Prime Minister Shehbaz Sharif
Pakistan Assembly : పాకిస్థాన్ జాతీయ అసెంబ్లీని రద్దు చేయాలని కోరుతూ ఆ దేశ ప్రధానమంత్రి షెహబాజ్ షరీఫ్ బుధవారం పాక్ అధ్యక్షుడు ఆరిఫ్ అల్వీకి లేఖ రాయనున్నారు. (Prime Minister Shehbaz Sharif) నిర్ణీత కాలానికి మూడు రోజుల ముందుగానే అసెంబ్లీలను రద్దు చేస్తామని, ఆ తర్వాత 90 రోజుల్లో ఎన్నికలు నిర్వహించాలని ప్రభుత్వం ప్రకటించింది. (To Dissolve National Assembly)
East Sikkim : తూర్పు సిక్కిం సరిహద్దుల్లో విధులు నిర్వర్తిస్తున్న ఇద్దరు జవాన్లు మృతి
జాతీయ అసెంబ్లీని రద్దు చేసిన తర్వాత తాత్కాలిక ప్రభుత్వం కొలువుదీరనుందని పాక్ ప్రధాని చెప్పారు. (Pakistan PM To Write To President Today) తాత్కాలిక ప్రధానమంత్రి పేర్లకు సంబంధించి తాను ఇంకా ప్రధానిని సంప్రదించలేదని జాతీయ అసెంబ్లీలో ప్రతిపక్ష నాయకుడు రాజా రియాజ్ చెప్పారు. సరైన సమయంలో సంప్రదింపులు జరుగుతాయని రియాజ్ పేర్కొన్నారు. తాను మిత్రపక్షాలతో సంప్రదింపుల ప్రక్రియను పూర్తి చేశానని, తాత్కాలిక ప్రధానమంత్రికి ముగ్గురి పేర్లు ఖరారయ్యాయని రియాజ్ చెప్పారు.
ప్రతిపక్షానికి చెందిన చట్టసభ సభ్యులతో మూడు సమావేశాల తర్వాత తాత్కాలిక ప్రధానమంత్రి అభ్యర్థుల పేర్లను ఖరారు చేసినట్లు పాక్ పత్రికలు తెలిపాయి. అసెంబ్లీని రద్దు చేసిన తర్వాత కూడా ప్రధాని, ప్రతిపక్ష నేత మూడు రోజుల పాటు ఈ అంశంపై సంప్రదింపులు జరపవచ్చు. ఏకాభిప్రాయం కుదరని పక్షంలో, ఆ విషయాన్ని పాకిస్థాన్ ఎన్నికల కమిషన్‌కు పంపుతారు. ఏ రాజకీయ పార్టీతోనూ సంబంధం లేని రాజకీయ నాయకుడు కూడా తాత్కాలిక ప్రధాని కాగలడని అంతర్గత మంత్రి రాణా సనావుల్లా పేర్కొన్నారు.
