Vivo X Fold 3 Pro Launch : కొత్త ఫోన్ కోసం చూస్తున్నారా? ప్రముఖ చైనా స్మార్ట్ఫోన్ మేకర్ వివో నుంచి సరికొత్త ఫోల్డబుల్ ఫోన్ వచ్చేసింది. వివో ఎక్స్ ఫోల్డ్ 3 ప్రో పేరుతో భారత మార్కెట్లో లాంచ్ అయింది. ఈ కొత్త మడతబెట్టే ఫోన్ రూ. 1,60,000 లోపు ధరలో అందుబాటులో ఉంటుంది. దేశంలో కంపెనీ ప్రకటించిన వివో నుంచి ఫస్ట్ ఫోల్డబుల్ ఫోన్ కూడా ఇదే. ఈ వివో ఫోల్డుబల్ ఫోన్.. వన్ప్లస్ ఓపెన్, శాంసంగ్ గెలాక్సీ జెడ్ ఫోల్డ్ 5 వంటి వాటితో పోటీపడే అవకాశం ఉంది. పూర్తి వివరాలను ఇప్పుడు తెలుసుకుందాం.
వివో ఎక్స్ ఫోల్డ్ 3 ప్రో : భారత్ ధర ఎంతంటే? :
వివో ఎక్స్ ఫోల్డ్ 3ప్రో ఫోన్ భారత మార్కెట్లో 256జీబీ స్టోరేజీ, 8జీబీ ర్యామ్ ప్రారంభ ధర రూ. 1,59,999కు పొందవచ్చు. కంపెనీ ఏ ఇతర వేరియంట్ను రిలీజ్ చేయలేదు. ఈ కొత్త ఫోల్డబుల్ ఫోన్ ఫ్లిప్కార్ట్ ద్వారా త్వరలో అమ్మకానికి రానుంది.
వివో ఎక్స్ ఫోల్డ్ 3 ప్రో స్పెసిఫికేషన్లు, ఫీచర్లు :
వివో ఎక్స్ ఫోల్డ్ 3 ప్రో ఫోన్ ఫోల్డ్ ఓపెన్ చేసినప్పుడు 8.03-అంగుళాల 2కె ఇ7 అమోల్డ్ డిస్ప్లేను అందిస్తుంది. ఈ స్క్రీన్ 4,500నిట్స్ పీక్ బ్రైట్నెస్, డాల్బీ విజన్, హెచ్డీఆర్10కి సపోర్టు అందిస్తుంది. 6.53-అంగుళాల అమోల్డ్ కవర్ డిస్ప్లేను కూడా కలిగి ఉంది. ఈ రెండూ 120హెచ్జెడ్ రిఫ్రెష్ రేట్ వరకు సపోర్టు అందిస్తాయి. ఎల్టీపీఓ ప్యానెల్ను కలిగి ఉంది. అలాగేకంటెంట్ ఆధారంగా రిఫ్రెష్ రేట్ 1Hz నుంచి 120Hz మధ్య ఎడ్జెట్ అవుతుంది.
అల్ట్రా-థిన్ గ్లాస్ (UTG) ప్రొటెక్షన్ ఆర్మర్ గ్లాస్ కోటింగ్తో డివైజ్ మన్నికను అందిస్తుంది. ఆక్టా-కోర్ స్నాప్డ్రాగన్ 8 జనరేషన్ 3 ఎస్ఓసీ ద్వారా పవర్ పొందుతుంది. 16జీబీ వరకు ఎల్పీడీడీఆర్5ఎక్స్ ర్యామ్, 1టీబీ వరకు యూఎఫ్ఎస్ 4.0 స్టోరేజీతో బ్యాకప్ అయింది. అదనంగా, వివో అనుకూల వి3 ఇమేజింగ్ చిప్ను కూడా కలిగి ఉంటుంది.
వివో ఎక్స్ ఫోల్డ్ 3 సిరీస్ 14.98 గ్రాముల బరువున్న కార్బన్ ఫైబర్ కీ ప్రవేశపెట్టింది. గత మోడల్ కన్నా 37 శాతం తేలికైనది. 5లక్షల ఫోల్డ్లను తట్టుకోగలదని టీయూవీ రైన్ల్యాండ్ ధృవీకరించింది. ఫోటోగ్రఫీ విషయానికి వస్తే.. వివో ఎక్స్ ఫోల్డ్ 3 ప్రో ట్రిపుల్ రియర్ కెమెరా సెటప్ను కలిగి ఉంది. ఎఫ్/1.68 లెన్స్, ఓఐఎస్తో కూడిన 50ఎంపీ ప్రైమరీ కెమెరా, 3ఎక్స్ ఆప్టికల్ జూమ్తో కూడిన 64ఎంపీ టెలిఫోటో సెన్సార్, 50ఎంపీ అల్ట్రా-వైడ్ కలిగి ఉంటుంది. లోపలి, బయటి స్క్రీన్లు రెండూ ఎఫ్/2.4 ఎపర్చర్లతో 32ఎంపీ సెల్ఫీ కెమెరాలను కలిగి ఉన్నాయి.
కనెక్టివిటీ ఆప్షన్లలో 5జీ, వై-ఫై 7, బ్లూటూత్ 5.4, ఎన్ఎఫ్సీ, జీపీఎస్, NavIC, ఓటీజీ, యూఎస్బీ టైప్-సి పోర్ట్తో సహా వస్తుంది. సెక్యూరిటీ ఫీచర్లలో 3డీ అల్ట్రాసోనిక్ డ్యూయల్ ఫింగర్ ప్రింట్ సెన్సార్, ఫేషియల్ రికగ్నిషన్ ఉన్నాయి. దుమ్ము, నీటి నిరోధకతకు ఐపీఎక్స్8 రేటింగ్ను కలిగి ఉంది. చివరగా, వివో ఎక్స్ ఫోల్డ్ 3 ప్రో 100డబ్ల్యూ వైర్డు, 50డబ్ల్యూ వైర్లెస్ ఛార్జింగ్కు సపోర్టుతో 5,700ఎంఎహెచ్ బ్యాటరీతో పవర్ అందిస్తుంది.