Russia-Ukraine: పుతిన్ కాళ్లపై పడి క్షమాపణ అడుగు: జెలెన్స్కీకీ చెచెన్యా నేత హితవు

యుద్ధాన్ని ఆపాలంటే రష్యా అధ్యక్షుడు పుతిన్ కాళ్ళు పట్టుకుని జెలెన్స్కీ(యుక్రెయిన్ అధ్యక్షుడు) క్షమాపణ కోరాలని చెచెన్ నాయకుడు రంజాన్ కాడిరోవ్ హితవు పలికారు.

Russia-Ukraine: పుతిన్ కాళ్లపై పడి క్షమాపణ అడుగు: జెలెన్స్కీకీ చెచెన్యా నేత హితవు

Ukriane

Russia-Ukraine:  రష్యా – యుక్రెయిన్ మధ్య యుద్ధం తీవ్రతరం అవుతున్న క్రమంలో.. ఇరు దేశాలను శాంతింపజేసే చర్యలేవి ఫలప్రదంగా సాగడంలేదు. యుద్ధాన్ని ఆపి చర్చలకు రావాలంటూ యుక్రెయిన్ అధ్యక్షుడు జెలెన్స్కీ రష్యాను కోరాగా.. యుక్రెయిన్ సైనికులే ఆయుధాలను విడనాడితే చర్చలకు వస్తామంటూ రష్యా ప్రకటించింది. అయితే కేవలం నోటిమాటగా మాత్రమే సాగుతున్న ఈ పరిణామాలు చర్చల దిశగా కార్యరూపం దాల్చడంలేదు. మరోవైపు యుక్రెయిన్ పై యుద్ధాన్ని ఆపాలంటే రష్యా అధ్యక్షుడు పుతిన్ కాళ్ళు పట్టుకుని జెలెన్స్కీ(యుక్రెయిన్ అధ్యక్షుడు) క్షమాపణ కోరాలని చెచెన్ నాయకుడు రంజాన్ కాడిరోవ్ హితవు పలికారు. యుక్రేనియన్ అధ్యక్షుడు జెలెన్ స్కీ “వ్లాదిమిర్ పుతిన్ వద్దకువెళ్లి క్షమాపణ చెప్పమని సలహా ఇస్తున్నా” అంటూ కాడిరోవ్ సూచించారు.

Also read: Indian Students : యుక్రెయిన్ నుంచి మొదలైన భారతీయుల తరలింపు.. ఈ రాత్రికి ముంబైకి చేరుకోనున్న విమానం

చెచెన్యాలోని సెంట్రల్ గ్రోజ్నీలో సమావేశమైన రంజాన్ కాడిరోవ్ చెచెన్ సైనికులతో సమావేశం అయ్యారు. ఈసంధర్బంగా కాడిరోవ్ మాట్లాడుతూ “ప్రస్తుత యుక్రెయిన్ అధ్యక్షుడు జెలెన్స్కీకి సలహా ఇవ్వాలనుకుంటున్నాను, తద్వారా అతను మా అధ్యక్షుడు, సుప్రీం కమాండర్ వ్లాదిమిర్ వ్లాదిమిర్రోవిచ్ పుతిన్ వద్దకు వెళ్లి క్షమాపణ కోరుతాడు. యుక్రెయిన్ ను కాపాడటానికి ఇదొక్కటే మార్గమని, క్షమాపణ అడగండి మరియు రష్యా విధించే అన్ని షరతులకు అంగీకరించండి” అంటూ యుక్రెయిన్ అధ్యక్షుడికి సూచనలు ఇచ్చారు.

Also read: Ukraine- Russia Crisis : గుడ్ న్యూస్.. భారీగా తగ్గిన బంగారం ధరలు

రష్యాలో అంతర్భాగమైన చెచెన్యా నుంచి వేలాది మంది పురుషులు రష్యా సాయుధ దళాలకు సహాయం అందించడానికి సిద్ధంగా ఉన్నారని రంజాన్ కాడిరోవ్ తెలిపారు. ఇప్పటికే 12,000 మంది చెచెన్ పౌరులు క్రెమ్లిన్ కు మద్దతు తెలిపి సహాయం చేయడానికి సంసిద్ధంగా ఉన్నట్లు కాడిరోవ్ చెప్పారు. క్షమాపణ విషయంలో జెలెన్స్కీ.. పుతిన్ వద్దకు వెళ్లే వరకు వీరు యుద్ధ రంగంలోకి దిగరని..ఒకవేళ జెలెన్స్కీ వెనకడుగువేస్తే ఈ 12,000 మంది వాలంటీర్లు యుక్రెయిన్ పై యుద్ధానికి వస్తారంటూ చెచెన్ నాయకుడు రంజాన్ కాడిరోవ్ హెచ్చరించాడు.

Also read: Russia-Ukraine war: పైన బాంబుల మోత..కీవ్ మెట్రో అండ‌ర్‌గ్రౌండ్‌ లో పండంటి పాపకు జ‌న్మ‌నిన మ‌హిళ‌