Monkeypox : మంకిపాక్స్ డేంజర్ బెల్స్..పది రోజుల్లోనే 12 దేశాలకు విస్తరించిన వైరస్

మంకీపాక్స్‌ను అరికట్టేందుకు చర్యలు తీసుకున్నట్లు పేర్కొంది. ప్రపంచ ఆరోగ్య సంస్థ ప్రకారం.. మంకీపాక్స్ ఒక వైరల్ వ్యాధి. ఇది స్మాల్ పాక్స్ కుటుంబానికి చెందింది.

monkeypox cases : ప్రపంచదేశాలను ఒకవైపు కరోనా మహమ్మారి వణికిస్తుంటే మరోవైపు మంకీపాక్స్ కలవర పెడుతోంది. మంకీపాక్స్‌ వైరస్‌ రోజురోజుకు విస్తరిస్తోంది. దీంతో ప్రపంచ ఆరోగ్య సంస్థ హెచ్చరికలు జారీ చేసింది. ఈ వైరస్‌ కేవలం పది రోజుల్లోనే 12 దేశాలకు విస్తరించిందని, 92 కేసులు నమోదయ్యాయని పేర్కొంది. కేసులు మరింత వేగంగా పెరిగే అవకాశం ఉందని, జాగ్రత్తగా ఉండాల్సిన అవసరం ఉందని స్పష్టం చేసింది.

మంకీపాక్స్‌ను అరికట్టేందుకు చర్యలు తీసుకున్నట్లు పేర్కొంది. ప్రపంచ ఆరోగ్య సంస్థ ప్రకారం.. మంకీపాక్స్ ఒక వైరల్ వ్యాధి. ఇది స్మాల్ పాక్స్ కుటుంబానికి చెందింది. మధ్య, పశ్చిమ ఆఫ్రికా దేశాల్లో ఎక్కువగా కనిపించే ఈ వ్యాధి… ఒకరి నుంచి మరొకరికి వేగంగా సోకుతుంది. మంకీపాక్స్ ఇన్‌ఫెక్షన్ సాధారణంగా 6 నుంచి 13 రోజులు ఉంటుంది. కొంతమందిలో మాత్రం ఐదు రోజుల నుంచి 21 రోజుల వరకు ఉంటుంది.

Monkeypox: మంకీపాక్స్ అంటే ఏమిటి? దానిని ఎలా గుర్తించాలి.. లక్షణాలేంటి..?

మరోవైపు ఐరోపా, అమెరికా దేశాల్లో ఇటీవల బయటపడిన మంకీపాక్స్ కేసులు… ఆందోళన కలిగిస్తున్నాయి. మొట్టమొదటిసారి ఈ వ్యాధి గురించి అమెరికా అధ్యక్షుడు జో బైడెన్ బహిరంగంగా ఆందోళన వెలిబుచ్చారు. దక్షిణకొరియాలోని ఒసాన్ విమాన స్థావరం వద్ద విలేఖరులతో మాట్లాడిన ఆయన… ఈ వ్యాధి ఏ స్థాయిలో ఉందో ఇంకా తెలియకపోయినా…ఇది ఆందోళన కలిగించే విషయమేనని పేర్కొన్నారు. ఏ వ్యాక్సిన్ ఈ వ్యాధిని నివారిస్తుందో నిర్ణయించడానికి ప్రయత్నాలు జరుగుతున్నాయని చెప్పారు.