Arthritis : ఆర్థరైటిస్, కీళ్ల వాపుతో కూడిన దీర్ఘకాలిక ఆరోగ్య పరిస్థితి, ప్రపంచవ్యాప్తంగా మిలియన్ల మంది వ్యక్తులను ప్రభావితం చేస్తుంది. పురుషులతో పోలిస్తే మహిళలు ఆర్థరైటిస్‌తో ఎక్కువగా ప్రభావితమవుతున్నట్లు స్పష్టమౌతుంది. అనేక అంతర్లీనమైన అంశాలు స్త్రీలలో అర్ధరైటిస్ సమస్య ఉత్పన్నం అయ్యేందుకు కారణమౌతున్నట్లు నిపుణులు చెబుతున్నారు. ఆర్థరైటిస్‌తో సమస్యతో ప్రపంచవ్యాప్తంగా మిలియన్ల మంది ప్రజలు బాధపడుతున్నారు. ఇది ఒక కీళ్ల వాపుకు దారితీసే రుగ్మత. కీళ్ళ కదలికల సమయంలో నొప్పితోపాటు, గట్టిగా బిగుసుకు పోయినట్లుగా ఉంటాయి. ఎవరికైనా ఆర్థరైటిస్‌ను వచ్చే ప్రమాదం ఉంటుంది. అయితే మగవారి కంటే స్త్రీలలో ఎక్కువ అవకాశం ఉంటుందని అధ్యయనాలు చెబుతున్నాయి.
READ ALSO : Arthritis Problems : ఆర్ధరైటిస్ సమస్యలు రాకుండా ఉండాలంటే ఆహారంలో చేపలు చేర్చుకోండి!
మగవారి కంటే స్త్రీలు ఆర్థరైటిస్‌ను బారినపడే అవకాశం ఎక్కువగా ఉండటానికి హార్మోన్లలో ఏర్పడే హెచ్చుతగ్గులే ప్రధాన కారణం. మహిళల్లో ఈస్ట్రోజెన్ స్థాయిలు ఎక్కువగా ఉంటాయి. ఇది కీళ్ల వాపుకు కారణమవుతుంది. కీలు ఎముకల మధ్య కుషన్‌గా పనిచేసే మృదులాస్థి కూడా ఈస్ట్రోజెన్ కారణంగా దెబ్బతింటుంది. స్త్రీలు కీళ్ల నొప్పులు, గట్టిగా మారటం వంటి లక్షణాలతో బాధపడుతుంటారు. ఈ లక్షణాలే ఆర్థరైటిస్ యొక్క సాధారణ సంకేతాలు.
శరీర నిర్మాణ కారణంగా పురుషుల కంటే స్త్రీలకు కీళ్లనొప్పులు వచ్చే అవకాశం ఎక్కువగా ఉంది. స్త్రీల కీళ్ళు పురుషుల కంటే చిన్నగా ఉంటాయి. అంటే వారి ఎముకలు వాటిని కుషన్ చేయడానికి తక్కువ మృదులాస్థిని కలిగి ఉంటాయి. దీని ఫలితంగా కీళ్ళు దెబ్బతినే అవకాశం ఉంది. ఇది ఆర్థరైటిస్‌కు కారణమవుతుంది. స్త్రీలు సాధారణంగా పురుషుల కంటే విశాలమైన పొట్టలను, బరువును కలిగి ఉంటారు. ఈ ప్రభావం మోకాలి కీళ్లపై అదనపు ఒత్తిడిని కలిగిస్తుంది. క్రమేపి ఆర్థరైటిస్‌కు కారణమవుతుంది.
READ ALSO : Rheumatoid Arthritis : రుమటాయిడ్ ఆర్ధరైటిస్ ప్రమాదకరమైనదా!
స్త్రీలలో ఆర్థరైటిస్ రావటానికి జీవనశైలి కారకాలు కూడా కీలక పాత్ర పోషిస్తాయి. హైహీల్స్ చెప్పులు ధరించడం, పెద్ద బ్యాగ్‌లు ధరించడం వల్ల స్త్రీలకు తమ జాయింట్‌లలో నొప్పులను కలిగించే ప్రమాదం ఉంటుంది. కాలక్రమేణా కీళ్ళనొప్పులు వచ్చే ప్రమాదాన్ని పెంచుతాయి. మహిళల్లో ఆర్థరైటిస్ అభివృద్ధిలో జన్యుశాస్త్రం కూడా పాత్ర పోషిస్తుంది. కొన్ని జన్యువులు ఆర్థరైటిస్ వచ్చే ప్రమాదాన్ని పెంచుతాయని అధ్యయనాలు చెబుతున్నాయి. ఆర్థరైటిస్ యొక్క కుటుంబ చరిత్ర ఉన్న స్త్రీలు స్వయంగా ఈ పరిస్థితిని అభివృద్ధి చేసే అవకాశం ఉంది.
నిపుణులు చెబుతున్న ప్రకారం మగవారి కంటే స్త్రీలు ఆర్థరైటిస్‌కు గురయ్యే అవకాశం ఎందుకు ఎక్కువ అనే దానిపై అనేక అంశాలు కీలకం. ఆర్థరైటిస్ కు దారితీసేందుకు హార్మోన్లలో మార్పులు, శరీర నిర్మాణం, జీవనశైలి అలవాట్లు, వంశపారంపర్యతతో సహా వివిధ కారకాలు ప్రభావితం చేస్తాయి. ఆర్ధరైటిస్ దరిచేరకుండా చూసుకునేందుకు ఆరోగ్యకరమైన బరువు, మితమైన వ్యాయామం , మంచి పాదరక్షలు వాడటం వంటి విధానాలను అనుసరించటం ద్వారా ఆర్థరైటిస్ వచ్చే ప్రమాదాన్ని తగ్గించుకోవచ్చని నిపుణులు సూచిస్తున్నారు.
READ ALSO : Arthritis : ఆర్ధరైటిస్ సమస్యతో బాధపడుతున్న వారు చలికాలంలో వీటిన రోజువారి ఆహారంలో చేర్చుకోండి!
మహిళలు ఆర్థరైటిస్‌కు గురయ్యే అవకాశం ఎందుకు ఎక్కువ అనే విషయంలో ప్రధానంగా ఈస్ట్రోజెన్ వంటి హార్మోన్లు కారణమన్న అభిప్రాయం వ్యక్తమౌతుంది. రోగనిరోధక వ్యవస్థను మాడ్యులేట్ చేయడంలో , ఇన్ఫ్లమేషన్ స్థాయిలను ప్రభావితం చేయడంలో, ఋతుస్రావం, గర్భం, రుతువిరతి సమయంలో మహిళల యొక్క హార్మోన్ స్థాయిలలో హెచ్చుతగ్గులు, ఆర్థరైటిస్ తీవ్రతరం చేయడానికి కారణమవుతాయి. హార్మోన్లు ,ఆర్థరైటిస్ మధ్య సంక్లిష్ట సంబంధంపై పరిశోధకులు అధ్యయనాలు కొనసాగిస్తున్నారు.
అలాగే ఒక వ్యక్తి ఆర్థరైటిస్‌కు గురికావటానికి గల కారణాలలో జన్యుపరమైన కారకాలు కీలక పాత్ర పోషిస్తాయి. కొన్ని జన్యుపరమైన వైవిధ్యాలు, ఉత్పరివర్తనలు మహిళల్లో ఎక్కువగా ఉంటున్నట్లు అధ్యయనాలు సూచిస్తున్నాయి. రుమటాయిడ్ ఆర్థరైటిస్ వంటి అనేక రకాల ఆర్థరైటిస్‌లు ఆటో ఇమ్యూన్ వ్యాధులుగా వర్గీకరించబడ్డాయి. రోగనిరోధక వ్యవస్థ శరీరంలోని ఆరోగ్యకరమైన కణజాలాలపై పొరపాటున దాడి చేసినప్పుడు ఆటో ఇమ్యూన్ డిజార్డర్స్ ఏర్పడతాయి. మహిళల్లో ఇది ఎక్కువగా ఉంటుంది. పురుషులతో పోలిస్తే స్వయం ప్రతిరక్షక వ్యాధుల ప్రాబల్యం ఎక్కువగా ఉంది. దీని ఫలితంగా రోగనిరోధక ప్రతిస్పందనలలో వ్యత్యాసాలు, రోగనిరోధక నియంత్రణకు సంబంధించిన జన్యుపరమైన కారకాలు మహిళల్లో ఆర్థరైటిస్ సమస్య అధికంగా ఉంటానికి కారణాలని నిపుణులు చెబుతున్నారు.
READ ALSO : Arthritis Pain : ఆర్థరైటిస్ నొప్పిని తగ్గించే సహజసిద్ధమైన చిట్కాలు !
