Mahesh Babu: మహేష్ సినిమాలో నందమూరి హీరో.. ఇక బాక్సులు బద్దలే!

ఇటీవల టాలీవుడ్‌లో మల్టీస్టారర్ మూవీలు వరుసగా రిలీజ్ అవుతూ బాక్సాఫీస్‌ను దడదడలాడిస్తున్నాయి. ఇప్పటికే ఇండియన్ బిగ్గెస్ట్ మల్టీస్టారర్ మూవీగా ‘ఆర్ఆర్ఆర్’ మార్చి 25న ప్రపంచవ్యాప్తంగా...

Mahesh Babu: ఇటీవల టాలీవుడ్‌లో మల్టీస్టారర్ మూవీలు వరుసగా రిలీజ్ అవుతూ బాక్సాఫీస్‌ను దడదడలాడిస్తున్నాయి. ఇప్పటికే ఇండియన్ బిగ్గెస్ట్ మల్టీస్టారర్ మూవీగా ‘ఆర్ఆర్ఆర్’ మార్చి 25న ప్రపంచవ్యాప్తంగా అత్యంత భారీ అంచనాలు మధ్య రిలీజ్ అయిన సంగతి తెలిసిందే. ఈ సినిమాలో యంగ్ టైగర్ ఎన్టీఆర్, మెగా పవర్ స్టార్ రామ్ చరణ్‌లు కలిసి నటించగా దర్శకుడు రాజమౌళి తెరకెక్కించాడు. ఈ చిత్రానికి యావత్ ప్రపంచంలోని ప్రేక్షకులు నీరాజనాలు పలికారు. ఆ తరువాత వచ్చిన ఆచార్య చిత్రంలోనూ మెగాస్టార్ చిరంజీవి, చరణ్ కలిసి నటించారు. ఇప్పుడు తాజాగా వెంకటేష్, వరుణ్ తేజ్ కాంబినేషన్‌లో ఎఫ్3 మూవీ కూడా మల్టీస్టారర్ చిత్రంగా ప్రేక్షకులను అలరించేందుకు రెడీ అయ్యింది.

Mahesh Babu : రెండొందల కోట్ల క్లబ్‌లో సర్కారు వారి పాట.. కొనసాగుతున్న మహేష్ మానియా..

అయితే ఈ సినిమాలతో పాటు త్వరలోనే సూపర్ స్టార్ మహేష్ బాబు నటించబోయే సినిమాలో కూడా మరో హీరో నటించబోతున్నట్లు ఇండస్ట్రీ వర్గాల్లో జోరుగా టాక్ వినిపిస్తోంది. మాటల మాంత్రికుడు త్రివిక్రమ్ కాంబినేషన్‌లో రాబోతున్న సినిమాలో మహేష్ బాబు సరికొత్త లుక్‌లో కనిపిస్తాడనే టాక్ ఇప్పటికే సినీ వర్గాల్లో వినిపించిన సంగతి తెలిసిందే. ఈ సినిమాను త్వరలోనే పట్టాలెక్కించేసి, అంతే త్వరగా పూర్తి చేయాలని చిత్ర వర్గాలు చూస్తున్నాయట. అయితే ఈ సినిమాలో మహేష్‌తో పాటు ఓ నందమూరి హీరో కూడా నటిస్తాడని తెలుస్తోంది. ఈ సినిమాలోని ఓ కీలక పాత్రలో నందమూరి తారకరత్న నటించబోతున్నాడని తెలుస్తోంది. ఆయన పాత్ర ఈ సినిమాలో చాలా కీలకంగా ఉంటుంని చిత్ర యూనిట్ అంటోంది.

Mahesh Babu: మహేష్ కోసం త్రివిక్రమ్ పాతదే వాడేస్తాడా?

కానీ ఈ విషయంపై ఇంకా అఫీషియల్‌గా ఎలాంటి అనౌన్స్‌మెంట్ అయితే రాలేదు. ఒకవేళ ఇది నిజం అయితే మాత్రం.. మహేష్ బాబు లాంటి స్టార్ హీరో సినిమాలో నందమూరి హీరోకు ఎలాంటి పాత్ర లభిస్తుందా అనే ఆసక్తి అందరిలోనూ నెలకొంటుంది. ఇక ఈ సినిమాలో అందాల భామ పూజా హెగ్డే హీరోయిన్‌గా నటిస్తుండటంతో ఈ సినిమాలో ఆమె పాత్ర కూడా చాలా కీలకంగా ఉంటుందని.. రొటీన్ సినిమాల్లో లాగా కాకుండా ఈసారి ఆమె పాత్ర చాలా వైవిధ్యంగా ఉంటుందని చిత్ర యూనిట్ అంటోంది. మొత్తానికి మహేష్ బాబు సినిమాలో నందమూరి తారక రత్న ఓ కీలక పాత్రలో నటిస్తున్నాడనే విషయం ఇప్పుడు సోషల్ మీడియాలో వైరల్‌గా మారింది. మరి ఈ వార్త నిజం అయితే గనక, ఈ సినిమాను చూసేందుకు మహేష్ అభిమానులతో పాటు నందమూరి అభిమానులు కూడా థియేటర్లకు క్యూ కడతారు.