Realme 12 Pro launched_ Top specs, price in India
Realme 12 Pro Series Launched : కొత్త ఫోన్ కొనేందుకు చూస్తున్నారా? భారత మార్కెట్లోకి జనవరి 29న (సోమవారం) రియల్‌మి 12 ప్రో సిరీస్ వచ్చేసింది. ఈ కొత్త ఫోన్ రూ. 25,999 ప్రారంభ ధరతో లాంచ్ అయింది. రియల్‌మి 12 ప్రో సిరీస్ ఆకర్షణీయమైన ఫీచర్లతో అదే రేంజ్‌లో టెలిఫోటో కెమెరాను ప్యాక్ చేస్తుంది.
120హెచ్‌జెడ్ కర్వ్డ్ ప్యానెల్, స్నాప్‌డ్రాగన్ 6 జనరేషన్ 1 ఎస్ఓసీ, 67డబ్ల్యూ ఫాస్ట్ ఛార్జ్‌తో కూడిన 5,000ఎంఎహెచ్ బ్యాటరీ, ఐపీ65 రేటింగ్, మరిన్నింటితో సహా ఇతర ఫీచర్లు కూడా ఉన్నాయి. కొత్త మిడ్-రేంజ్ 5జీ ఫోన్ రెడ్‌మి నోట్ 13 ప్రో ప్లస్, నథింగ్ ఫోన్ (2) వంటి ప్రముఖ ఫోన్‌లతో పోటీగా మార్కెట్లోకి వచ్చింది.
Read Also : Realme Note 50 Launch : భారీ బ్యాటరీతో రియల్‌మి నోట్ 50 ఫోన్ వచ్చేసింది.. ఫీచర్లు చూస్తే ఫిదానే.. ధర ఎంతంటే?
రియల్‌మి 12 ప్రో లాంచ్.. భారత్ ధర ఎంతంటే? :
భారత మార్కెట్లో రియల్‌మి 12 ప్రో ధర రూ. 25,999కు కొనగోలు చేయొచ్చు. బేస్ 8జీబీ ర్యామ్ + 128జీబీ స్టోరేజ్ మోడల్, 256జీబీ స్టోరేజ్ మోడల్ కూడా ఉంది. దేశ మార్కెట్లో ఈ ఫోన్ ధర రూ.26,999 నుంచి అందుబాటులో ఉంటుంది. వచ్చే ఫిబ్రవరి 6న సేల్ ప్రారంభం కానుంది. అయితే, లాంచ్ ఆఫర్‌లలో భాగంగా ఐసీఐసీఐ బ్యాంక్ కార్డ్‌లపై రూ. 2వేల వరకు తగ్గింపు పొందవచ్చు.
రియల్‌మి 12 ప్రో టాప్ స్పెషిఫికేషన్లు :
డిస్‌ప్లే : 6.7-అంగుళాల ఎఫ్‌హెచ్‌డీ+ కర్వ్డ్ ఓఎల్ఈడీ డిస్‌ప్లే
చిప్‌సెట్ : స్నాప్‌డ్రాగన్ 6 జనరేషన్ 1 ఎస్ఓసీ ఆధారితంగా పనిచేస్తుంది.
రియర్ కెమెరా : 32ఎంపీ సోనీ ఐఎమ్ఎక్స్709 టెలిఫోటో సెన్సార్, 50ఎంపీ సోనీ ఐఎమ్ఎక్స్882 ప్రధాన కెమెరా, 8ఎంపీ అల్ట్రా-వైడ్ కెమెరా
ఫ్రంట్ కెమెరా : సెల్ఫీల కోసం 16ఎంపీ సెన్సార్
బ్యాటరీ : 5,000ఎంఎహెచ్ బ్యాటరీ ఉంది.
ఛార్జింగ్ : రియల్‌మి 67డబ్ల్యూ ఫాస్ట్ ఛార్జింగ్ సపోర్ట్
రియల్‌మి 12 ప్రో ముఖ్య ఫీచర్లు :
ఇందులో హైలైట్ ఏంటంటే.. తేలికైన డిజైన్.. డివైజ్ వేగన్ లెదర్ ఎండ్ బ్యాక్ ప్యానెల్‌తో వస్తుంది. రియల్‌మి లేటెస్ట్ మోడల్‌తో వినియోగదారులకు విలాసవంతమైన వాచ్ డిజైన్ అందజేస్తుంది.
Realme 12 Pro launched
