Unique ID Number for Mobile Users : మొబైల్ యూజర్లకు గుడ్ న్యూస్.. అతి త్వరలో మొబైల్ వాడే వినియోగదారుల కోసం యూనిక్ నెంబర్ అందుబాటులోకి రానుంది. భారత ప్రభుత్వం వినియోగదారుల ఫోన్-సంబంధిత సమాచారాన్ని కేంద్రీకరించడానికి డిజిటల్ ఐడి కార్డ్ మాదిరిగానే ప్రత్యేక ఐడీ నంబర్‌లను జారీ చేయాలని యోచిస్తోంది.
అదేగాని అమల్లోకి వస్తే.. యూజర్ల ఐడీ భద్రతను మరింత పెంచనుంది. అంతేకాదు.. మోసాలను ఎదుర్కోవడం, పెరుగుతున్న డిజిటల్ ప్రపంచంలో యూజర్ల అనుభవాన్ని మెరుగుపరుస్తాయి. ఈ ప్రత్యేక ఐడీ మొబైల్ వినియోగదారులకు గుర్తింపు కార్డ్‌గా ఉపయోగపడుతుంది. అంటే.. మీ ఫోన్ కనెక్షన్‌కి సంబంధించిన ముఖ్యమైన సమాచారాన్ని ఐడీలో స్టోర్ చేస్తుంది.
మొబైల్ యూనిక్ ఐడీ నంబర్, యూజర్ల వద్ద ఎన్ని ఫోన్‌లు, సిమ్ కార్డ్‌లు ఉన్నాయి. ఏ సిమ్ కార్డ్ యాక్టివ్‌గా ఉంది. యూజర్ పేరుపై ఎన్ని సిమ్ కార్డ్‌లు రిజిస్టర్ అయ్యాయి వంటి అనేక వివరాలను సేకరిస్తుంది. ఈ సిస్టమ్ మొబైల్ యూజర్ సమాచారాన్ని సులభంగా యాక్సెస్ చేయడానికి కేంద్రీకృతం చేయడమే ప్రభుత్వం లక్ష్యంగా పెట్టుకుంది.
మొబైల్ వినియోగదారుల కోసం ఈ యూనిక్ ఐడీ నంబర్ మీ మెడికల్ హిస్టరీని రికార్డ్ చేసే ప్రభుత్వ వ్యవస్థ అయిన ఆయుష్మాన్ భారత్ డిజిటల్ హెల్త్ అకౌంట్ (ABHA)ని పోలి ఉంటుంది. డిజిటల్ మెడికల్ రికార్డ్ లాంటిదిగా చెప్పవచ్చు. (ABHA)తో మీరు అనారోగ్యంగా ఉన్నప్పుడు పాత హెల్త్ రిపోర్టులను వైద్యుని వద్దకు తీసుకెళ్లాల్సిన అవసరం లేదు. అదేవిధంగా, ప్రత్యేకమైన మొబైల్ ఐడీ మీ మొబైల్ కనెక్షన్ కోసం డిజిటల్ ఆర్కైవ్‌గా పనిచేస్తుంది.
Central govt Unique ID Number for mobile users
చీటింగ్, స్పామ్ కాల్స్‌కు చెక్ :
స్పామ్ కాల్‌లు, డిజిటల్ మోసాల పెరుగుదలతో ప్రత్యేక మొబైల్ ఐడీ నంబర్ సిస్టమ్ డిజిటల్ భద్రతను మెరుగుపరచడం లక్ష్యంగా పెట్టుకుంది. ఇది ఫేక్ సిమ్ కార్డులు, సిమ్ కార్డ్‌ల భారీ కొనుగోళ్లను గుర్తించి నిరోధించడంలో సాయపడుతుంది. ప్రత్యేకమైన మొబైల్ నంబర్ ఐడీని కలిగి ఉండటం వల్ల మీ సిమ్ కార్డ్‌ని ట్రాక్ చేయడం సులభం అవుతుంది.
మీరు కొత్త కనెక్షన్ కోసం దరఖాస్తు చేసినప్పుడు లేదా కొత్త సిమ్కార్డ్‌ని కొనుగోలు చేసినప్పుడు మీరు ఉద్దేశించిన యూజర్ గురించి సమాచారాన్ని అందించాలి. మీరు కొత్త కనెక్షన్ కోసం దరఖాస్తు చేసినప్పుడు ఈ యూనిక్ ఐడీ నంబర్ మీకు అందిస్తుంది. డిజిటల్ చీటింగ్ నుంచి మొబైల్ యూజర్లను సురక్షితంగా ఉంచడానికి రూపొందించింది. మొబైల్ వినియోగాన్ని మరింత సురక్షితంగా ప్రతి ఒక్కరికీ సౌకర్యవంతంగా ఉండనుంది.
Read Also : DDA Diwali Scheme 2023 : కొత్త ఫ్లాట్ కావాలా? సరసమైన ధరకే 30వేల ఫ్లాట్లు.. లొకేషన్ ఎక్కడంటే?
