Devara : ఎన్టీఆర్ ఫ్యాన్స్‌కి గుడ్ న్యూస్.. దేవర కూడా రెండు భాగాలుగా..? కొరటాల శివ అప్డేట్..!

NTR Devara movie is coming in two parts Koratala Siva update

Devara : ఎన్టీఆర్ నటిస్తున్న సినిమా ‘దేవ‌ర‌’. కొరటాల శివ ద‌ర్శ‌క‌త్వం వహిస్తున్న ఈ మూవీ ఎంతో ప్రతిష్టాత్మకంగా తెరకెక్కుతుంది. జాన్వీ క‌పూర్ హీరోయిన్‌గా నటిస్తున్న ఈ మూవీలో సైఫ్ అలీఖాన్, మలయాళ నటుడు షైన్ టామ్‌ చాకో విలన్స్ గా కనిపించబోతున్నారు. మిక్కిలినేని సుధాకర్ తో కలిసి నందమూరి కళ్యాణ్ రామ్ ఈ సినిమాని ఎంతో ప్రతిష్టాత్మకంగా నిర్మిస్తున్నాడు. ఈ మూవీ కోసం హాలీవుడ్ మేకర్స్ సైతం రంగంలోకి దించుతున్నారు.

Also read : Mansion 24 Trailer : భయపెట్టడానికి వస్తున్న వరలక్ష్మి.. మ్యాన్షన్ 24 గది రహస్యం ఏంటి..?

కాగా ఈ మూవీ గురించిన సూపర్ అప్డేట్ ని కొరటాల నేడు అభిమానులకు ఇచ్చాడు. ఒక స్పెషల్ వీడియోని రిలీజ్ చేసి సినిమా గురించి బిగ్ న్యూస్ చెప్పాడు. చిత్రీకరణలో ఈ మూవీ స్పాన్ ఎక్కువ అవుతుండడంతో.. ఈ చిత్రాన్ని రెండు భాగాలుగా తీసుకు రాబోతున్నట్లు ప్రకటించాడు. వచ్చే ఏడాది ఏప్రిల్ 5న ‘దేవర పార్ట్ 1’ రిలీజ్ కాబోతుంది అంటూ ప్రకటించాడు. ఈ వార్తతో ఎన్టీఆర్ అభిమానులు ఫుల్ ఖుషి అవుతున్నారు.

ఇక ఈ మూవీ షూటింగ్ విషయానికి వస్తే.. శరవేగంగా చిత్రీకరణ జరుపుకుంటుంది. షెడ్యూల్స్ మీద షెడ్యూల్స్ ని పూర్తి చేస్తూ వస్తున్నారు. ఇటీవలే ఒక యాక్షన్ షెడ్యూల్ ని కంప్లీట్ చేశారు. నడి సముద్రంలో నైట్ యాక్షన్ సీక్వెన్స్ ని ఎన్టీఆర్ పై చిత్రీకరించారు. ఈ మూవీ ఎన్టీఆర్ డ్యూయల్ రోల్ చేయబోతున్నట్లు వార్తలు వచ్చాయి. మరి వాటిలో ఎంత నిజముందో తెలియదు.