gukesh surpasses anand
gukesh surpasses anand : గ్రాండ్‌మాస్టర్ దొమ్మరాజు గుకేష్ ఇప్పుడు భారతదేశపు టాప్ చెస్ ప్లేయర్ అయ్యారు. 36 సంవత్సరాలుగా విశ్వనాథన్ ఆనంద్ పేరిట ఉన్న లైవ్ రేటింగ్ రికార్డ్‌ను గుకేష్ అధిగమించారు. అజర్‌బైజాన్‌లోని బాకులో జరుగుతున్న ప్రధాన సింగిల్-ఎలిమినేషన్ టోర్నమెంట్ ఫీడీ చెస్ ప్రపంచ కప్‌లో 17 ఏళ్ల గుకేశ్ మూడో రౌండ్‌కు అర్హత సాధించిన తర్వాత ఇది జరిగింది. గుకేశ్ మిస్రత్దిన్ ఇస్కందారోను ఓడించి 2755.9 ప్రత్యక్ష ర్యాంకింగ్‌ను పొందారు. జూలై ప్రారంభంలో గుకేష్ 2750 మార్కును దాటిన అత్యంత పిన్న వయస్కుడైన చెస్ ఆటగాడిగా నిలిచారు.
Kedarnath yatra : కేదార్‌నాథ్ యాత్ర మార్గంలో విరిగిపడిన కొండచరియలు…12 మందికి పైగా దుకాణదారుల గల్లంతు
2011 వ సంవత్సరం జులై నుంచి ప్రపంచ నంబర్ వన్ గా ఉన్న ఐదుసార్లు ప్రపంచ ఛాంపియన్ మాగ్నస్ కార్ల్‌సెన్ పేరిట ఉన్న రికార్డును గుకేష్ అధిగమించాడు. లైవ్ రేటింగులో గుకేశ్ దిగ్గజ ఆటగాడు విశ్వనాథన్ ఆనంద్ ను దాటేశాడు. ఫీడీ ప్రపంచ కప్ 2024 చెస్ ప్రపంచ ఛాంపియన్‌షిప్‌కు క్వాలిఫైయర్‌గా కూడా పనిచేస్తుంది. ప్రపంచకప్‌లో మొత్తం 17 మంది భారతీయులు పాల్గొన్నారు.
Nuh Violence : నుహ్ అల్లర్ల ఎఫెక్ట్..ఎస్పీ వరుణ్ సింగ్లాపై బదిలీ వేటు
ఇండియా చెస్ క్రీడాకారుల బృందంలో డి గుకేశ్, విదిత్ గుజరాతీ, అర్జున్ ఎరిగైసి, ఆర్ ప్రజ్ఞానందా, నిహాల్ సరిన్, ఎస్ ఎల్ నారాయణన్, అభిమన్యు పౌరాణిక్, అధిబన్ బి, కార్తీక్ వెంకటరామన్, హర్ష భరతకోటి, కోనేరు హంపీ, హారిక ద్రోణవల్లి, వైశాలి ఆర్, దివ్య దేశ్‌ముఖ్, మర్ధి దేశ్‌ముఖ్, నందిని అన్‌ముఖ్ ఉన్నారు. చెన్నైకు చెందిన టీనేజ్ యువకుడైన గుకేష్ కు విశ్వనాథన్ ఆనంద్ ల మధ్య బంధం ఉంది. తాను చెస్ ఆడటం మొదలుపెట్టినప్పటి నుంచి విశ్వనాథన్ ఆనంద్ సార్ తన ఆరాధ్యుడని గుకేష్ చెప్పారు. తాను చెస్ క్రీడను ఆడటం ప్రారంభించటానికి ఆనంద్ కారణమని ఆయన పేర్కొన్నారు.
Gyanvapi Survey Breaking: జ్ఞానవాపి మసీదులో సర్వే ప్రారంభం
‘‘ఆనంద్ సార్ ను అధిగమించడం నాకు గుర్తుండిపోయే విషయం. అయితే ఎంత మంది భారతీయులు తదుపరి స్థాయికి చేరుకున్నా, ప్రపంచ ఛాంపియన్‌గా నిలిచినా, ఆనంద్ సర్ ఎప్పుడూ ప్రత్యేకమే’’ అని గుకేష్ వ్యాఖ్యానించారు. 17 ఏళ్ల వయస్సులో అత్యధిక రేటింగ్ పొందిన భారతీయ ఆటగాడిగా ప్రపంచంలోని టాప్ 10కి చేరుకునే అవకాశం ఉంది. చెస్ క్రీడలో గుకేష్ చరిత్ర సృష్టించినందుకు అతని కుటుంబం కోచ్‌లకు హృదయపూర్వక అభినందనలు తెలిపింది.
