Hyundai Women’s Day 2023 Offers : మహిళా దినోత్సవం 2023.. మహిళా కస్టమర్ల కోసం హ్యుందాయ్ స్పెషల్ ఆఫర్లు.. అసలు మిస్ చేసుకోవద్దు..!
Hyundai Women's Day 2023 Offers : హ్యుందాయ్ మహిళా కస్టమర్లకు గుడ్ న్యూస్.. హ్యుందాయ్ మోటార్ ఇండియా కంపెనీ మహిళా దినోత్సవం 2023 (Women's Day 2023) వేడుకల్లో భాగంగా తమ మహిళా కస్టమర్ల కోసం స్పెషల్ ఆఫర్లను ప్రకటించింది.
Hyundai Women’s Day 2023 Offers : హ్యుందాయ్ మహిళా కస్టమర్లకు గుడ్ న్యూస్.. ప్రముఖ ఆటోమొబైల్ తయారీ కంపెనీ హ్యుందాయ్ మోటార్ ఇండియా (Hyundai Motor India) కంపెనీ మహిళా దినోత్సవం 2023 (Women’s Day 2023) వేడుకల్లో భాగంగా తమ మహిళా కస్టమర్ల కోసం స్పెషల్ ఆఫర్లను ప్రకటించింది.
హ్యుందాయ్ ప్రముఖ వాహనాల్లో క్రెటా, వెన్యూ, గ్రాండ్ i10 నియోస్, i20 వంటి కార్లను విక్రయిస్తోంది. అయితే, మహిళా కస్టమర్ల కోసం మార్చి 6 నుంచి ప్రత్యేక ఆఫర్లను అందిస్తోంది. ఈ ప్రత్యేక ఆఫర్లు హ్యుందాయ్ డీలర్షిప్ లేదా సర్వీస్ సెంటర్లో మార్చి 9 వరకు అందుబాటులో ఉంటాయి.
హ్యుందాయ్ ట్విట్టర్ హ్యాండిల్లో షేర్ చేసిన వివరాల ప్రకారం.. కొత్త ఆఫర్లలో ఉచిత వాషింగ్ కూపన్, ఉచిత పిక్-అండ్-డ్రాప్ ఉన్నాయి. కారును మెరుగైన పద్ధతిలో ఎలా నిర్వహించాలనే దానిపై ప్రత్యేక సెషన్లు కూడా ఉన్నాయి. కార్ సర్వీస్పై బెనిఫిట్స్ కూడా అందుబాటులో ఉన్నాయి. అదనంగా, మహిళల కోసం బ్రాండ్లపై myHyundai యాప్ ఆఫర్లు ఉన్నాయి. హ్యుందాయ్ ఇప్పుడు ఎంతో ఆసక్తిగా ఎదురుచూస్తున్న కొత్త వెర్నాను లాంచ్ చేయనుంది.
భారత మార్కెట్లో 2023 హ్యుందాయ్ వెర్నా (Hyundai Verna) లాంచ్ మార్చి 21న జరుగుతుంది. ఈ కారును హ్యుందాయ్ డీలర్షిప్లలో లేదా కంపెనీ అధికారిక వెబ్సైట్ ద్వారా రూ. 25వేల టోకెన్ మొత్తం చెల్లించి బుక్ చేసుకోవచ్చు. భారతలో 2023 హ్యుందాయ్ వెర్నా కారు మోడల్ ధర రూ. 9.99 లక్షల నుంచి రూ. 17 లక్షల (ఎక్స్-షోరూమ్) పరిధిలో ఉంటుందని అంచనా.
ఇటీవల లాంచ్ అయిన 2023 హోండా సిటీ (Honda City), స్కోడా స్లావియా (Skoda Slavia), ఫోక్స్వ్యాగన్ వర్టస్ (Volkswagen Virtus), మారుతి సుజుకి సియాజ్ (Maruti Suzuki Ciaz) వంటి వాటికి పోటీగా ఉంటుంది. 2023 హ్యుందాయ్ వెర్నాలో రెండు ఇంజన్ ఆప్షన్లు ఉన్నాయి. 1.5-లీటర్ MPi పెట్రోల్, 1.5-లీటర్ టర్బో GDi పెట్రోల్ రెండూ ఉన్నాయి.
MPi యూనిట్ 6-స్పీడ్ MT, IVT ఆటోమేటిక్ ఆప్షన్లను కలిగి ఉంది. అయితే టర్బో GDi యూనిట్ 6-స్పీడ్ MT, 7-స్పీడ్ DCT ఆటోమేటిక్ ఆప్షన్లను కలిగి ఉంది. కొలతల పరంగా చూస్తే.. 2023 హ్యుందాయ్ వెర్నా పొడవు 4,535mm, వెడల్పు 1,765mm, ఎత్తు 1,475mm కలిగి ఉంది. దీని వీల్ బేస్ 2,670mm పొడవు ఉంది. 528-లీటర్ బూట్ను కలిగి ఉంది.