Realme Note 50 Launch : కొత్త ఫోన్ కొనేందుకు చూస్తున్నారా? ప్రముఖ చైనా స్మార్ట్‌ఫోన్ దిగ్గజం రియల్‌మి నుంచి బుధవారం కొత్త (Realme Note 50) ఫోన్ ఫిలిప్పీన్స్‌లో లాంచ్ అయింది. రియల్‌మి ద్వారా ఫస్ట్ నోట్-బ్రాండెడ్ స్మార్ట్‌ఫోన్‌గా ప్రారంభమైంది. లేటెస్ట్ బడ్జెట్ ఆఫర్ 90హెచ్‌జెడ్ రిఫ్రెష్ రేట్‌తో 6.74-అంగుళాల డిస్‌ప్లేను కలిగి ఉంది.
అంతేకాదు.. యూనిసోక్ టీ612 ఎస్ఓసీ ద్వారా అందిస్తోంది. రియల్‌మి నోట్ 50 ఫోన్ గత ఏడాదిలో రియల్‌మి సి51తో అనేక ఫీచర్లను కలిగి ఉంది. 13ఎంపీ ప్రైమరీ సెన్సార్ నేతృత్వంలోని డ్యూయల్ బ్యాక్ కెమెరా యూనిట్‌తో వస్తోంది. 5,000ఎంఎహెచ్ బ్యాటరీతో సపోర్టు ఇస్తుంది.
రియల్‌మి నోట్ 50 ధర ఎంతంటే? :
రియల్‌మి నోట్ 50 ఫోన్ 4జీబీ ర్యామ్ + 64జీబీ స్టోరేజ్ ఆప్షన్ ధర పీహెచ్‌పీ3,599 (దాదాపు రూ. 6వేలు)గా నిర్ణయించింది. మిడ్‌నైట్ బ్లాక్, స్కై బ్లూ కలర్ ఆప్షన్లలో లభిస్తుంది. ఈ హ్యాండ్‌సెట్ ప్రస్తుతం ఫిలిప్పీన్స్‌లో షాపీ, దేశంలోని రియల్‌మి అధీకృత డీలర్‌ల ద్వారా అమ్మకానికి ఉంది. ఇతర మార్కెట్లలో లభ్యత, ధర గురించి వివరాలు ప్రకటించలేదు.
వియత్నాం, థాయ్‌లాండ్, ఇటలీ, బంగ్లాదేశ్, మయన్మార్‌లు ఫిలిప్పీన్స్‌కు మించి కొత్త నోట్ స్మార్ట్‌ఫోన్‌ను ప్రారంభిస్తాయని రియల్‌మి వైస్ ప్రెసిడెంట్ క్వి చేస్ గతంలో ధృవీకరించారు. ఈ ఏడాది చివరిలో మరో రెండు రియల్‌మి నోట్ డివైజ్‌లు లాంచ్ కానున్నాయి. కొత్త లైనప్ భారత మార్కెట్లోకి రాకపోవచ్చు.
Realme Note 50 Launched
రియల్‌మి నోట్ 50 స్పెసిఫికేషన్లు :
డ్యూయల్ సిమ్ (నానో) రియల్‌మి నోట్ 50 ఫోన్ ఆండ్రాయిడ్ 13-ఆధారిత రియల్‌మి యూఐ టీ ఎడిషన్‌లో నడుస్తుంది. 90హెచ్‌జెడ్ రిఫ్రెష్ రేట్, 180హెచ్‌జెడ్ టచ్ శాంప్లింగ్ రేట్, 560నిట్స్ గరిష్ట ప్రకాశంతో 6.7-అంగుళాల హెచ్‌డీ ప్లస్ (720×1,600) డిస్‌ప్లేను కలిగి ఉంది. స్క్రీన్ పిక్సెల్ సాంద్రత 260పీపీఐ స్క్రీన్-టు-బాడీ రేషయో 90.30శాతం కలిగి ఉంటుంది. ఇది సెల్ఫీ షూటర్‌తో వాటర్‌డ్రాప్-స్టైల్ నాచ్‌ని కలిగి ఉంది. ఈ ఫోన్ 4జీబీ ర్యామ్, 64జీబీ ఇంటర్నల్ స్టోరేజీతో యూనిసోక్ టీ612 చిప్ ద్వారా పవర్ పొందుతుంది.
ఆప్టిక్స్ పరంగా చూస్తే..
రియల్‌మి నోట్ 50 ఫోన్ 13ఎంపీ ప్రైమరీ షూటర్, సెకండరీ సెన్సార్‌తో కూడిన డ్యూయల్ రియర్ కెమెరా సెటప్‌ను కలిగి ఉంది. సెల్ఫీలు, వీడియో కాల్స్ విషయానికి వస్తే.. ముందు భాగంలో 5ఎంపీ కెమెరా ఉంది. ఈ హ్యాండ్‌సెట్‌లో ఐపీ54 డస్ట్, వాటర్ రెసిస్టెన్స్ ఉన్నాయి. కొత్త నోట్ సిరీస్ ఫోన్‌లో కనెక్టివిటీ ఆప్షన్లలో 4జీ, వై-ఫై, బ్లూటూత్, జీపీఎస్, 3.5ఎమ్ఎమ్ ఆడియో జాక్, యూఎస్‌బీ టైప్-సి పోర్ట్ ఉన్నాయి.
అథెంటికేషన్ విషయానికి వస్తే.. సైడ్-మౌంటెడ్ ఫింగర్ ప్రింట్ స్కానర్‌ను కలిగి ఉంది. రియల్‌మి 10డబ్ల్యూ ఛార్జింగ్‌కు సపోర్టుతో రియల్‌మి నోట్ 50లో 5,000ఎంఎహెచ్ బ్యాటరీని కలిగి ఉంది. ఈ రియల్‌మి డివైజ్ కొలతలు 167.7×76.67×7.99ఎమ్ఎమ్, డివైజ్ బరువు 186 గ్రాములు ఉంటుంది. రియల్‌మి నోట్ 50, రియల్‌మి సి51 రీబ్రాండెడ్ వెర్షన్ మాదిరిగానే ఉంది.
