Apple iPhone 16 Series : ప్రపంచ ఐటీ దిగ్గజం ఆపిల్ నుంచి సరికొత్త ఐఫోన్ 16 సిరీస్ రాబోతోంది. ఈ కొత్త ఐఫోన్ 16 లాంచ్కు ఏడాది కన్నా తక్కువ సమయం ఉంది. అయితే, నెక్స్ట్ జనరేషన్ ఐఫోన్ల లీక్లకు సంబంధించి గత కొన్ని వారాలుగా అనేక లీకులు బయటకు వస్తున్నాయి. ఇప్పటికే, ఆపిల్ ఐఫోన్ 15 ప్రో సిరీస్ను కొత్త యాక్షన్ బటన్తో ప్రవేశపెట్టింది.
ఇప్పుడు ఐఫోన్ 16 సిరీస్లో ప్రత్యేక క్యాప్చర్ బటన్ ఉంటుందని లీక్ డేటా సూచిస్తోంది. ఈ ఫంక్షన్ సెల్ఫ్ కంట్రోల్ వర్క్ అవుతుంది. బ్లూమ్బెర్గ్ ప్రకారం.. ఈ క్యాప్చర్ బటన్ ద్వారా త్వరగా వీడియోలను క్యాప్చర్ చేసేందుకు సాయపడుతుంది. ఇంతకీ ఇదేలా పనిచేస్తుంది? అనే పూర్తి వివరాలను తెలుసుకుందాం.
Read Also : Aadhaar Address Update : మీ ఆధార్ కార్డులో అడ్రస్ ఎలా అప్డేట్ చేసుకోవాలో తెలుసా? పూర్తి ప్రాసెస్ మీకోసం..!
సాధారణ బటన్ల మాదరిగా కాకుండా, నొక్కినప్పుడు క్యాప్చర్ బటన్ ఫిజికల్గా కదలదు. దానికి బదులుగా హాప్టిక్ ఫీడ్బ్యాక్ అనే టెక్నాలజీని ఉపయోగిస్తుంది. అంటే.. మీరు ఆ బటన్ టచ్ చేసినప్పుడు మీకు అదేలా రెస్పాన్స్ ఇస్తుంది. ఇందులోని ఫోర్స్ సెన్సార్ బటన్ను మీరు ఎంత గట్టిగా నొక్కినారనే దానిబట్టి రెస్పాండ్ అవుతుందని భావిస్తున్నారు. క్యాప్చర్ బటన్ వీడియోలను వేగంగా, సులభంగా రికార్డింగ్ చేసేందుకు ఈ బటన్ రూపొందించారు. మీరు ఏదైనా వీడియోను తక్షణమే రికార్డ్ చేసేందుకు ఈ బటన్ను ఉపయోగించవచ్చు.
iPhone 16 dedicated button
లైట్ ప్రెస్ చేస్తే ఫొటోలు.. హార్డ్ ప్రెస్తో వీడియోలు రికార్డింగ్ :
ఐఫోన్ 16 ఇటీవలి ప్రోటోటైప్లో ఈ బటన్ ఫోన్ కుడి వైపున ఉండనుంది. దాంతో యూజర్లు సులభంగా యాక్సెస్ చేయగలరు. ఆసక్తికరంగా, బటన్ను మీరు ఎంత గట్టిగా నొక్కినారనే దాని ఆధారంగా విభిన్నమైన పనులను వేగంగా పూర్తి చేయగలదు. ఉదాహరణకు, లైట్ ప్రెస్ ఫొటోలు తీయడానికి కెమెరాను ఓపెన్ చేస్తుంది. అయితే, హార్డ్ ప్రెస్ వీడియో రికార్డింగ్ను ఎనేబుల్ చేస్తుంది.
ఇతర ఫీచర్ల విషయానికొస్తే, ఆపిల్ కొత్త యాక్షన్ బటన్ను ఐఫోన్ 16 సిరీస్ ప్రామాణిక మోడల్లకు కూడా తీసుకురానున్నట్టు రిపోర్టు తెలిపింది. రాబోయే ఐఫోన్ 16 ప్రో సిరీస్లో ఎ17 ప్రో ఎస్ఓసీ నుంచి అధునాతన ఎ18 ప్రో చిప్సెట్లు ఉండవచ్చు. ఎ17 ప్రో వెర్షన్ స్వీకరిస్తాయా? ఇటీవలి పుకార్లు మొత్తం ఐఫోన్ 16 సిరీస్ను (TSMC) ఉత్పత్తి చేసే ఎ18 సిరీస్ చిప్ల ద్వారా అందిస్తుందని సూచిస్తున్నాయి.
ఇందులో ఎ18 చిప్సెట్ను కలిగి ఉన్న ప్రామాణిక ఐఫోన్ 16 మోడల్ అవకాశాన్ని కలిగి ఉంటుంది. అయితే, ప్రో మోడల్లు ఎ18 ప్రో వేరియంట్ను కలిగి ఉంటాయి. ఆపిల్ 2024 ఐఫోన్ బ్యాటరీ సామర్థ్యాలను కూడా పెంచే అవకాశం ఉంది. చివరగా, ఐఫోన్ 16, 16 ప్లస్ అదే 6.1-అంగుళాలు, 6.7-అంగుళాల స్క్రీన్ పరిమాణాలను కలిగి ఉండనున్నాయి. అయితే, ఐఫోన్ 16 ప్రో, ఐఫోన్ 16 ప్రో మాక్స్ వరుసగా 6.23-అంగుళాలు, 6.85-అంగుళాల డిస్ప్లేలతో లాంచ్ అయ్యే అవకాశం ఉంది.