Vivo Y18 Series Launch : కొత్త ఫోన్ కోసం చూస్తున్నారా? ప్రముఖ చైనా స్మార్ట్ఫోన్ దిగ్గజం వివో Y18, వివో Y18e భారత మార్కెట్లో లాంచ్ అయ్యాయి. ఈ హ్యాండ్సెట్లు ఆక్టా-కోర్ మీడియాటెక్ హీలియో చిప్సెట్ల ద్వారా పవర్ అందిస్తాయి. వైర్డు ఫాస్ట్ ఛార్జింగ్ సపోర్ట్తో 5,000ఎమ్ఎహెచ్ బ్యాటరీ సపోర్టుతో వచ్చాయి.
వివో ఫోన్లు డ్యూయల్ రియర్ కెమెరాలను కలిగి ఉంటాయి. వాటర్డ్రాప్ నాచ్తో వస్తాయి. రెండు స్మార్ట్ఫోన్లు ఆండ్రాయిడ్ 14-ఆధారిత యూఐ అవుట్-ఆఫ్-ది-బాక్స్తో రన్ అవుతాయి. ఈ ఏడాది మార్చిలో ఎంపిక చేసిన మార్కెట్లలో ప్రవేశపెట్టిన వివో Y03 వంటి డిజైన్ను షేర్ చేశారు.
భారత్లో వివో Y18, వివో Y18e ధర ఎంతంటే? :
వివో Y18 ఫోన్లు రెండు ర్యామ్, స్టోరేజ్ కాన్ఫిగరేషన్లలో లభిస్తుంది. 4జీబీ+ 64జీబీ మోడల్ ధర రూ. 8,999, 4జీబీ+ 128జీబీ ధర రూ. 9,999కు అందిస్తుంది. ఈ వివో ఫోన్ జెమ్ గ్రీన్, స్పేస్ బ్లాక్ అనే రెండు కలర్ ఆప్షన్లలో లభిస్తుంది. మరోవైపు, వివో Y18e మోడల్ సింగిల్ 4జీబీ+64జీబీ ఆప్షన్లలో వస్తుంది. వివో ఫోన్ ధర రూ. 7,999 ఉండగా, ఈ మోడల్ బేస్ వివో Y18 వంటి కలర్ ఆప్షన్లలో అందుబాటులో ఉంటుంది. ఈ రెండు హ్యాండ్సెట్లు వివో ఇ-స్టోర్ ద్వారా దేశంలో కొనుగోలుకు అందుబాటులో ఉన్నాయి.
వివో Y18, వివో Y18e స్పెసిఫికేషన్లు, ఫీచర్లు :
వివో Y18, వివో Y18e ఫోన్లు రెండూ 90హెచ్జెడ్ రిఫ్రెష్ రేట్, 269పీపీఐ పిక్సెల్ సాంద్రతతో 6.56-అంగుళాల హెచ్డీ+ (1,612 x 720 పిక్సెల్లు) ఎల్సీడీ స్క్రీన్ను కలిగి ఉన్నాయి. ఈ రెండు హ్యాండ్సెట్లు 4జీబీ ఎల్పీడీడీఆర్4ఎక్స్ ర్యామ్, 128జీబీ వరకు ఇఎమ్ఎమ్సీ 5.1 ఇంటర్నల్ స్టోరేజీతో 12ఎన్ఎమ్ ఆక్టా-కోర్ మీడియాటెక్ హెలియో జీ85 ఎస్ఓసీ ద్వారా అందిస్తాయి. ఆండ్రాయిడ్ 14-ఆధారిత ఫన్టచ్ ఓఎస్ 14తో వస్తాయి.
ఆప్టిక్స్ విషయానికి వస్తే.. వివో వై18 ఫోన్ 0.08ఎంపీ సెన్సార్తో పాటు 50ఎంపీ ప్రైమరీ రియర్ సెన్సార్ను కలిగి ఉంది. ఫ్రంట్ సైడ్ 8ఎంపీ సెన్సార్ను కలిగి ఉంటుంది. వివో వై18ఇ, మరోవైపు, 13ఎంపీ ప్రైమరీ రియర్ సెన్సార్, 0.08ఎంపీ సెకండరీ యూనిట్ను కలిగి ఉంది. ఇందులో 5ఎంపీ సెల్ఫీ కెమెరాను అమర్చారు.
వివో 18, వివో వై18ఇ రెండూ 15డబ్ల్యూ వైర్డు ఫాస్ట్ ఛార్జింగ్కు సపోర్ట్తో 5,000ఎంఎహెచ్ బ్యాటరీల సపోర్టుతో ఉన్నాయి. సెక్యూరిటీ విషయానికి వస్తే.. ఈ హ్యాండ్సెట్లు సైడ్-మౌంటెడ్ ఫింగర్ ప్రింట్ సెన్సార్లను కలిగి ఉంటాయి. దుమ్ము, స్ప్లాష్ నిరోధకతకు ఐపీ54 రేటింగ్తో కూడా వస్తాయి. 4జీ, వై-ఫై, జీపీఎస్, బ్లూటూత్ 5.0, యూఎస్బీ టైప్-సి కనెక్టివిటీకి సపోర్టు ఇస్తుంది. ఈ రెండు ఫోన్లు 185గ్రాముల బరువు ఉంటాయి.
Read Also : Vivo V30e Launch : అద్భుతమైన ఫీచర్లతో వివో V30e కొత్త ఫోన్ లాంచ్.. 4K వీడియో రికార్డింగ్.. ధర ఎంతో తెలుసా?