Tollywood Best Friends : సినిమా కలిపిన బంధం.. సెలబ్రిటీల మధ్య స్నేహ బంధం .. టాలీవుడ్ బెస్ట్ ఫ్రెండ్స్ వీళ్లే

ప్రతి ఇండస్ట్రీలోను చాలామంది మంచి స్నేహితులైన వారు ఉంటారు. తెలుగు సినిమా ఇండస్ట్రీలో కూడా మంచి మిత్రులు ఉన్నారు. హీరోలు, హీరోయిన్లు, దర్శకులు, సింగర్స్ ఇలా మనసులు కలిసి స్నేహాన్ని పంచుకునే వారు టాలీవుడ్‌లో చాలామంది ఉన్నారు. ఆగస్టు 6 ఆదివారం 'అంతర్జాతీయ స్నేహితుల దినోత్సవం' సందర్భంలో వారి స్నేహాన్ని గుర్తు చేసుకుందాం.

10TV Digital Team
Publish Date - August 5, 2023 / 11:52 AM IST

Tollywood Best Friends : టాలీవుడ్ ఫిల్మ్ ఇండస్ట్రీలో చాలామంది హీరోలు, హీరోయిన్లు, దర్శకులు, నటులు, సింగర్స్ స్నేహితులుగా ఉన్నారు. కలిసి పని చేసిన సందర్భంలో వారి మనసులు కలిసి మంచి స్నేహితులుగా మారిన వారున్నారు. ఆగస్టు 6 ‘అంతర్జాతీయ స్నేహితుల దినోత్సవం’ సందర్భంగా టాలీవుడ్‌లో బెస్ట్ ఫ్రెండ్స్ ఎవరో చూద్దాం.

బాపు-రమణ

చిన్ననాటి నుంచి వీరిద్దరు మంచి . ఒకరు బొమ్మలు గీస్తే.. మరొకరు రాతలతో అలరించారు. సినిమాల్లోకి వచ్చినా వీరి అనుబంధం అద్భుతంగా సాగింది. బాపు సినిమాలన్నింటిలో రమణ రాతలు ఉండేవి. సాక్షి, ముత్యాలముగ్గు, సంపూర్ణ రామాయణం, బుద్ధిమంతుడు, భక్త కన్నప్ప, మనవూరి పాండవులు వీరిద్దరి కాంబినేషన్‌లో వచ్చిన సినిమాలే. ఇక వీరిద్దరు కలిసి చేసిన సినిమా శ్రీరామరాజ్యం. ఈ సినిమా అయ్యాక రమణ కన్నుమూశారు. రమణ తనువు చాలించిన కొన్నినాళ్లకే బాపు వెళ్లిపోయారు. తెలుగు సినిమా పరిశ్రమలో స్నేహం అనగానే ఇప్పటికీ ముందుగా వీరిద్దరి పేర్లు వినిపిస్తాయి.