Bigg Boss : బిగ్‌బాస్ షోపై పోలీసులకు ఫిర్యాదు.. ఆ జంట హౌస్‌లో హద్దుమీరి ప్రవర్తిస్తున్నారని..

Police Complaint filed on Hindi Bigg Boss OTT Season 3 due to Arman Malik Krithika Malik

Bigg Boss : ప్రస్తుతం హిందీ బిగ్ బాస్ ఓటీటీ సీజన్ 3 నడుస్తుంది. అనిల్ కపూర్ హోస్ట్ గా ఈ షో సాగుతుంది. ఇప్పటికే రెండు వారాలు దాటేసింది ఈ షో మొదలుపెట్టి. అయితే ముందు నుంచి బిగ్ బాస్ పై చాలామందిలో తీవ్ర వ్యతిరేకత ఉంది. ఫ్యామిలీ ఎంటర్టైన్మెంట్ అని చెప్పి కంటెస్టెంట్స్ రొమాంటిక్ సీన్స్ చూపిస్తున్నారని, వైలెన్స్ ని పెంచే టాస్కులు చేయిస్తున్నారని, పిల్లలపై ఈ షో తీవ్ర ప్రభావం చూపిస్తుందని చాలామంది విమర్శలు చేస్తున్నారు.

గతంలో అనేకసార్లు వివిధ భాషల్లో బిగ్ బాస్ షోపై పోలీసులకు ఫిర్యాదులు వచ్చాయి. తాజాగా హిందీలో నడుస్తున్న బిగ్ బాస్ ఓటీటీ సీజన్ 3 పై మహారాష్ట్ర శివసేన షిండే వర్గానికి చెందిన మనీషా కయాండే పోలీసులకు ఫిర్యాదు చేసింది. మనీషా కయాండే ముంబయి నగర పోలీస్‌ కమిషనర్‌ని కలిసి బిగ్‌బాస్‌ షోపై ఫిర్యాదు చేసింది.

Also Read : Rajamouli – RGV : రాజమౌళిని ఓ రేంజ్‌లో పొగిడిన ఆర్జీవీ.. బాహుబలి కథ నాకు చెప్పాడు.. ఈ సక్సెస్ తెలుగు సినిమాది కాదు..

జులై 18న టెలికాస్ట్ చేసిన ఎపిసోడ్‌లో బిగ్ బాస్ హౌస్ లో అర్మాన్‌ మాలిక్‌, కృతికా మాలిక్‌ జంట బెడ్‌రూమ్‌లో శ్రుతిమించి ప్రవర్తించిందని, దానిని బిగ్ బాస్ టెలికాస్ట్ చేసిందని ఫిర్యాదు చేసింది. ఈ షోలో పలువురు హద్దులు మీరి ప్రవర్తిస్తున్నారని, షో నిర్వాహకులు పట్టించుకోకుండా వాటిని ఎంకరేజ్ చేస్తున్నారని, పిల్లలు కూడా ఈ షో చూస్తారని, ఇలాంటి అసభ్యకరమైన సీన్స్ వారిపై ప్రభావం చూపిస్తాయని ఆవేదన వ్యక్తం చేస్తూ ఈ షోని వెంటనే నిలిపేసేలా చర్యలు తీసుకోవాలని, సైబర్‌ క్రైమ్‌ చట్టాల కింద కేసు నమోదు చేయాలని మనీషా పోలీసులని డిమాండ్ చేసారు.