Assembly Election Results 2023: మేఘాలయలో హంగ్ ఏర్పడిన నేపథ్యంలో ఆ రాష్ట్రంలో అధికారాన్ని ఏయే పార్టీల కూటమి ఏర్పాటు చేస్తుందన్న ఆసక్తి నెలకొంది. నేషనల్ పీపుల్స్ పార్టీ (ఎన్పీపీ) 25 సీట్లు గెలుచుకున్న విషయం తెలిసిందే. ఆ రాష్ట్రంలో మొత్తం సీట్లు 60. ప్రభుత్వ ఏర్పాటుకు 31 సీట్లు కావాలి. బీజేపీకి 3 సీట్లు మాత్రమే దక్కాయి.
ప్రభుత్వ ఏర్పాటు కోసం ఇతర పార్టీలతో ఎన్పీపీ చర్చలు జరిపే అవకాశం ఉంది. ఈ మేరకు ప్రభుత్వ ఏర్పాటు కోసం మేఘాలయ ముఖ్యమంత్రి, ఎన్పీపీ అధ్యక్షుడు కాన్రాడ్ సంగ్మా ప్రయత్నాలు మొదలుపెట్టనున్నారు. దీనిపై బీజేపీ సీనియర్ నేత, అసోం ముఖ్యమంత్రి హిమంత బిశ్వ శర్మ స్పందించారు.
“మేఘాలయలో ప్రభుత్వ ఏర్పాటుకోసం నేషనల్ పీపుల్స్ పార్టీకి మద్దతు తెలపాలని ఆ రాష్ట్ర బీజేపీకి మా పార్టీ జాతీయ అధ్యక్షుడు జేపీ నడ్డా సూచించారు. కేంద్ర మంత్రి అమిత్ షాకు సీఎం కాన్రాడ్ సంగ్మా ఫోన్ చేశారు. కొత్త ప్రభుత్వ ఏర్పాటు కోసం మద్దతు అడిగారు” అని హిమంత బిశ్వ శర్మ చెప్పారు.
కాగా, మణిపూర్, అరుణాచల్ ప్రదేశ్ లో ఇప్పటికే ఎన్డీఏలో ఎన్పీపీ కొనసాగుతోంది. మేఘాలయలో బీజేపీతో ఆ పార్టీ కలిసినప్పటికీ 28 సీట్లే అవుతాయి. ప్రభుత్వ ఏర్పాటుకు మరో మూడు సీట్లు అవసరం ఉంటుంది. మరోవైపు, ఇప్పటికే మేఘాలయ డెమోక్రటిక్ అలయన్స్ కు కూడా ఎన్పీపీ నేతృత్వం వహిస్తోంది.
Adaraniya Sri @JPNadda ji , the national president of the @BJP4India has advised the state unit of BJP, Meghalaya to support the National people’s Party in forming the next government in Meghalaya. @SangmaConrad
— Himanta Biswa Sarma (@himantabiswa) March 2, 2023
Sri @SangmaConrad , Chief Minister of Meghalaya, called @AmitShah ji, Hon’ble Home Minister, and sought his support and blessings in forming the new Government.
.— Himanta Biswa Sarma (@himantabiswa) March 2, 2023
Assembly Elections Results: గత ఎన్నికలో సీట్లు.. ఈ ఎన్నికలో ఓట్లు కూడా కోల్పోయిన కమ్యూనిస్ట్ పార్టీ
