికి ఆధార్ను ధృవీకరించాల్సి ఉంటుంది.
మీ ఆధార్ నంబర్ను వరుసగా మూడు సంవత్సరాలు ఉపయోగించకపోవడం, బయోమెట్రిక్లు సరిపోలకపోవడం లేదా మిక్స్ కావడం, మీ అకౌంట్లలో వేర్వేరు పేర్లు ఉండటం లేదా మీ పిల్లలకు 5, 15 ఏళ్లు వచ్చినప్పుడు వారి బయోమెట్రిక్లను అప్డేట్ చేయడంలో విఫలమవడం వంటి వివిధ కారణాల వల్ల మీ ఆధార్ నంబర్ ఇన్యాక్టివ్ కావొచ్చు.
ఆధార్ యాక్టివ్గా ఉందో లేదో అన్ని వివరాలు సరిగ్గా ఉన్నాయో లేదో చెక్ చేసేందుకు UIDAI నివాసితులు వారి ఆధార్ వివరాలను తప్పక వెరిఫై చేసుకోవాలని సూచిస్తుంది. ఆన్లైన్ లేదా ఆఫ్లైన్లో మీ ఆధార్ నంబర్ను ధృవీకరించడానికి అనేక మార్గాలు ఉన్నాయి. మీరు అధికారిక UIDAI వెబ్సైట్ను ఉపయోగించవచ్చు.
Read Also : Update Aadhaar Card Online : జూన్ 14 వరకు ఆన్లైన్లో మీ ఆధార్ కార్డ్ వివరాలను ఉచితంగా అప్డేట్ చేసుకోవచ్చు!
టోల్-ఫ్రీ నంబర్ 1947కు కాల్ చేయవచ్చు లేదా ఆధార్ రిజిస్టర్ సెంటర్ విజిట్ చేయొచ్చు. మీ ఆధార్ కార్డ్, ఇ-ఆధార్ లేదా ఆధార్ PVCలో QR కోడ్ని స్కాన్ చేయడం ద్వారా సులభంగా అప్డేట్ చేసుకోవచ్చు. UIDAI నుంచి డిజిటల్ సైన్, పేరు, లింగం, పుట్టిన తేదీ, అడ్రస్, ఫొటో వంటి మీ బయోగ్రాఫ్ వివరాలను సూచిస్తుంది.
QR కోడ్ని ఉపయోగించి ఆధార్ని ఎలా ధృవీకరించాలంటే? :
* గూగుల్ ప్లే స్టోర్ (Google Play Store) లేదా (App Store) నుంచి (mAadhaar) యాప్ను డౌన్లోడ్ చేసి, మీ స్మార్ట్ఫోన్లో ఇన్స్టాల్ చేయండి.
* యాప్ని ఓపెన్ చేసి.. స్క్రీన్ రైట్ టాప్ కార్నర్లో QR కోడ్ ఐకాన్పై నొక్కండి.
* మీరు ధృవీకరించాలనుకునే ఆధార్ కార్డ్, ఇ-ఆధార్ లేదా ఆధార్ PVCపై ముద్రించిన QR కోడ్పై మీ ఫోన్ కెమెరాను సూచించండి.
* యాప్ QR కోడ్ను స్కాన్ చేస్తుంది. యూజర్ నేమ్, లింగం, పుట్టిన తేదీ, అడ్రస్, ఫొటో వంటి ఆధార్ హోల్డర్ లైఫ్ హిస్టరీ వివరాలను ప్రదర్శిస్తుంది.
* ఈ వివరాలు UIDAI ద్వారా డిజిటల్ సైన్ చేసి ఉంటాయి. అథెంటికేషన్ వెరిఫై చేసుకోవచ్చు.
ప్రత్యామ్నాయంగా, మీరు UIDAI వెబ్సైట్ను విజిట్ చేసి.. మీ 12-అంకెల ఆధార్ నంబర్, క్యాప్చా కోడ్ను ఎంటర్ చేయడం ద్వారా ఆన్లైన్లో కూడా మీ ఆధార్ను ధృవీకరించవచ్చు. UIDAI ఇంటరాక్టివ్ వాయిస్ రెస్పాన్స్ సర్వీస్ (IVRS), ఆధార్ సంబంధిత ప్రశ్నలు, సర్వీసుల కోసం ఆధార్ మిత్ర అనే AI ఆధారిత చాట్బాట్ను కూడా అందిస్తుంది.
మీ ఆధార్ వివరాలను ఆన్లైన్లో లేదా ఆఫ్లైన్లో ఏవైనా మార్పులు ఉంటే.. అప్డేట్ చేసుకోవచ్చు. మీరు UIDAI అధికారిక వెబ్సైట్ ద్వారా ఆన్లైన్లో మీ అడ్రస్ వివరాలను సరిచేసుకోవచ్చు. మరోవైపు, మీరు మీ పేరు, పుట్టిన తేదీ లేదా బయోమెట్రిక్ డేటాను మార్చడానికి ఆధార్ ఎన్రోల్మెంట్ సెంటర్లో బయోమెట్రిక్ అథెంటికేషన్ అందించాలి.