iPhone 14 Emergency SOS : ప్రపంచ ఐటీ దిగ్గజం ఆపిల్ (Apple) ఐఫోన్ 14 సిరీస్ అద్భుతమైన ఫీచర్లతో వచ్చింది. ఇందులో ప్రత్యేకమైన శాటిలైట్ ఫీచర్ అనేక మంది ప్రాణాలను కాపాడింది. ఐఫోన్ 14 మోడల్ డిజైన్ ఎలాంటి మార్పలేదు. అయితే ఈ స్మార్ట్ఫోన్ ఇంటర్నల్గా రెండు పెద్ద అప్గ్రేడ్లను కలిగి ఉంది. గత ఏడాదిలో Apple iPhone 14 సిరీస్లో శాటిలైట్ ద్వారా ఎమర్జెన్సీ SOSను ప్రవేశపెట్టింది. ఈ ఫీచర్ ఇప్పటికే ఎంతోమందిని రక్షించినట్టు కనిపిస్తోంది.
కెనడాలోని బ్రిటిష్ కొలంబియాలోని రాబ్సన్ వ్యాలీ ప్రాంతంలో మెక్బ్రైడ్ అరణ్యంలో ఇద్దరు మహిళలు చిక్కుకుపోయారని కెనడియన్ నివేదిక నివేదించింది. మహిళలు తప్పిపోయిన విషయాన్ని ఐఫోన్ 14లో శాటిలైట్ కనెక్టివిటీ ఫీచర్ ద్వారా గుర్తించినట్టు వారి ప్రాణాలను కాపాడింది. నివేదిక ప్రకారం.. ప్రధాన రహదారిలో గూగుల్ మ్యాప్స్ (Google Maps) తప్పుగా సూచించడంతో ఇద్దరు మహిళలు దారి తప్పిపోయారు.
20 కి.మీ.లు డ్రైవింగ్ చేసిన తర్వాత అక్కడ ఇరుక్కుపోయారు. వారికి సెల్యులార్ కనెక్టివిటీ లేదు. ఇద్దరిలో ఒకరికి ఐఫోన్ 14 ఉంది. ఆపిల్ కాల్ సెంటర్కు ఎమర్జెన్సీ సిగ్నల్ని పంపారు. కాల్ సెంటర్ కెనడాలోని నార్తర్న్ 911ని సంప్రదించింది. ఇద్దరు మహిళలను BC సెర్చ్ అండ్ రెస్క్యూతో రక్షించారు. శాటిలైట్ ఫీచర్ ద్వారా Apple అత్యవసర SOS లేకుండా, రెస్క్యూ టీమ్ ఇద్దరు ఒంటరిగా ఉన్న మహిళలను కనుగొనేందుకు ఎక్కువ సమయం తీసుకుంది. GPS కోఆర్డినేట్లను ట్రాక్ చేసిన తర్వాత బృందం ఇద్దరు మహిళలు ఉన్న ప్రాంతానికి చేరుకోగలిగింది. ప్రస్తుతం, శాటిలైట్ ద్వారా అత్యవసర SOS టెక్స్ట్ కోసం మాత్రమే పని చేస్తుంది.
ఈ సమయంలో ఇద్దరు యూజర్లు కాల్లు చేయలేరు. వినియోగదారులు శాటిలైట్ ద్వారా అత్యవసర SOSకి పంపినప్పుడు మెసేజ్ ఎన్క్రిప్టెడ్ రూపంలో ఉంటాయి. సంబంధిత అత్యవసర సర్వీసుల డిస్పాచర్ లేదా ఎమర్జెన్సీ రిలే సెంటర్కు పంపేందుకు ఆపిల్ ద్వారా డీక్రిప్ట్ చేయొచ్చునని కంపెనీ తెలిపింది. శాటిలైట్ ద్వారా SOS iPhone 14, iPhone 14 Max, iPhone 14 Pro, iPhone 14 Pro Maxలో పని చేస్తుంది. శాటిలైట్ కనెక్టివిటీకి సంబంధించి ప్రభుత్వం కఠినమైన చట్టాల కారణంగా ఈ ఫీచర్ భారతదేశంలో అందుబాటులో లేదు. ఆపిల్ వెబ్సైట్ అమెరికా, కెనడా, ఫ్రాన్స్, జర్మనీ, ఐర్లాండ్, యూకేలో అందుబాటులో ఉందని చూపిస్తుంది.
WATCH : 10TV LIVE : “నాన్ స్టాప్ న్యూస్ అప్ డేట్స్ కోసం 10TV చూడండి”..