Raviteja : మాసివ్ కాంబో బ్యాక్.. రవితేజ, గోపీచంద్ మలినేని సినిమా అనౌన్స్.. క్రాక్ 2..?

Raviteja Gopichand Malineni Combo again under Mythri Movie Makers

Raviteja Gopichand Malineni :  గోపీచంద్ మలినేని – రవితేజ అంటే సూపర్ హిట్ కాంబో. ఇప్పటికే వీరి కాంబోలో వచ్చిన డాన్ శీను, బలుపు, క్రాక్ సినిమాలు సూపర్ హిట్ అయ్యాయి. 2021లో వచ్చిన క్రాక్ సినిమా గోపీచంద్ అండ్ రవితేజ కెరీర్ కి మంచి బూస్ట్ ని ఇచ్చింది. ఆ సినిమాకి ముందు ఇద్దరు ప్లాప్ లతో సతమతం అవుతున్నారు. దీంతో క్రాక్ సినిమా వీరిద్దరి కెరీర్ లో ఒక స్పెషల్ ఫిలింగా నిలిచిపోయింది. అప్పట్నుంచి క్రాక్ కి సీక్వెల్ వస్తుందని వార్తలు వస్తూనే ఉన్నాయి.

డైరెక్టర్ గోపీచంద్ కూడా గతంలో క్రాక్ 2 సినిమా ఉంటుందని ప్రకటించాడు. దీంతో మాస్ మహారాజ అభిమానులే కాకుండా ప్రేక్షకులు కూడా క్రాక్ 2 కోసం చూస్తున్నారు. తాజాగా వీరిద్దరి కాంబోలో మరో సినిమాని ప్రకటించారు. మైత్రి మూవీ మేకర్స్ నిర్మాణంలో గోపీచంద్ మలినేని దర్శకత్వంలో రవితేజ సినిమా ఉండబోతుందని నేడు అధికారికంగా ప్రకటించారు. దీంతో రవితేజ అభిమానులు పండగ చేసుకుంటున్నారు.

Mahaveerudu Pre Release Event : మహావీరుడు ప్రీ రిలీజ్ ఈవెంట్ గ్యాలరీ..

ఈ కాంబోలో ఇది నాలుగో సినిమా. అయితే ఇది క్రాక్ 2 నా? కాదా అనేది ప్రకటించలేదు. కానీ ఫ్యాన్స్ మాత్రం ఇది క్రాక్ 2 అనే భావిస్తున్నారు. ఇక ఈ సినిమాకి తమన్ మ్యూజిక్ అందిస్తున్నారు. సినిమా గురించి మరిన్ని వివరాలు త్వరలో ప్రకటించనున్నారు. ఈ అనౌన్స్ పోస్టర్ చూస్తుంటే ఇది కూడా పవర్ ఫుల్ మాస్ స్టోరీ, చుండూరు బ్యాక్ డ్రాప్ లో జరగబోతుందని తెలుస్తుంది. వీళ్ళ హ్యాట్రిక్ ని కంటిన్యూ చేస్తూ సెకండ్ హ్యాట్రిక్ మొదలుపెట్టాలని అభిమానులు కోరుకుంటున్నారు.