Telugu Bigg Boss Season 8 Logo Promo Released by Nagarjuna
BiggBoss 8 : బుల్లితెర రియాలిటీ షో బిగ్‌బాస్ మళ్ళీ వచ్చేస్తుంది. ఇప్పటికే తెలుగులో 7 సీజన్లు పూర్తిచేసుకొని ఇప్పుడు 8వ సీజన్ రాబోతుంది. తాజాగా బిగ్ బాస్ సీజన్ 8 లోగో ప్రోమోని విడుదల చేసారు. దీంతో ఈ ప్రోమో వైరల్ గా మారింది. నాగార్జున బిగ్ బాస్ 8 ప్రోమో షేర్ చేయడంతో ఈసారి కూడా నాగార్జునే హోస్ట్ చేయబోతున్నాడని తెలుస్తుంది.
అయితే బిగ్‌బాస్ తెలుగు సీజన్ 8 సెప్టెంబర్ 1 ఆదివారం నుంచి మొదలవుతుందని సమాచారం. ఇప్పటికే పలువురు కంటెస్టెంట్స్ ని ఫైనల్ చేసారని కొంతమంది పేర్లు కూడా వినిపిస్తున్నాయి. యాంకర్ రీతూ చౌదరి, వేణుస్వామి, నయని పావని, జబర్దస్త్ అప్పారావు, కుమారి ఆంటీ, ఓ సెలబ్రిటీ కపుల్.. ఇలా మరికొంతమంది పేర్లు కూడా బిగ్ బాస్ లో పాల్గొనబోతున్నారని వినిపిస్తున్నాయి.
Also Read : Viraaji Trailer : వరుణ్ సందేశ్ ‘విరాజి’ ట్రైలర్ చూశారా? హారర్ థ్రిల్లర్‌తో కొత్త గెటప్‌లో వరుణ్..
అయితే అధికారికంగా ఇప్పటిదాకా ఎవరి పేర్లు ప్రకటించలేదు. గత సీజన్ వివాదాలమయంగా నిలవడంతో ఈ సీజన్ పై మరింత ఆసక్తి పెరిగింది. కంటెస్టెంట్స్ ఎవరు వస్తారు? ఎలాంటి టాస్కులు ఉండబోతున్నాయి అని బిగ్ బాస్ అభిమానులు ఎదురుచూస్తుంటే ఇక బిగ్ బాస్ ని విమర్శించే వాళ్ళు మళ్ళీ ఎందుకు తెచ్చార్రా బాబు అంటూ కామెంట్స్ చేస్తున్నారు.
