Restrictions On Women’s Education : మహిళల విద్యపై అఫ్ఘాన్‌ ప్రభుత్వం కఠిన ఆంక్షలు.. యూనివర్సిటీ ప్రవేశ పరీక్షలకు అనుమతించరాదంటూ ఆదేశాలు
మహిళల ఉన్నత చదువులపై తాలిబన్ ప్రభుత్వం కఠిన ఆంక్షలు.. పరీక్షలకు అనుమతి ఇవ్వొదంటూ ఆదేశాలు అఫ్ఘనిస్తాన్ లో మహిళల ఉన్నత చదువులపై తాలిబన్ ప్రభుత్వం కఠిన ఆంక్షలు విధించింది. మహిళల చదువుపై అఫ్ఘనిస్తాన్ ప్రభుత్వం ఆంక్షలు రెట్టింపు చేసింది.
- Published By: 10TV Digital Team ,Published On : January 29, 2023 / 09:16 AM IST
TALIBAN
Restrictions On Women’s Education : మహిళల ఉన్నత చదువులపై తాలిబన్ ప్రభుత్వం కఠిన ఆంక్షలు.. పరీక్షలకు అనుమతి ఇవ్వొదంటూ ఆదేశాలు అఫ్ఘనిస్తాన్ లో మహిళల ఉన్నత చదువులపై తాలిబన్ ప్రభుత్వం కఠిన ఆంక్షలు విధించింది. మహిళల చదువుపై అఫ్ఘనిస్తాన్ ప్రభుత్వం ఆంక్షలు రెట్టింపు చేసింది. యూనివర్సిటీ ప్రవేశ పరీక్షలకు వారిని అనుమతించరాదంటూ ప్రైవేట్ విశ్వ విద్యాలయాలకు ఆదేశాలు జారీ చేసింది. గ్రాడ్యుయేట్, పోస్టు గ్రాడ్యుయేట్, డాక్టరేట్ స్థాయి ప్రవేశాలకు నిర్వహించే ఎలాంటి పరీక్షలకు వారికి అనుమతి ఇవ్వొద్దంటూ తాలిబన్ ప్రభుత్వం ఆదేశించింది. దీనిని ఆ దేశ విద్యాశాఖ ప్రతినిధి జియాఉల్లా హష్మీ నిర్ధారించారు. మహిళల విద్యపై అఫ్ఘనిస్తాన్ లో అమలవుతున్న ఆంక్షలపై ప్రపంచ దేశాల నుంచి నిరసన వ్యక్తం అవుతోంది.
మహిళల స్వేచ్ఛ, ఆంక్షలు లేని విద్య కోసం అంతర్జాతీయ స్థాయిలో ఆ దేశంపై ఒత్తిడి వస్తోంది. ఈ నేపథ్యంలో ఐక్యరాజ్య సమితి ప్రతినిధులు ఈ నెలలో అఫ్ఘనిస్తాన్ లో వరుస పర్యటనలు జరిపి ఆ దేశ నేతలతో చర్చలు జరుపుతున్నారు. దీంతో మహిళల విద్యపై ఆంక్షలను అప్ఘానిస్తాన్ ప్రభుత్వం ఎత్తివేయడం గానీ, సవరించడం గానీ చేస్తుందని అందరూ ఆశిస్తున్న స్థాయిలో మరిన్ని ఆంక్షలు విధిస్తూ తాలిబన్ పాలకులు ఉత్తర్వులు జారీ చేయడం అందరినీ ఆశ్చర్య పరిచింది. ఇప్పటికే అఫ్ఘానిస్తాన్ లో బాలికల హైస్కూల్ స్థాయి చదువులపై పలు ఆంక్షలు అమలవుతుండటం గమనార్హం.
మరోవైపు తాలిబన్లకు ఐక్యరాజ్య సమితి స్ట్రాంగ్ వార్నింగ్ ఇచ్చింది. మహిళలపై విధిస్తున్న ఆంక్షలతో ప్రపంచ వేదికపై ఆఫ్ఘనిస్తాన్ ఏకాకిగా మిగిలిపోయే ప్రమాదముుందని హెచ్చరించింది. ఇటీవల ఆఫ్ఘాన్ లో పర్యటించిన ఐక్యరాజ్య సమితి ప్రతినిధి బృందం అక్కడి పరిస్థితులను పరిశీలించింది. మహిళలు, బాలికల హక్కులను పరిరక్షణకు చొరవ చూపాలని తాలిబన్లను కోరింది. చదువులు, ఉద్యోగాల నుంచి మహిళలను దూరం చేస్తూ తాలిబన్ ప్రభుత్వం విధిస్తున్న నిషేదాజ్ఞలపై ఐరాస ఆందోళన వ్యక్తం చేసింది. స్థానికంగా మానవతా సంక్షోభం నెలకొన్న వేళ ఈ ఆంక్షలు ఆఫ్ఘాన్ ను మరింత ఏకాకిని చేస్తాయని తెలిపింది.
తమ పర్యటనలో భాగంగా స్థానిక ప్రజలను కలుసుకుని వారికి తమ సంఘీభావం ప్రకటించింది. అధికారులతో చర్చలు జరిపింది. తమ పరిశీలనులు, సిఫారుసులను ఐరాస సభ్య దేశాలతో పంచుకోనుంది. ఆఫ్ఘనిస్తాన్ లో అధికారం చేపట్టిన నాటి నుంచి తాలిబన్లు మహిళలపై ఆంక్షలు విధిస్తూ వస్తున్నారు. ముఖ్యంగా మహిళల విద్యపై నిషేధాన్ని విధించిన తాలిబన్లు.. ఉద్యోగాలు చేయడం, యూనివర్సిటీలకు వెళ్లడం, ఎన్ జీవోలలో పని చేయడాన్ని కట్టడి చేశారు. దీనిపై స్థానిక మహిళలు ఆందోళనలు కూడా నిర్వహించారు. తాలిబన్ల నిర్ణయాలను అంతర్జాతీయంగా చాలా దేశాలు వ్యతిరేకించాయి.
అయినప్పటికీ వాటిని తిరిగి కొనసాగించడం తమ ప్రాధాన్యం కాదని తాలిబాన్లు తెలిపారు. హింస ఇస్లామిక్ చట్టాలను మహిళలు అతిక్రమించడం ఎట్టిపరిస్థితుల్లో అనుమతించబోమని తాలిబన్లు స్పష్టం చేశారు. ఆఫ్ఘాన్ లోని మహిళల హక్కులపై ప్రపంచ వ్యాప్తంగా ఆందోళన వ్యక్తమవుతున్న తరుణంలో తాము వెనక్కి తగ్గేదేలే అనేదిగా తాలిబాన్లు వ్యవహరిస్తున్నారు. ఇస్లామిక్, షరియాకు అనుగుణంగా అన్ని విషయాలను నియంత్రిస్తున్నారని, షరియాకు వ్యతిరేకంగా ఏ పనిని కూడా తమ ప్రభుత్వం అనుమతించబోదని తాలిబన్లు స్పష్టం చేశారు.
షరియా చట్టాల ప్రకారమే మహిళలపై ఆంక్షలు విధిస్తున్నామన్న తాలిబన్ల వాదనను ముస్లిం దేశాల కూటమి అయిన ఆర్గనైజేషన్ ఆఫ్ ఇస్లామిక్ కార్పొరేషన్ ఖండించింది. మహిళల హక్కులను కాలరాయొద్దంటూ తాలిబన్లకు ఇటీవలే సూచనలు చేసింది. మహిళలు, బాలికల చదువు ఉద్యోగం లాంటి హక్కుల నుంచి దూరం చేయొద్దని చెప్పింది. అయితే తాలిబన్లు మాత్రం ఎవరి మాట వినేలా కనిపించం లేదు.
