2023 BMW M 1000 RR Launch : రూ. 49 లక్షలకే బీఎండబ్ల్యూ M 1000 RR బైక్ వచ్చేసింది.. కేవలం 3.1 సెకన్లలో 100కి.మీ దూసుకెళ్తుంది!
2023 BMW M 1000RR launch : భారత మార్కెట్లోకి బీఎండబ్ల్యూ మోటోరాడ్ ఇండియా నుంచి కొత్త మోటార్ సైకిల్ వచ్చేసింది. రోడ్-లీగల్ M 1000 RRని రూ. 49 లక్షల ప్రారంభ ధరతో లాంచ్ అయింది.
- Published By: 10TV Digital Team ,Published On : June 28, 2023 / 06:29 PM IST
2023 BMW M 1000RR launched in India at Rs 49 lakh
2023 BMW M 1000RR Launch in India : ఇటీవలే మోటార్‌సైకిల్‌ను BMW మోటోరాడ్ ఇండియా (BMW Motorrad India) ఎట్టకేలకు ఎంతో ఆసక్తిగా ఎదురుచూస్తున్న రోడ్-లీగల్ M 1000 RRని రూ. 49 లక్షల ప్రారంభ ధర, ఎక్స్-షోరూమ్‌లో లాంచ్ చేసింది. ‘కాంపిటీషన్’ బ్యాడ్జ్‌తో కూడిన టాప్-స్పెక్ వేరియంట్ రూ. 55 లక్షలకు, ఎక్స్-షోరూమ్ ధరకు అందుబాటులో ఉంటుంది. BMW తయారీదారు ఈ మోటార్‌సైకిల్‌ను CBU (ఫుల్ బిల్ట్-అప్ యూనిట్లు) ద్వారా దేశంలో ప్రధాన ప్రొడక్టుగా అందిస్తుంది. నవంబర్ నుంచి డెలివరీలు ఈ బైకు ప్రారంభం కావాల్సి ఉండగా ఇప్పటికే బుకింగ్‌లు ప్రారంభమయ్యాయి.
బేస్ వేరియంట్ రెండు కలర్ స్కీమ్‌లలో లభిస్తుంది. అందులో లైట్ వైట్ M మోటార్‌స్పోర్ట్, అయితే కాంపిటీషన్ వేరియంట్ బ్లాక్‌స్టార్మ్ మెటాలిక్ M మోటార్‌స్పోర్ట్ ఆప్షన్లను అందిస్తుంది. ఈ సూపర్‌బైక్ లిక్విడ్-కూల్డ్, 999cc, ఇన్‌లైన్ 4-సిలిండర్ ఇంజన్ నుంచి పవర్ అందిస్తుంది. ఆకట్టుకునేలా 212hp, 113 Nm గరిష్ట టార్క్‌ను అందిస్తుంది. కేవలం 3.1 సెకన్లలో 0-100 kmph స్పీడ్ అందుకోగలదు. అయితే, టాప్ స్పీడ్ 314kmph వరకు దూసుకెళ్లగలదు.
2023 BMW M 1000 RR Launch in India at Rs 49 lakh
ఫీచర్లలో GPS డేటా లాగర్, ల్యాప్‌ట్రిగ్గర్‌తో కూడిన 6.5-అంగుళాల TFT డిస్‌ప్లేను పొందుతుంది. ఆఫర్‌లో రైడింగ్ మోడ్‌లు ‘రెయిన్’, ‘రోడ్’, ‘డైనమిక్’ మరియు ‘రేస్’ పూర్తిగా కస్టమైజ్ చేసిన ‘Race Pro1-3’గా ఉంటుంది. (M) కాంపిటీషన్ వేరియంట్ వెళ్లే కస్టమర్‌లు మిల్లింగ్ పార్ట్స్ ప్యాకేజీని పొందవచ్చు. బేస్-స్పెక్ ప్యాకేజీ కన్నా 220 గ్రాములు తేలికైన మెటల్ స్వింగ్‌ఆర్మ్, ఇతర వాటితో పాటు ఏరో వీల్ కవర్లు కూడా ఉంటాయి. BMW M 1000RR డుకాటి పానిగేల్ V4R వంటి వాటికి పోటీదారుగా ఉంటుంది. ఇటీవలే భారత్‌లో అత్యంత ఎక్కువ ధర 69.9 లక్షలు (ఎక్స్-షోరూమ్)తో లాంచ్ అయింది.
