IAS Srilakshmi : సేవా శిక్ష రద్దు చేయాలని కోరిన ఐఏఎస్ శ్రీలక్ష్మి…కుదరదని పిటిషన్ కొట్టివేసిన హైకోర్టు
సీనియర్ ఐఏఎస్ అధికారి శ్రీలక్ష్మికి హైకోర్టులో షాక్ తగిలింది.సేవ శిక్ష విషయంలో పునఃసమీక్షించాలని కోరగా కోర్టు ఈ పిటిషన్ కొట్టివేసింది.
AP high court squashes ias srilakshmi petition : సీనియర్ ఐఏఎస్ అధికారి శ్రీలక్ష్మికి తాజాగా హైకోర్టులో షాక్ తగిలింది. కోర్టు ధిక్కరణ కేసులో శిక్షకు గురైన శ్రీలక్ష్మి అక్కడికక్కడే క్షమాపణ చెప్పడంతో ఆ శిక్షను సేవగా మారుస్తూ ఇటీవల ఏపీ హైకోర్టు తీర్పును వెలువరించిన సంగతి తెలిసిందే. ఈ కేసులో ఏడాది పాటు నెలకో రోజు ప్రభుత్వ వసతి గృహాల్లో సేవ చేయాలంటూ కోర్టు ఆదేశాలు జారీ చేసిన విషయం తెలిసిందే.
కానీ.. ఈ సేవ శిక్ష విషయంలో పునఃసమీక్ష చేయాలంటూ శ్రీలక్ష్మి తాజాగా హైకోర్టులో ఓ పిటిషన్ దాఖలు చేశారు. ఈ పిటిషన్ను తొలుత విచారణకే స్వీకరించేందుకు హైకోర్టు రిజిస్ట్రీ నిరాకరించగా.. తాజాగా శ్రీలక్ష్మి తరఫు న్యాయివాది వివరణతో పిటిషన్ను విచారణకు అనుమతించారు. ఈ క్రమంలో బుధవారం నాడు విచారణ చేపట్టిన హైకోర్టు శ్రీలక్ష్మి పిటిషన్ను కొట్టివేసింది.