Terrifying Drone Video: బీచ్‌లో స్విమ్మింగ్ చేస్తున్న ఓ అమ్మాయి సమీపంలోకి ఓ భారీ షార్క్ చేప దూసుకువచ్చింది. ఆమెపై అది దాడి చేయాలని చూసినట్లు తెలుస్తోంది. చివరకు ఆ అమ్మాయికి కొన్ని అడుగుల దూరం నుంచి ఆ షార్క్ చేప వెనక్కి వెళ్లిపోయింది. ఇందుకు సంబంధించిన వీడియో సామాజిక మాధ్యమాల్లో వైరల్ అవుతోంది. ఆ అమ్మాయి చాలా అదృష్టవంతురాలని నెటిజన్లు కామెంట్లు చేస్తున్నారు.
ఆస్ట్రేలియాలోని హిల్లరీస్ డాగ్ బీచ్ లో పర్యాటకుల తాకిడి అధికంగా ఉంటుంది. బీచ్ లోని ఓ చోట ఓ అమ్మాయి నీళ్లలో ఉంది. అదే సమయంలో ఆమె వైపుగా సముద్రంలో నుంచి ఓ షార్క్ చేప వచ్చింది. ఆ సమయంలో అక్కడ ఓ డ్రోనుతో కొందరు వీడియో తీస్తున్నారు. దీంతో అందులో ఈ దృశ్యాలు చిక్కాయి.
ఆ షార్క్ చేప తన మనసు మార్చుకుని వెనక్కి వెళ్లిపోకపోతే ఆ అమ్మాయి ప్రాణాలు పోయేవని కొందరు నెటిజన్లు కామెంట్లు చేశారు. బీచ్ ల వద్ద పర్యాటకుల రక్షణ కోసం అధికారులు మరిన్ని చర్యలు తీసుకోవాలని కొందరు సూచించారు. షార్కు చేపలు దాడులు చేసే ఘటనలు హాలీవుడ్ సినిమాల్లోనే చూశామని, ఇప్పుడు కూడా దాదాపు అటువంటి సీనే నిజజీవితంలోనూ చూస్తున్నామని కొందరు పేర్కొన్నారు.
Renjarla Rajesh Comments : బాసర శ్రీ జ్ఞాన సరస్వతి అమ్మవారిపై రెంజర్ల రాజేశ్ అనుచిత వ్యాఖ్యలు
